BrandonMa 發表於 20-6-26 15:12
謝謝你!我仔即使面對面都未必有心機上堂,更何況係對住電腦!
不過好彩既係我仔行為同情緖上唔算好大問題 ...
我仔以前幼稚園老師同我講,只要見到佢進步就得,好似以前學綁鞋帶教咗成年都學唔識,老師話一定會學識架喎,只係唔係今年之嘛,結果真係一年級學識咗,K同一年級老師都係非常有耐性嘅好老師。我仔掉轉,學業問題不大,佢教番個妹添,但而家進入青春期,性格培養同待人接物,佢同我地都好多嘢要學。
我仔個情況係上咗中學後同小學有好明顯分別,成個人成熟咗乖咗,同埋佢發現有學科佢鍾意,於是會自己要求自己專心,老師都有打小報告俾我聽,話佢有時上堂俾其他同學影響到。你個係咪仲係小學?去到小四小五會好唔同,上到中學又唔同。
其實今年疫情影響到所有學生學習,心散係好普遍,我女話成班三十幾人試過得7個交功課,我問佢咁咪冇分囉,幾乎可以肯定最多得個C,我女話有D同學唔care,家長唔理,又有D攞B俾家長省餐飽,要求全部A,兩種家長都係有華人有華人。
花旗太太生活在花旗國,留意時差,你問我未必即時答到。