toto032013 發表於 16-11-25 17:31
thanks李小 B太太之分享..
我就係好 like佢今年新形式, 每堂之後即有15mins做功課, 唔識做可即場問老師.
唔好客氣呀~ 我都好樂意同大家分享0架~
無一間學校係完美0既, 最緊要係學校管理層肯聽意見, 老師有愛心, 學校真心為小朋友好。
我見過潮商0的校董, 佢地都好開明, 好錫小朋友, 唔係「怪獸校董」, 唔會一味睇「數字」、睇「成績」,
所以學校唔會好似某0的要向辦學團體「交數」的學校咁, 被迫一味催谷學生。
而且商會好支持學校, 只要學校話小朋友有需要 (比如功課輔導呀、遊學交流呀), 商會都會出錢出力去支持。
學校可以放心、真心為學生「全人發展」著想, 俾好多唔同機會學生去試唔同0既野。
同時學校對紀律都好重視, 無論幾開心幾熱鬧的場面, 只要校長/ 老師拍幾下手,
小朋友就會跟住拍幾下手, 然後全校就靜曬, 等住聽校長/ 老師講野。真係好勁0架!
衰野都會有0既, 比如有時會有0的老師疏忽左某0的野呀,
又或者有小朋友曳左老師唔知呀咁,
遇到呢0的情況, 只要馬上向學校反映, 寫手冊又得、返學見到老師/ 校長時講又得,
學校都會即刻正視和處理, 我覺得全間學校上上下下都係一齊向住一個好0既方向慢慢成長咁~
@ 如果有錢有社會地位先至會被人喜愛,呢個世界就太可悲了 @