大仔大女媽媽會 今日: 0 | 主題: 177860

積分: 184

1^#

發表於 09-7-22 15:24 |只看該作者 |倒序瀏覽 |打印

有無人跟<從0歲開始>本書，但唔係自己看bb？工人見b哭就抱，返工前bb都ok，可以自己訓。但現在要抱先可以訓。點算？
抱都小事，好怕第日bb要食野，工人咩都由佢，bb變得難攪，無禮，霸王，點算？

0 0 0

私人傳訊

積分: 641

2^#

發表於 09-7-22 16:01 |只看該作者

我都好驚，因為我呀哥個女都好野蠻，因為個工人好就佢。而家個工人想抱呀仔，我都唔比，我叫佢睇下究竟bb要咩先，唔好係唔係都抱佢~~唯有多d留意住....

私人傳訊

積分: 184

3^#

發表於 09-7-22 16:33 |只看該作者

回覆 1# lamlonglong 的文章

唔洗返工就看到，返左工，咩都理唔到。有時見到bb哭，都好心痛。工人抱佢又好正常，唔抱佢就覺得工人唔錫佢。
自己又怕bb覺得工人好d，唔跟自己。好煩。
現在，我同bb出街自己辛苦d都一定吾會帶工人。一來想bb跟我多d，二來唔想無咗工人唔得。三來唔想明明family day多左個人。
你哋話我咁諗對不對？

私人傳訊

積分: 641

4^#

發表於 09-7-22 17:32 |只看該作者

原帖由 4wcmy8 於 09-7-22 16:33 發表
唔洗返工就看到，返左工，咩都理唔到。有時見到bb哭，都好心痛。工人抱佢又好正常，唔抱佢就覺得工人唔錫佢。
自己又怕bb覺得工人好d，唔跟自己。好煩。
現在，我同bb出街自己辛苦d都一定吾會帶工人。一來想bb跟我多d，二來唔想無 ...

係呀~~有時真係好矛盾，又驚個工人唔錫bb，太錫又驚佢黏住個工人，所以平日放工同假期，我幾攰都要自己湊番呀仔，自己餵奶自己換片，工人就做家務~~

私人傳訊

anniech2000

禁止訪問

積分: 229

5^#

發表於 09-7-25 23:14 |只看該作者

提示: 作者被禁止或刪除內容自動屏蔽

私人傳訊

chole16

男爵府

積分: 6448

6^#

發表於 09-7-26 01:55 |只看該作者

其實請工人都係想滅輕自己嘅工作量。咁佢個職責係幫你湊BB架嗎，咁佢見bb喊就實會去抱吓bb。真係好難叫佢由得bb喊唔去抱。雖然話有時唔想佢「寵」bb，唔抱佢又驚MOM覺得佢唔盡責。平日得工人同bb就一定唔可以控制工人點對bb，不過如果放假嘅時候咪自己湊多d，做d嘢等工人知道你係咁嘅方式去做。同埋，最重要嘅係教仔要自己教，唔係等工人教呢。工人會唔會淨係「寵」bb而唔聽你話呢，又未必囉。同埋bb大個有冇無禮貌，覇王，呢d都係自己去教bb。我好相信，bb有冇無禮貌係睇吓父母平日嘅習慣，對人地嘅態度如何，佢就會學到。如果父母平日對工人都呼呼喝喝，bb第時都會有樣學樣；如果父母對工人平時都會有禮貌，bb自自然然都會學到。　總之教仔自己親力親為，我唔相信有工人嘅，bb會特別唔聽話。另外父母嘅地位係唔可以改變，bb大個咗就會痴返媽媽，所以我覺得唔需要擔心。

