香港18區媽媽會 今日: 0 | 主題: 156882

積分: 100

1^#

發表於 17-6-26 20:43 |只看該作者 |倒序瀏覽 |打印

本帖最後由 rietomosaka 於 17-6-27 09:18 編輯

本帖最後由 rietomosaka 於 17-6-26 21:23 編輯

非常後悔給小朋友入讀此學校,如果來年你的小朋友或打算幫小朋友讀呢間幼稚園就諗清楚

1)小朋友唔肯番學,開頭不肯番學都好正常(因為有適應期),但隔左一段時間,小朋友一放完假,就勁唔想番學,喊曬口咁,放左學問小朋友開唔開心,小朋友係唔出聲,好驚番學去到第2間學校,小朋友一聽到老師個名,同見到有小朋友做錯事的時候,突然會勁緊張,要好長時間,先至放得低係田家炳的不愉快時刻,因為小朋友好驚係田家炳所發生的事,會係新的學校再出現

2)某老師講是非,班上有學生不適及特殊問題的學生,老師不但沒有好好保護學生私隱,仲將呢啲事周圍同班上其他家長講,引起其家長十分尷尬

3)老師粗聲粗氣地大罵學生,本人觀課和等放學期間,親自見到老師好大聲鬧學生
那麼年紀小的學生,不是應該用鼓勵的說話去教導學生嗎?
小朋友回到家,同番家長講,老師勁惡手指指話:[你地收聲][唔准嘈][唔准傾計]

4)學校非常重視比賽,無錯係可以不參加,有一次某親子比賽,班內沒有人攞到任何獎項
班主任竟然勁大聲話:[我地班下次一定要攞到獎,擺明畀家長壓力

5)迫學生食茶點,老師一定要小朋友食茶點,家長明白均衡飲食的重要性,但小朋友係新校曾經出現[夾硬食落口]情況,幸好新學校老師及時發現,仲問番家長係咪係舊校有畀老師太[強迫性]情況,家長聽到此事,感到難過

6)老師不重視和家長溝通,老師好少主動談及小朋友上學情況,其實家長都好想做到[家校合作],可惜呢間學校,上至校長,下至老師都係擺出一副不可一世的態度,家長日見老師,到係[求求其其]問一句答一句趕收工的態度.感覺真係好差,好失望,我明白係開學前的家長講座,校長講到有70-80%機會上到同區保良局的小學,本身都對田家炳都好有希望,但我眼見學校教職員的態度漠不關心的姿態,真係感到十分失望

0 0 0

私人傳訊

Mingbeechan

積分: 1766

2^#

發表於 17-6-26 22:48 |只看該作者

以為保良局係好好的學校，對這間幼稚園好失望，明白你感受，都是過來人

私人傳訊

積分: 100

3^#

發表於 17-6-27 00:00 |只看該作者

Mingbeechan 發表於 17-6-26 22:48
以為保良局係好好的學校，對這間幼稚園好失望，明白你感受，都是過來人
...

好明顯學校行政真係好有問題
有事就懶佬闊理，搞掂就收工鬆人
唔怪得一班得十零個人讀，隨時插班都得

私人傳訊

積分: 3262

4^#

發表於 17-6-28 20:20 |只看該作者

rietomosaka 發表於 17-6-27 00:00
好明顯學校行政真係好有問題
有事就懶佬闊理，搞掂就收工鬆人
唔怪得一班得十零個人讀，隨時插班都得

本帖最後由 conniewktang 於 17-6-28 20:23 編輯

我兒子早幾年讀田，已畢業（現小二），老師又好好喎，有愛心呀！又不覺有任何問題，小朋友愉快學習，放假都想返學，而且小孩學業基礎又穏。孩子的班主仼仲同畢業生有whatsapp ，有聯絡，年年開放日，我們孩子都回去田看老師。有朋友孩子現正讀田下午班，都好開心喜歡上學呀！
田共有上丶下午共六班，出生率低了，下午班可能這年未收足學生，不代表學校有問題。我覺得學券幼稚園來說，田好抵讀，各方面都好好呀！
奇怪近來點解家長咁有意見嘅？

私人傳訊

緣緣

男爵府

積分: 8502

5^#

發表於 17-6-29 13:52 |只看該作者

rietomosaka 發表於 17-6-26 20:43
本帖最後由 rietomosaka 於 17-6-26 21:23 編輯

非常後悔給小朋友入讀此學校,如果來年你的小朋友或打算幫 ...

