吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 雙重打擊，呢個星期係我人生低點

夫婦情感今日: 2|主題: 42452

收藏本版

發帖

返回列表

跳至頁

樓主: doubleimpact

4 567 8...26

積分: 2677

101^#

發表於 13-8-16 11:37 |只看該作者

回覆：雙重打擊，呢個星期係我人生低點

再次撐你!樓主!加油加油

私人傳訊

McSuet

男爵府

積分: 6981

102^#

發表於 13-8-16 11:58 |只看該作者

回覆：doubleimpact 的帖子

樓主你要保重，睇到你個post我心都實埋，你醫生講得啱，宜家d關係真的太casual, d女人知個男人有老公都仲玩火，男人少d定力都唔得！唔好太傷心！最重要你仲有仔仔，你要加油頂住呀！

私人傳訊

carolc067

大宅

積分: 2074

認識瑞士牛牛第四回認識瑞士牛牛第三回認識瑞士牛牛第二回認識瑞士牛牛第一回

103^#

發表於 13-8-16 12:56 |只看該作者

我覺得你c6其實真係佢圈子好細, 根本好多事情都未遇到過, 唔識面對, 加上香港0的妹妹仔太開放, 根本唔當性關係係0的咩甘大不了, 隨便比左陌生人都可以, 同埋佢地向結婚男人埋手更有挑戰,

你c6甘坦白, 知道你剛無左bb都唔識講住大話騙你先, 可見佢無咩機心既, 只係有住男人對新鮮女人既好奇心驅使下去同0的女仔發展姐,

我覺得佢無去到找女仔而選擇回家, 佢知驚架喇, 你都要平息下自己心情,找多0的朋友傾, 講晒自己既感覺出黎唔好收埋, 所有事情都有解決既一天,

如果你想繼續同佢行落去, 要大家一齊坐低, 叫佢自己講佢自己要點做, 唔好係你叫佢點點點, 睇下佢自己會諗到做咩去為你改變幾多

大仔都好想見到媽媽成日笑架, 你唔開心, 大仔都會 feel到架, 暑假黎架麻...要開開心心渡過, 暫時忘記左先喇, 好好過日于,

私人傳訊

kwkm

大宅

積分: 4473

畀面勳章 BK Milk勳章

104^#

發表於 13-8-16 13:24 |只看該作者

回覆：雙重打擊，呢個星期係我人生低點

樓主，加油,養好身體，BB好快會返嚟！！

而你同先生嘅問題，我覺得你自己承受太多喇，你唔係聖人，就算係大吵大鬧，或者大喊一場都好，都算舒發咗你嘅壓力，唔好將所有問題都一個人攬哂上身！！

私人傳訊

ys530

大宅

積分: 1425

105^#

發表於 13-8-16 13:26 |只看該作者

樓主你要保重呀, 其實我情況同你差不多, 我係坐月期間發現C6有第三者, 我想法亦都同你一樣

『個心仲有好多結，好多傷口，覺得好委屈。點解佢做既錯事，受嗰個係我。點解要顧全大局嗰個係我。』

醫生都講得啱, 事情只發生左幾個月, 我地都叫早發現可以及早解決, 搵婚輔幫下手啦, 我都開始左見

共勉之

私人傳訊

sandy11223344

禁止訪問

積分: 5658

106^#

發表於 13-8-16 13:37 |只看該作者

回覆：雙重打擊，呢個星期係我人生低點

提示: 作者被禁止或刪除內容自動屏蔽

私人傳訊

loving_mybaby

男爵府

積分: 6747

107^#

發表於 13-8-16 13:38 |只看該作者

回覆：雙重打擊，呢個星期係我人生低點

我睇到喊左

。。。樓主加油。。。

私人傳訊

reatrice

大宅

積分: 1108

108^#

發表於 13-8-16 13:39 |只看該作者

樓主, 你要加油! 我唔知點講, 比著係我亦唔知點面對。但感覺你老公同你坦白, 可能是佢個心都難受, 覺得好對你唔住, 只係timing實在太差......