有時出街我都會比工人抱，我反而攞嘢沖奶。我又覺得問題不大喎，大家最終目的都係想夾手夾腳快快餵飽肚餓嘅bb。邊個餵有乜分別？如果工人熟手，佢快快趣餵完你都可以抱返亞b來玩啦，咁唔係仲好咩？你要抱bb工人一定唔會唔肯放手，其實諗深一層，大家都令願工人錫bb，多過唔理bb啦！我見d朋友多數都係投訴工人唔同bb玩，未見過有人投訴工人同bb玩得太多架。

[ 本帖最後由 chole16 於 09-7-26 02:03 編輯 ]

私人傳訊

積分: 641

7^#

發表於 09-7-26 18:21 |只看該作者

原帖由 anniech2000 於 09-7-25 23:14 發表
你地咁唸好正常, 完全有同感呀~~(又驚個工人唔錫bb，太錫又驚佢黏住個工人)，我平日放工同假期，都係自己湊b，bb床都放返o係自己房(bb已介夜奶). 之前工人都係bb喊第一時間抱佢, 有時BB係肚月我佢抱住個B 變左我好似工人咁 ...

嘩~~完全同意你既講法！不過點都好，起碼佢唔會虐待bb我已經心滿意足 (因為前排聽得太多新聞

)

私人傳訊

Applepie168

積分: 440

8^#

發表於 09-7-26 23:31 |只看該作者

原帖由 anniech2000 於 09-7-25 23:14 發表
你地咁唸好正常, 完全有同感呀~~(又驚個工人唔錫bb，太錫又驚佢黏住個工人)，我平日放工同假期，都係自己湊b，bb床都放返o係自己房(bb已介夜奶). 之前工人都係bb喊第一時間抱佢, 有時BB係肚月我佢抱住個B 變左我好似工人咁 ...

我都完全有同感呀! 我工人又係同我爭住湊BB, 後來BB更愈來愈唔跟我, 結果是工人去抱BB, 我走去開奶, 變左我是工人今,

我仲覺得BB好似鍾意工人多D, 我都曾經好唔開心.

雖然好多人同我講, BB大D(數年後)一定知道邊個是媽媽,但真係唔希望BB數年後先知道我是他媽媽.

結果, 我立心進行反擊大行動....
之後, 我放工回家後全力湊BB, 無論是餵奶, 換片, 換衫, 洗臉, 同BB玩….
有時工人煮好飯叫我食飯佢餵BB食奶, 我都堅持唔食住, 餵完BB先食飯.

又試過我抱住BB好地地, 工人走口過來料BB, 搞BB立即哭要工人抱, 我好嬲, 覺得工人同我爭住湊BB. 之後, 同樣情況又出現, 我同工人講我湊緊BB的時候, 請佢唔好料BB講野, 亦唔好比BB望到佢.

又試過, 工人煮緊飯, BB狂哭要工人抱, 而我點抱佢都唔制, 結果, 我放低佢由得佢哭, 工人忍唔住想走過去抱佢, 仲話見到佢哭好傷心, 好似覺得我好忍心. 但我堅持唔比工人抱, 由BB哭, 最後BB哭了大約20分鐘後終於比我抱佢及餵佢食奶.

除此之外, 我與老公亦堅持自己帶BB出街玩, 唔洗工人幫手. 雖然論盡及煩D, 但我希望BB識得分辨邊個是媽咪, 邊個是工人. 希望BB知道媽咪先會同佢去玩, 工人只是負責照顧佢.

平日在家, 亦經常想不同的遊戲同BB玩, 又經常同BB傾計.

經過三個星期的努力, BB終於肯跟我, 亦愈來愈鍾意同我玩, 經常同我笑. 見到佢同我笑得今開心, 覺自己辛苦D都值得. 之前BB只會對工人笑, 唔會對我笑, 我一抱佢即哭, 我先知道大鑊, 亦都好唔開心, 才立下決心進行大反擊.

私人傳訊

vivienne019

積分: 1149

9^#

發表於 09-7-27 23:01 |只看該作者

我都係用呢本書既在職媽媽, 但我無請工人, 只係日頭請ee湊, 夜晚自己湊番.
我好明白大家既感受同如果工人唔幫你跟本書做既結果.