你有無同班主任溝通過？知道係邊位老師嗎？

私人傳訊

積分: 147

6^#

發表於 17-6-29 22:51 |只看該作者

很好奇，如有版主所講既情況，為何沒有向校長投訴.又或者向老師對質！反而任由事件發生，而在呢度公審，就算你話轉左學校，都可以追究！有控方，沒有辯方，難以判斷！

私人傳訊

積分: 147

7^#

發表於 17-6-29 22:52 |只看該作者

回覆 conniewktang 的帖子

+1

私人傳訊

積分: 3262

8^#

發表於 17-6-29 22:54 |只看該作者

max_tang88 發表於 17-6-29 22:51
很好奇，如有版主所講既情況，為何沒有向校長投訴.又或者向老師對質！反而任由事件發生，而在呢度公審，就 ...

本帖最後由 conniewktang 於 17-6-29 23:16 編輯

Agree
有點怪怪的！
以上的指控係完全未聽過未見過，印象中田的老師好好。
據我所知學校照顧特殊需要的孩子都到位（雖然很少），家長喜歡個班主仼，老師與家長也有交流，家校合作不錯。我又唔信老師冇乜換，突然間啲老師性情大變，變了另外一個人喎！
樓主新account喎！

點評

tuliplee_hk

發表於 17-7-6 13:24

私人傳訊

積分: 100

9^#

發表於 17-6-29 23:21 |只看該作者

conniewktang 發表於 17-6-29 22:54
本帖最後由 conniewktang 於 17-6-29 23:16 編輯

無所謂，有圖有真相
我小朋友真係有讀過呢間學校

質疑我有幾咁閒事
如果我唔畀面，我晨早開左老師全名呀

講真，你估我唔想小朋友開開心心係度讀三年咩？同佢轉學校，都要填表，面試，唔係話轉就轉

你自己都同小朋友轉學校啦。都知有幾麻煩

但當你見到小朋友每天放學喊，都唔想進入課室，作為父母的，嗰心真係一啲都唔好受

我好記得退學，我去學校同某主任講
那個主任那副冷漠無情的面孔，只係好不屑咁望左我一眼，退學要二星期前㗎喎，我的心真係好難受

我本人係有同班主任傾講此事，詳細內容我也無需在此交代

因為小朋友上學情緒差的事，我已經要去睇心理醫生同食緊安眠藥

我講番件事，係想有些家長要注意要留意小朋友上學情緒，因為同我一齊讀呢個學校的小朋友，都已經退左學

我知道你係好支持呢間學校
但希望你要客觀些，不是所有人適合同一間學校

當你遇上性格太自我，粗心大意，沒耐性和沒愛心的老師

你已經沒信心把孩子交給老師

私人傳訊

積分: 3262

10^#

發表於 17-6-29 23:35 |只看該作者

rietomosaka 發表於 17-6-29 23:21
無所謂，有圖有真相
我小朋友真係有讀過呢間學校

本帖最後由 conniewktang 於 17-6-30 17:07 編輯

本帖最後由 conniewktang 於 17-6-30 00:03 編輯

本帖最後由 conniewktang 於 17-6-29 23:54 編輯

若是真，為何你不直接致電學校投訴？
咁樣對學校公道些，若果只是一位老師的問題，也不致於開名在此公審吧，這樣對學校和其他好老師不公平。若果小朋友是SEN, 有可能會影響到其他小朋友，其他家長是一定會介意同有意見，所以老師不是爆私隱，而是要向其他家長交代（若他們有投訴），任何學校都是有這責仼告知其他家長，讓他們包容些！

