Baby Kingdom - 親子王國 香港 討論區 › 首頁 › 論盡家傭› 問下各位意見（長篇）

論盡家傭

收藏本版
發帖
返回列表
跳至頁

首頁
1

尾頁
   0
SophieSophia


洋房

積分: 95


1#
發表於 13-10-20 11:56 |只看該作者
第一次請工人，依家非常苦惱，想問下各位我可以點做！

我屋企有4歳半大仔+剛出世1個月細仔+我兩公婆。大仔出世到依家都係本地湊仔媽照顧（週末由我湊），同湊媽感情好好。

未生細仔時，本來唸住湊媽可以幫我湊埋細仔。但湊媽擔心年紀漸大handle唔到，所以我地決定請工人。agent 介紹左一個菲傭， 話係菲律賓有2年照顧華僑家庭，有湊nb經驗嘅（我無面試過只係睇過cv）。當時唸住工人湊大仔，湊媽湊細仔。

工人7月尾黎到，做家務ok，煮飯一般唔識煮中國菜（因為之前嗰家人係食菲律賓菜），於是我有買cookbook同親自教。但C6對煮飯有要求，而我廚藝一般，所以我同C6經常因為工人煮飯方法而有拗撬。至於湊大仔方面，我地發現大仔唔係好願意獨自跟工人，一定要我／湊媽在場先肯跟。

咁到我9月生完細仔，唸住工人可以係我坐月時幫手湊下細仔啦。點知...
1）工人唔識開奶（奶粉b）、餵奶、換尿片
2）有啲粗手粗腳，唔夠細心，唔係好識同bb換衫，更加唔好話沖涼啦，水溫唔識調教；天氣涼無意識同bb添衣／蓋被
3）做野唔識變通，例如開奶用暖水，正常會用手背試水溫，但佢一味記死幾多ml凍水熱水，無理會電水煲熱水係咪剛煲滾
4）再問佢先知，原來佢以前照顧嘅唔係nb, 係一個6歲細路；而佢自己有3個仔女1歲4歲15歲，但生完仔第一個月根本無親自照顧過，只係負責餵人奶，只係第二個月開始同佢媽一齊照顧（佢話佢未照顧過初出世咁細個嘅bb）

因為以上原因，依家我連細仔都唔係好放心放手俾佢湊。大仔繼續俾湊媽睇住，我同工人湊細仔。但係我11月就放完產假返工喇，所以我仲好頭痕，係咪應該炒工人呢？

- 炒左我唔打算再換，因為未必換得啱。如是我就要湊媽傾幫手湊埋細仔，但佢又好似唔多願意
- 大仔有言語障礙，唔識表達自己，所以我好想自己可以夜晚湊返，如是者我返工時就要工人湊，但大仔好飄忽，有時會唔敢同工人獨處。
- 另一個方案係工人湊細仔，大仔繼續由湊媽照顧（日夜）。但工人唔係好識湊bb，真係好唔放心！就算有裝ip cam mon住，一有意外好難即時處理。

我都好明白炒工人係重大決定，佢黎左3個月，為人老實，聽話，返工唔玩電話，有禮貌，家務ok乾淨，落街買餸超快手唔會浦幾個鐘先返。缺點係有啲蠢，做野靠你輸入程式，唔識變通，唔夠細心，唔識湊bb，唔識廣東話（同c6/湊媽都溝通唔到，英文有時我都聽唔明），煮飯仲係摸索緊。如果就咁炒左佢好似好唔fair, 因為佢真係有優點，有做工人嘅自覺。C6聽完我呻，都俾唔到意見，但佢意向係唔炒。其實如果唔炒，我可以點做呢？
私人傳訊

queenmooe


大宅

積分: 2430


2#
發表於 13-10-20 12:43 |只看該作者

回覆：問下各位意見（長篇）

比D心機教,起碼佢態度好,合作！
私人傳訊

heilongmama


男爵府

積分: 9615


3#
發表於 13-10-20 13:16 |只看該作者
可否唔好講邊個負責湊邊個b, 主力ee睇住，容許ee分配工作，總之佢地兩個搞店大仔同細仔。
私人傳訊

SophieSophia


洋房

積分: 95


4#
發表於 13-10-20 13:26 |只看該作者

回覆：heilongmama 的帖子

大仔返緊上午班，起初我有提議過俾工人湊大仔返學，下午放學就工人+大仔一齊去湊媽屋企，兩個大人睇兩個細路。但湊媽婉拒左，因為唔識用英文溝通，同埋佢唔想屋企多個外人...湊媽話如果細仔俾工人跟到大，有感情，可能會好啲，但佢真係好多基本育兒野都唔識，最弊佢唔識變通，講左一套就做一套，唔識應變，好難教