唔好話工人, 就算ee, 都會同我搶b. ee初初覺得本書唔會 work, 而且仲覺得我有d冷血, 因為bb喊我竟然唔俾人理佢. 於是, 佢會襯我出街 or 瞓覺時勁抱b.

我初初覺得好奇怪, 點解我自己星期六,日湊時 bb 都ok. 但星期一至五總會勁扭... 終於我有日突擊檢查, 提早返屋企, 發現bb一喊 ee就抱. 所以, ee係度時, bb會勁扭. 仲試過要ee唔會我!

老實講, 我真係好嬲! 因為, 我自己勁心痛都忍手唔抱亞b, 就係唔想佢養成扭抱既習慣. 但ee竟然陽奉陰違!

於是, 我好認真咁問ee點解, 佢話bb係咁架啦, 鍾意扭係天既!

跟住我即刻同ee講, 性格唔係天生, 係習慣黎架! bb唔會天生扭計, 係環境縱容佢地扭計. 而且, 我係要請一個ee跟我既方法湊b, 唔係請人去"縱"bb!

ee聽咗唔敢再出聲, 跟住我成個星期都 stay 係屋企, 睇實ee湊b. bb每次喊我都唔俾ee即刻抱, bb瞓個時唔準ee呵佢瞓.

0個個星期真係渡日如年! 但一個星期後, bb真係可以自己瞓, 同唔會無啦啦扭抱! 跟住我再同ee傾, 再次話俾佢聽bb唔係天生扭計. 而且, 呢本書係我位醫生朋友介紹我睇, 因為佢都係跟呢本書教bb. 因此, ee再無藉口唔跟本書. 同埋, bb跟咗本書既 schedule 咁耐, 如果ee再偷雞唔跟, 我一定會知, 因為bb會因為日頭既schedule亂咗而夜晚扭計. 真係萬試萬靈!

所以, 大家第一件事要做既, 就係要工人都跟個 schedule, 唔可以隨意抱b. bb會"痴"工人多d, 除咗因為見得多, 亦都因為工人會俾佢地扭! 我問過個位醫生太太, bb會唔會特別"痴"工人, 佢話都算ok, 唔算好"痴". 因為工人同媽咪都扭唔到.

大家唔好放棄, 除咗要工人跟 schedul 外, 放工後都多d同bb玩+傾計! 而家係bb剛剛講野既時間, 佢地好鍾意媽媽同佢地傾計架!

私人傳訊

積分: 641

10^#

發表於 09-7-28 09:45 |只看該作者

原帖由 Applepie168 於 09-7-26 23:31 發表

我都完全有同感呀! 我工人又係同我爭住湊BB, 後來BB更愈來愈唔跟我, 結果是工人去抱BB, 我走去開奶, 變左我是工人今, 我仲覺得BB好似鍾意工人多D, 我都曾經好唔開心.

雖然好多人同我講, BB大D(數年後) ...

yeah！好野反擊成功！
有時唔係小唔小氣既問題，工人成日就佢，郁d就抱佢苛佢，bb一定識分邊個錫佢邊個對佢惡d，所以就成日都要個工人抱，問題係到大少少果時就好難教，因為bb唔開心果時跟本咩都唔想聽，只係想盡快去搵個避難所(工人)去安慰佢。我見我姪女就係咁，好野蠻，一喊就去搵工人，我唔想咁law。工人只會種bb唔會教bb，所以我放左工幾辛苦都要自己照顧番。