田家柄課程較谷，可能SEN或有特殊需要的學生不合，其實學校也有難處。
還有一點，特殊需要的學生會不會情感好敏感，容易對老師一些意思諗多咗？又會喜惡分明，老師話下就會理解為老師好惡，會擔心，會緊張，又或社交較弱，情意解讀會否有點困難？又或者坐不定，影響到同學上課。但田家炳是傳統幼稚園，課程較深，對紀律好有要求（上了小一比較過，田學生較守規矩），SEN可能不合田幼稚園。
就這件事，你說得那麼嚴重，不如你直接聯絡學校，雖然退了學，其實還可以反映意見，又可證明你說實話！

私人傳訊

Mingbeechan

積分: 1766

11^#

發表於 17-6-30 00:16 |只看該作者

我都覺得田唔係咁好，老師真係有大聲話小朋友，可能你地接完返學走左無見到，樓主都係叫你地考慮清楚入唔入呢間幼稚園，唔係叫你地唔好入，每個家長都有選擇權，樓主都係好心提提各家長，要多注意小朋友情緒

私人傳訊

Mingbeechan

積分: 1766

12^#

發表於 17-6-30 00:22 |只看該作者

你地覺得同校長投訴有用嗎？校方會有咩行動？到最後都係草草了事，投訴完對個小朋友日後會點？投訴完老師會對個小朋友點？每個人都有選擇權，樓主都係講自己感受同叫各位家長注意多d自己小朋友情緒

私人傳訊

積分: 3262

13^#

發表於 17-6-30 06:55 |只看該作者

Mingbeechan 發表於 17-6-30 00:16
我都覺得田唔係咁好，老師真係有大聲話小朋友，可能你地接完返學走左無見到，樓主都係叫你地考慮清楚入唔入 ...

本帖最後由 conniewktang 於 17-6-30 17:21 編輯

本帖最後由 conniewktang 於 17-6-30 08:44 編輯

本帖最後由 conniewktang 於 17-6-30 08:37 編輯

如果你地覺得小朋友唔比老師話得，我冇說話講。保記幼稚園重紀律，老師一定不縦容學生。上到小學，你會發現果啲學生上堂可以周圍走，上堂可以嘈，可以到處搞學校東西，老師疼愛學生（縦容學生）的快樂kg, 學生會有打人，仼至打傷人的行為表現，因kg時太鬆！保記的畢業生，上小學不單學業領先，而且紀律又好，深受小學老師歡迎！
之前我仔小學舊校，就係多果啲happy kg學生上，小一學生已欺凌同打人，被打打到要claim學校保險（claim過，扮意外），傷痕時時有，要害都試過比人打，差點被推落樓梯，學校冇乜理，成日話冇時間證人，冇發生過，例如有一次，我仔其實認照片已認出個小二學生（仔當時小一，其中打人者之中一個小二生，打過我仔果個細路，我仔其實唔識，現在個打人學生轉校去了青衣主x讀書因某方面體藝叻，果個成日打人，佢屋企人仲教佢有時間證人，所以佢打人次次脫罪)，最後我仔幾個月要社工貼身保護，因為學校太有愛心不管好學生不罰學生囉，教會學校都可以品德差，因派位，太多曳仔女，學校管不了，課程雖然ok。現在小兒已轉出九龍校風佳及派位好舊校成一倍的學校讀，新校老師好嚴㗎，一樣會話學生，有罰學生，因此冇再被欺凌，非常安全，可專心讀書了。
田家炳老師是嚴，我仔一樣比佢至愛的班主仼話過，鬧過，我好開心佢幫我教仔，上到小學老師話我仔乖同守紀律，早產超細男B，學業都不差因田打的基礎好好。仔仲成日whatsapp佢田的班主任，超like佢！

私人傳訊

積分: 147

14^#

發表於 17-6-30 07:51 |只看該作者

rietomosaka 發表於 17-6-29 23:21
無所謂，有圖有真相
我小朋友真係有讀過呢間學校

多口問一句，係唔係你小朋友讀果班d同學仔都轉哂校？

私人傳訊

積分: 147

15^#

發表於 17-6-30 07:58 |只看該作者

Mingbeechan 發表於 17-6-30 00:22
你地覺得同校長投訴有用嗎？校方會有咩行動？到最後都係草草了事，投訴完對個小朋友日後會點？投訴完老師會 ...

