吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 地鐵車廂，有位阿叔大鬧後生女唔讓座

自由講場今日: 2198|主題: 1302925

收藏本版

發帖

返回列表

跳至頁

樓主: sai_sai

6 789 10...12

積分: 28621

141^#

發表於 16-8-25 10:46 |只看該作者

leungszeon 發表於 16-8-25 10:41
我估以當時的環境及樓主所形容的，99%是阿叔先駡那女孩，女孩不出聲，之后樓主也以極不友善的態度說"你唔 ...

我明白呀!

但當時環境, 如果見到個女仔比個阿叔咁鬧法, 又未必可以咁冷靜, 樓主同另一位男子同個女仔三唔識七, 都咁嬲鬧個阿叔, 可想而知當時個阿叔係幾咁無理取鬧

有時候有D事情發生, 我地未必可以真係咁冷靜咁處理到, 特別係言語上既衝突, 也希望你明白, 如果我或者我個女比人鬧無家教我都會好嬲, 我好憎比人鬧我無家教, 因唔止係鬧我, 仲要鬧埋我屋企人, 所以我特別憎, 憑乜野鬧人地無家教?

私人傳訊

leungszeon

子爵府

積分: 11458

142^#

發表於 16-8-25 10:50 |只看該作者

Purple_0322 發表於 16-8-25 10:42
最攞命既係，都唔知影人上網果個係咪坐住普通座位黎批判人地霸住關愛座
...

其實不只拍讓不讓座，我本身是極度反感一些人拍人家的"所謂"問題照后到網上評批，坦白講，被他放到網上，講述事情的經過隨時都被改編晒，肯定說到對方有多壞，自己有多好，係度做地下判官。人家也有私隱權呀!

私人傳訊

EMILY03

伯爵府

積分: 18312

143^#

發表於 16-8-25 10:52 |只看該作者

我都試過, 我同女兒一齊搭地鐵, 當時幾迫, 突然有個約40幾歲嘅男人叫阿女起身讓座比佢, 可能佢唔知阿媽坐隔離, 跟住我"堀"住佢, 佢就唔敢再叫阿女起身, d 男人擺明鍾意 "恰"d 10幾歲嘅女仔.

私人傳訊

zoie_w

公爵府

積分: 28621

144^#

發表於 16-8-25 10:54 |只看該作者

提外話, 我記得之前好似有個POST講過, 話某一個時段, 會有一個有問題既男人上車, 就會講粗口鬧人既, 咁之前有JM POST過地鐵沿線既電話, 話可以打電話去即將會到站既站電話度搵嗰個站既職員入來幫手既

咁如果遇到喺地鐵比人滋擾, 或者發生咩野事都可以搵到職員幫手嘛, 地鐵唔同巴士, 唔可以即刻搵到司機, 咁搵職員幫手最好, 我唔覺得搭車好地地要比人咁樣鬧法囉! 咁樣已經係構成滋擾

私人傳訊

nainaitze

珍珠宮

積分: 44184

2018復活節勳章

145^#

發表於 16-8-25 10:55 |只看該作者

回覆樓主:

個阿叔有問題，人哋都話唔使讓，佢仲鬧咩姐

私人傳訊

sai_sai

大宅

積分: 4074

醒目開學勳章

146^#

發表於 16-8-25 10:58 |只看該作者

tester5 發表於 16-8-25 08:17
個阿叔唔啱，調轉你也一樣係唔啱，冇咩分別。阿叔以自己把呎度人，再話人。你也一樣以你把呎度人，再話佢 ...

我無講過自己咁做係啱/正確。

亦有反思過自己咁做會唔會令事情惡化。

認同你話以「講」方式比「鬧」更好(和諧)，我唔敢話自己當時好有理，但我盡量無講出對人不對事嘅說話。
我同阿叔講...「女人好多時唔舒服」這一句，並唔係指個後生女，係想直接帶出個重點......別人唔舒服，他人看不出。

我唔係要做咩見義勇為嘅人、或聖人，我只係普通人......恕我無才能好似耶穌咁慢慢「講道理」！

至於你話因為嗰個係內地媽，所以對佢有偏見。
呢點好唔認同！
我嬲佢係佢嘅做法，佢可以怕事細膽唔敢出聲為後生女講說話。後生女喊住落車後......佢可以繼續怕事細膽唔敢坐...行開去第二卡都仲得。
但佢嘅行為令我覺得佢係想人讓座。

私人傳訊

tester5

翡翠宮

積分: 81387

2018復活節勳章開心吸收勳章親子王國15週年勳章

147^#

發表於 16-8-25 10:59 |只看該作者

zoie_w 發表於 16-8-25 10:28
我明白您既意思!