私人傳訊

李露媚

積分: 3584

11^#

發表於 09-7-28 10:34 |只看該作者

你地就好啦…我都好想跟本書咁做, 但孖女做完手術後三個月都唔可以比佢地喊咁多…醫生話驚個肚入面既傷口爆, 所以佢地喊一陣就要抱起咯…

私人傳訊

積分: 641

12^#

發表於 09-7-28 13:18 |只看該作者

原帖由 李露媚 於 09-7-28 10:34 發表
你地就好啦…我都好想跟本書咁做, 但孖女做完手術後三個月都唔可以比佢地喊咁多…醫生話驚個肚入面既傷口爆, 所以佢地喊一陣就要抱起咯…

你真係好野，我湊1個有時攰到都要投降，你仲要湊2個添....厲害！

私人傳訊

ChrisAlfred

積分: 4296

13^#

發表於 09-7-28 14:13 |只看該作者

原帖由 lamlonglong 於 09-7-28 13:18 發表

你真係好野，我湊1個有時攰到都要投降，你仲要湊2個添....厲害！

所以孖媽咪好快瘦身成功囉.

私人傳訊

積分: 641

14^#

發表於 09-7-28 15:19 |只看該作者

原帖由 ChrisAlfred 於 09-7-28 14:13 發表

所以孖媽咪好快瘦身成功囉.

唉...又提起我既傷心事，我到而家仲揹住條車軚做人....

私人傳訊

anniech2000

禁止訪問

積分: 229

15^#

發表於 09-7-29 00:44 |只看該作者

提示: 作者被禁止或刪除內容自動屏蔽

私人傳訊

積分: 184

16^#

發表於 09-7-29 16:51 |只看該作者

原帖由 vivienne019 於 09-7-27 23:01 發表
我都係用呢本書既在職媽媽, 但我無請工人, 只係日頭請ee湊, 夜晚自己湊番.
我好明白大家既感受同如果工人唔幫你跟本書做既結果.

唔好話工人, 就算ee, 都會同我搶b. ee初初覺得本書唔會 work, 而且仲覺得我有d冷血, ...

私人傳訊

積分: 184

17^#

發表於 09-7-29 17:01 |只看該作者

我好同意你的講法。但我到返工的時侯先可以勉強跟到bb食奶的時間。至於bb的睡覺時間同玩時間都未係好掌握。可否分享一下？
bb的食奶時間：
5:00am (埋身)
8:00am 工人喂
12:00noon 工人喂
4:00pm 工人喂
8:00pm (埋身)
10:00pm 可以自己訓
工人話bb一時時可以自己訓，但我次次放假見bb都吾係好得。試過由佢哭，但bb真係可以一個鐘都吾收聲。得星期六、日兩day放假train bb又無咩用。都吾知點好。下星期可以放一個星期。你可以分享下時間表嗎？
會吾會指定工人同bb玩咩？eg what time reading? what time play on the floor ...etc.

我吾想放棄呀!!!!!!!!!!!!!!!!!!!!

原帖由 vivienne019 於 09-7-27 23:01 發表
我都係用呢本書既在職媽媽, 但我無請工人, 只係日頭請ee湊, 夜晚自己湊番.
我好明白大家既感受同如果工人唔幫你跟本書做既結果.

唔好話工人, 就算ee, 都會同我搶b. ee初初覺得本書唔會 work, 而且仲覺得我有d冷血, ...

私人傳訊

CatEgg

積分: 4626

18^#

發表於 09-7-29 21:00 |只看該作者

我參考本書的餵食方法,但唔會學佢由得bb喊唔抱
因為bb需要的是愛心同安全感

私人傳訊

bobg

積分: 790

19^#

發表於 09-7-29 22:04 |只看該作者

我都跟緊本書, 跟左一星期bb已可以自己訓過夜, 之前半夜硬係會醒一兩次同要人呵番至訓. 而家唔駛了.

不過, 返左工真係好難跟足本書呀, 尤其係我媽同奶奶, 趁我唔響屋企肯定見阿b喊兩聲就要抱, 點講都無用. 雖然佢地話會跟我方法唔即抱, 但始終唔可以咁狠心.

私人傳訊

vivienne019