而家咪岩lor,轉左校，可以無後顧之憂投訴嗰位老師，要求學校交代！

私人傳訊

積分: 100

16^#

發表於 17-6-30 08:31 |只看該作者

max_tang88 發表於 17-6-30 07:51
多口問一句，係唔係你小朋友讀果班d同學仔都轉哂校？

有幾個已經轉左學校了

私人傳訊

積分: 100

17^#

發表於 17-6-30 08:41 |只看該作者

回覆樓主

其實近呢幾年，教職員同校務處的人手都有唔同

我認同每間學校有好的老師，但也有不太敬業的老師，只想管理層檢視下是否過於嚴苛對老師的要求，有句說話「物極必反」，愈迫得個小朋友，個小朋友未必想做

同樣地，迫得個老師太辛苦，也會令流動性大增

其他人個別事件，我不方便評論，因為呢啲有些嫌涉身教等其他因素，請其網友冷靜些

私人傳訊

積分: 3262

18^#

發表於 17-6-30 08:50 |只看該作者

rietomosaka 發表於 17-6-30 08:41
其實近呢幾年，教職員同校務處的人手都有唔同

我認同每間學校有好的老師，但也有不太敬業的老師，只想管理 ...

看不清，是什麼？

私人傳訊

積分: 3262

19^#

發表於 17-6-30 08:52 |只看該作者

rietomosaka 發表於 17-6-30 08:41
其實近呢幾年，教職員同校務處的人手都有唔同

我認同每間學校有好的老師，但也有不太敬業的老師，只想管理 ...

本帖最後由 conniewktang 於 17-6-30 17:30 編輯

本帖最後由 conniewktang 於 17-6-30 10:10 編輯

本帖最後由 conniewktang 於 17-6-30 10:07 編輯

本帖最後由 conniewktang 於 17-6-30 09:48 編輯

冇錯我仔舊校（小學）老師開會日日開到夜，老師就乜都不理，太疲累，物極必反，學校逼迫佢地嘛，因此舊校老師流動性高！小學舊校，我仔不只比一個小一丶小二同學打（佢全級年紀最細同埋本身12月出世兼早產B），我都冇開名鬧爆間小學（之前comments都ok㗎），去年差點報警，我都沒有在這里公審學校，我們及兒子那時天天不開心，我成日被叫去學校同個校長開hea家長會至8-9pm, 完全冇效，因學校冇乜處理，冇能力處理，個訓育主仼廢到爆，乜都唔去查，次次話查唔到，班主仼乜都唔理，有其他學生被人踢肚，佢成年都未覆過家長，即冇理過。但我都冇否定過學校仍有好老師，若開名在這里鬧學校，對學校其他好老師不公平！我仔轉校後，未去過學校一次，因為冇事發生過，冇欺凌冇打架，學校好嚴，所以我不用再因仔被打而去開這些會！
我仔在舊小學，咁比人打法，我都以積極態度直接同學校講，咁嚴重，影響我兒子心理健康，我都以只正面態度去處理，果時日日都擔心唔知幾時冇咗果仔，幾時又比人推落樓梯等，我都冇怨人，學校自己選的，不適合自己兒子就會轉校，因投訴咁多次，次次有事發生都比人hea, 我仔才轉走，我其實有心不轉校只想解決問題。但太多嚴重事件在短時間內發生了，所以我對學校好失望！我仔那時咁嚴重，我都未失眠未看心理醫生未食藥。你孩子的遭遇如果是真，相對而言，是否家長太過緊張，對學校要求太高，太完美主義? 小孩完全唔話得咩？家長為何不向學校反映？

私人傳訊