私人傳訊

308064

別墅

積分: 650

109^#

發表於 13-8-16 13:57 |只看該作者

回覆：雙重打擊，呢個星期係我人生低點

振作呀樓主

私人傳訊

doubleimpact

複式洋房

積分: 380

110^#

發表於 13-8-16 14:02 |只看該作者

回覆：doubleimpact 的帖子

覆診完番屋企，又係兩個人响房既時間。

我：「係呢，你尋日出去諗左咁耐，諗成點啊？」
佢諗左一輪，答：「都唔會再揾。」
幾日前睇過另一個jm既post,偷左師，即問：「咁即是幾時？」
佢：「咁都要依家開始架啦。」
我：「咁係咪唔會再同其他人chat?」
佢：「現在佢係個問題，我都應承左唔揾。」
我：「佢係依家個問題，但你去chat先係令件事發生既原因。你唔揾佢，再撞多三、五十個難保又遇到同樣情況。」
佢點頭：「係既，總之我應承你唔會再同人chat」

我：「好，呢個係一個問題，但你揾得人chat我地之間係有個根本問題，我地可以點解決？我就算番屋企咩都唔做對住你都未必係你想要既野。」
佢認同但無語。
我：「你仲愛唔愛我？」
佢迷茫地答：「其實咩係愛？點樣先可以同另一個人相處一輩子？」
我：「我既愛好簡單。婚姻由愛情變感情，放工，湊仔，一齊合力桿衛頭家。一段婚姻一定唔夠你chat既精彩。你一開始識一個人就好似我同你相識咁，大家用盡心思令對方留意自己，想同自己繼續傾落去。chat會將所有野濃縮，幻想美化左。我同你結左婚幾年，就算依家幾sweet,下一句都可能係提你交水費電費。無辦法，呢個叫生活。」
佢：「我知我對阿仔係愛，我可以好由衷對住佢講I love u. 但對你，我好想關心你，但唔係想同你講i love u嗰種。其實我對嗰個女仔，都係想關心佢，並唔可以講係愛，所以我都知要停。」
我唔敢叫佢諗番當初對我既感覺，可能都係無愛，更加唔知點收科。
我：「夫妻感情一定有起落，上得去chat既人大家唔多唔少都有自己既問題，亦唔識解決自己既問題。我地有問題時唔去解決問題反而揾其他感情有問題攪唔掂既人傾訴，好容易互憐，負能量更多，我地兩個有問題應該我地解決，或者揾我地身邊既朋友幫手。你要有自己既朋友，係會keep住揾，唔係年聚嗰種。」
我：「我答唔到你愛係咩呢d問題，與其我地攪唔掂企左响度，會唔會專業既人幫到我地，例如婚姻輔導？其實我之前無諗過呢個方法，係醫生睇得出我地有問題所以提議既。」
見佢未係咁buy 呢套，但就話：「好啦，等我試下揾下d朋友啦。」跟住就打電話，約左d朋友即晚食飯。

點評

梁梓軒bb 你講得好好發表於 14-4-4 17:48

加魚你做得好好呀！發表於 14-2-18 09:12

私人傳訊

ngabriel_1125

複式洋房

積分: 405

111^#

發表於 13-8-16 14:03 |只看該作者

回覆：雙重打擊，呢個星期係我人生低點

睇到心都痛

加油呀樓主。

私人傳訊

Kambee

大宅

積分: 2114

112^#

發表於 13-8-16 14:03 |只看該作者

回覆 doubleimpact 的帖子

我一路睇你個post, 我一路坐係間餐廳度喊。去年大約呢個時間，我既心情跟你一樣，唔同的係我没有小產。
突然被一個最愛最信任的人背叛，一時間係接受唔到的。
當時滿腦子除了「點解」就想不到其他了。
你C6應該係仲好愛你的，只是一時間放唔低另一段情。
亦都唔知點做，因為他現在好迷惘，好迷失。

如果你仲愛c6，拹助他走出呢個困局，當俾個機會個家。
一次咁多。

私人傳訊