但呢個世界有D人真係要用"非常手段"去對付的

謝謝你願意聽我講，亦明白我意思。
冇錯，有時真係要用非常手段，如果真係噪狂症，我自己一定更加唔要刺激對方，可以話我懦弱，但我真係唔希望刺激一個病人令佢更顛。隨非對方不斷針對我人身攻擊，我就可能忍耐不住反罵。

講返樓主呢個情況，樓主真係好勇敢的一位女子，但其實當時都唔係唔可以講道理，我覺得未去到好惡劣，係可以理性而堅定地表達自己的立場。其實大意和樓主的意思也可以了，只係語氣可以不是責備對方，是溝通。可能結局會不一樣。若能做到讓對方明白佢自己堅持的也不是硬道理，將來會知道改善自己的態度，就是最理想的溝通了。

另外，EQ真係一門好深的功課，我也一樣學習中。

大家傾下，可能你也未必認同我的做法，但我們可以了解對方點解會咁做？點解可以咁做？也是一個學習的過程，唔啱就聽下算囉，唔好學。

私人傳訊

18y

大宅

積分: 1859

148^#

發表於 16-8-25 10:59 |只看該作者

私人傳訊

me-ism

子爵府

積分: 10397

149^#

發表於 16-8-25 11:01 |只看該作者

個女仔無錯喎
叫個阿叔查清楚咩叫有需要人士至出口啦
又唔係7老80既老人家
又唔係大肚婆
又唔係3歲以下或手抱bb
1、2年級都大啦..讓咩座

I can be mean as fxck. Sweet as candy, Cold as water. Evil as hell. Or loyal like a soldier. It all depends on you.

私人傳訊

sai_sai

大宅

積分: 4074

醒目開學勳章

150^#

發表於 16-8-25 11:01 |只看該作者

zoie_w 發表於 16-8-25 10:46
我明白呀!

但當時環境, 如果見到個女仔比個阿叔咁鬧法, 又未必可以咁冷靜, 樓主同另一位男子同個女仔三唔 ...

多謝你明白~

你所表達嘅和我所想嘅一樣！

私人傳訊

zoie_w

公爵府

積分: 28621

151^#

發表於 16-8-25 11:08 |只看該作者

本帖最後由 zoie_w 於 16-8-25 11:12 編輯

tester5 發表於 16-8-25 10:59
謝謝你願意聽我講，亦明白我意思。
冇錯，有時真係要用非常手段，如果真係噪狂症，我自己一定更加唔要刺激 ...

我只可以講, 人喺某些時候, 未必可以咁理性同咁冷靜咁去處理到某一D問題

年輕的我, 中學時期既我係非常火爆, 也許同我成長經歷有關係, 我係要自己保護自己, 因無人會為我發聲, 但如果為我發聲的人我會非常感激佢幫助我, 我好多時都要靠惡, 我唔係溫室小花, 無人哄護我成長, 我好多時都要靠自己出聲為自己討公道

所以我就說, 每人成長背景, 經歷, 遇到既人同事都會有唔同既對應, 我相信樓主係講道理既人, 但當時既環境加上阿叔當時既態度, 未必可以慢慢溫和地說道理, 我亦相信有D人係真係要"大"下佢, 佢至會收聲
到到後來, 人慢慢長大, 發覺有時同對方靠惡對罵係無用的, 有時會用下"手段", 用下腦筋, 就好似我諗下會搵職員幫手, 尤其係現在唔想比人拍片上YOUTUBE

同埋我都認為個內地媽媽某程度上有問題, 好似樓主所講, 佢可以一早講唔需要讓座, 而唔係企喺度睇住個女仔比人因為佢個小朋友要受侮辱, 如果話佢怕事我唔認同, 係怕事既就一早行開左啦

私人傳訊

sai_sai

大宅

積分: 4074

醒目開學勳章

152^#

發表於 16-8-25 11:08 |只看該作者

唔能夠逐一回覆，講多謝！

喺度一次過向各位講聲「多謝！」

或者我補充少少.......
個阿叔唔似有精神病，睇佢眼神和說話狀態...係好正常。
有 jm 話似係個阿叔想坐，借機搵人鬧。
事後我都有同感，諗返個阿叔揹住部結他，又企喺後生女前面，可能佢等咗一輪...後生女無主動讓座，所以開始嬲，搵個細路女嚟做借口鬧人唔讓座。

私人傳訊

tester5