私人傳訊

GLG


子爵府

積分: 10912


5#
發表於 13-10-20 14:28 |只看該作者
本帖最後由 GLG 於 13-10-20 14:29 編輯

如果我係你, 我會安排工人湊大仔, 細仔由EE照顧, 始終大仔有半日返學, 另外一半時間就算响屋企, 有乜嘢都叫做識得講吓, 工人冇湊new born經驗始終有d危險.

另外, 就算點樣辛苦, 小朋友沖涼呢d嘢, 我會留返自己做. 一來可以有d親子時間, 二來難聽d講句, 自己係呀媽, 總不能乜都假手於人. 而且, 以前有jm教落, 沖涼時你順便可以睇吓小朋友身體有冇傷痕, 萬一(大吉利是)小朋友被虐, 你都可以及早發現.
私人傳訊

SophieSophia


洋房

積分: 95


6#
發表於 13-10-20 23:37 |只看該作者

引用：+本帖最後由+GLG+於+13-10-20+14:29+編輯+\\

原帖由 GLG 於 13-10-20 發表
本帖最後由 GLG 於 13-10-20 14:29 編輯

如果我係你, 我會安排工人湊大仔, 細仔由EE照顧, 始終大仔有半 ...
你都有道理＞＜我唸住如果工人識幫小朋友沖涼，當我返工ot夜返的話佢都可以幫輕下我啦。
私人傳訊

eggcarol


水晶宮

積分: 50340


7#
發表於 13-10-21 00:10 |只看該作者

引用：可否唔好講邊個負責湊邊個b,+主力ee睇住，

原帖由 heilongmama 於 13-10-20 發表
可否唔好講邊個負責湊邊個b, 主力ee睇住，容許ee分配工作，總之佢地兩個搞店大仔同細仔。 ...
Agree
私人傳訊

幸福黃太太


公爵府

積分: 28558

分享愛


8#
發表於 13-10-21 01:21 |只看該作者

回覆：SophieSophia 的帖子

唔洗炒，教下先，可能只係冇經驗唔習慣。
私人傳訊

幸福黃太太


公爵府

積分: 28558

分享愛


9#
發表於 13-10-21 01:23 |只看該作者

引用：Quote:原帖由+GLG+於+13-10-20+發表本帖最

原帖由 SophieSophia 於 13-10-20 發表
你都有道理＞＜我唸住如果工人識幫小朋友沖涼，當我返工ot夜返的話佢都可以幫輕下我啦。



...
呢方面，你可以教佢點沖，間中睇住工人做，其他時間自己攪，咁到時如果真係有需要，工人都識沖嘛。
私人傳訊

Bonbonho


大宅

積分: 2790


10#
發表於 13-10-21 01:26 |只看該作者

回覆：問下各位意見（長篇）

比d耐性慢慢教，依家唔識，做足一個月多少都會識啲....佢聽話肯做係一個最大嘅優點~
私人傳訊

mabel0416


伯爵府

積分: 17995

hashtag影視迷勳章


11#
發表於 13-10-21 08:10 |只看該作者

回覆：SophieSophia 的帖子

可唔可以安排工人去湊媽度幫手學湊nb?果時我喺阿媽度座月，姐姐有兩星期去我阿媽屋企學湊b。
私人傳訊

SophieSophia


洋房

積分: 95


12#
發表於 13-10-21 09:23 |只看該作者

引用：可唔可以安排工人去湊媽度幫手學湊nb?果時

原帖由 mabel0416 於 13-10-21 發表
可唔可以安排工人去湊媽度幫手學湊nb?果時我喺阿媽度座月，姐姐有兩星期去我阿媽屋企學湊b。

...
湊媽唔想多個外人係佢屋企呢...依家唯有睇多一個月，如果無改善就要佢走了。餵奶換片我都教左，照顧大仔返學放學都有教同跟進，但感覺唔多細心（前幾日屋企開左風扇涼涼地都照幫大仔換衫唔關風扇，真係無乜sense!）
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見