nainaitze 發表於 14-2-17 06:57
請教,平時超過市買來整沙律個d奇妙醬/千島可否用來放入焗爐焗pizza?
奇妙醬千島汁都係由mayonnaise演變過嚟,日本人台灣人叫美乃滋,正式名叫蛋黃醬,做pizza用奇妙醬或千島汁理論上係可以,不過我未試過就咁開樽用嚟做pizza底個醬,因為感覺麻麻,試過用微波爐翻熱麵包,有mayonnaise做餡,叮完嘅醬味道唔多好,直覺就咁放奇妙醬或千島汁一來要好多醬汁,二來奇妙醬同千島汁質感較稀,焗可能會變成好流質,我見日本果D大阪燒或廣島燒都係最後至落奇妙醬,你想試可以一係就最尾至淋上醬汁,一係就將芝士碎同其他材料拌勻醬汁再放上pizza皮焗,主要係令到奇妙醬或千島汁唔會變水,令到個皮糊化,中間焗唔熟。你想試的話先整個小份量嘅,就算唔成功都唔會浪費成個大pizza。
花旗太太生活在花旗國,留意時差,你問我未必即時答到。