家事百科今日: 0|主題: 39158

收藏本版

發帖

返回列表

跳至頁

查看: 5549 | 回覆: 4

分享少少裝修心得 [複製鏈接]

YAC0601

男爵府

積分: 7567

1^#

發表於 17-8-17 15:47 |只看該作者 |倒序瀏覽 |打印

早半年前我開過鋪問裝修(價錢問題), 後來呢度有位JM介紹左個裝修師傅比我, 其實我真係唔識, 亦都係第一次裝修, 膽粗粗搵佢地上黎度呎報價, 亦都見果位JM裝修得幾靚(設計唔講, 我同我老公都係睇手工), 最後報價出黎同我筆直仲有少少距離, 可能真係過左年淡季啦, 最後佢地再執執份報價MEET到我地既筆直就去馬, 不過就講到明時間會耐D, 最後差唔多用左3個半月, 裝修最怕係無底深潭不停加錢, 最後我地都係加左萬幾蚊(主要係工程中有D之前預計唔到既野), 其他SO FAR都跟住個報價做, 算係幾滿意~
我間屋450呎左右, 2房, 因為已經20幾年樓, 所以炒起成間再做過防水同重鋪水電, 亦都改左廁所同房的門口位, 我就有少少慳錢心得分享:

1) 除非你要對成間屋重新規劃, 否則唔需要搵人設計, 我就係自己上網參考人地既設計再加少少自己的諗法, 叫裝修幫手出圖(佢地唔洗額外收費), 主要係MAKE SURE個樣係你心目中想要, 當然, 出到黎當然唔會100%一樣, 但係大致會相同。

2) 心中有數有D咩可以慳有D咩唔可以慳, 睇報價除左睇大數仲要睇細數, 不過佢地成個PROJECT咁計總有D位係計平左總有D位係計貴D, 如果2樣個數都合理咁就可以。另外預左裝修公司佢地包你既料係唔會靚, 如果有要求就叫佢唔洗報自己買, 例如我地對防水同埋地磚瓦仔有要求, 就自己出去買, 好彩我地識人買磚, 果位朋友都同我地講, 出面買磚好多時買果陣同收貨果陣既磚會唔同, 主要係厚度, 所以自己收貨果陣要睇清楚。

3) 我之前都問過D一條龍既裝修公司, 佢地係唔可以比你斬開黎做, 例如廚房你想貴少少比廚櫃公司做, 水電搵第2 D人做, 佢地係唔比, 因水電我地想斬開黎做(又係因為識人做水電, 同埋我地都比較緊張呢PART想做好D), 呢間裝修就幾均真, 我地想佢做咩佢先報咩, 唔會要求一定要做曬全部, 都有商有量。

4) 我地就唔算太多傢俬要訂做, 搵過幾間報過小朋友房一張丁字床, 但係最平都差唔多2萬, 最後我放棄左係網上買左一張現成的, 諗住小朋友好快大, 等佢小學要用到書檯到時再訂造一張組合床~ 好似我地呢D筆直裝修, 就要考慮下有咩係必須要訂, 有D咩係可以買住現成用住先!

5) 裝修個過程一定要自己睇緊D, 開頭我地就一個星期上去望一次做到邊, 愈後期就愈跟得足D, 記得臨完工前我同我老公係差唔多日日上去睇下(當然係師傳收左工夜晚咁), 有D咩未做好就要提返佢地跟返足D, 自己都唔可懶, 所以裝修完一次辛苦完, 都希望可以安安樂樂有排唔洗煩。

6) 當時因為裝修知我地筆直有限, 所以拍心口話包曬我地潔具, 我承認有D濕碎野佢地唔計較包埋係令我地幾心動! 佢地都算幾HELPFUL, 例如我想買斑馬簾, 問過香港D SHOP, 計下數差唔多要1萬

(1間房2塊$5000, 成間屋至少4塊) 裝修果邊就話幫我地係大陸買, 幫我地裝埋, 最後用左$2XXX, 雖然真係麻麻地, 但係都叫可以用住先, 仲有好多細微野佢地都好幫到手。

總括黎講, 我覺得要搵一間信得過同可以就到我地既裝修唔容易, 好彩我遇到!
同埋要諗清楚自己係裝修度有咩要求, 緊要的就貴少少都要買好D做好D, 唔緊要的(或者預左唔會用好耐)就買現成或者買平D, 其實我發覺裝修基本上最貴真係底果浸, 例如做防水同泥水係佔最大比重, 如果好似我咁筆直有限就更加要諗清楚, 因為個底唔慳得幾多