20170101 發表於 23-12-19 15:57
小一,每次教功課溫習都好勞氣。自己盡力克制,佢就處處挑戰底線。我越講越大聲,直到我出手佢先肯停止,每日放學不断循環。
佢喺外邊就陰聲細氣唔敢講嘢,別人眼中好乖的,但喺屋企一唔順意就態度惡劣。
佢一出世我放棄工作一直陪伴,換來咁樣受氣,令佢唔得獨立處處依賴真係好沮喪。眼見全職工作嘅家長都冇我咁勞心勞力,當初我決定可能係錯誤嘅開始。
佢如果認真溫習,係可以的。只係每次認真溫習陪讀之前係要花費好多時間力氣去發脾氣,去駁嘴去挑戰。我以前有個同事話自己從來唔會跟功課考試,寧願自己出去揾錢俾佢補習。我開頭覺得咁樣好似錯過了童年,但最近覺得咁樣未嘗唔係好事,減少磨擦,少見多珍惜,拉近親子關係。