小朋友現時8歲, 在大約4歲時發現有斜視問題, 一直觀察, 但隨着長大, 從外觀上看到斜視問題越來越嚴重。
其實由發現開始, 醫生已經話要考慮做手術, 話會影響立體感。但係問過視光師, 手術只能改變外觀, 因為立體感喺3歲前已經建立, 無咗就無咗, 唔可能因為做完手術能夠建立番。
直到今年,醫生又加強游說話要做手術。但係小朋友視力正常, 連眼鏡都唔洗帶, 其實係咪真係有需要手術呢?
喺政府嘅資訊睇到, 都話斜視手術只可以改變外觀, 而且如果無弱視其實唔需要做手術
https://www.studenthealth.gov.hk/tc_chi/health/health_ev/health_ev_squ.html
我一直睇開喺范醫生, 上網一揾斜視手術醫生, 范醫生, 謝醫生同中大嗰個醫生好似最出名, 令我諗緊係咪其實佢只係想做到我生意, 同埋廣傳斜視就要做手術呢個概念, 所以係咁游說我做手術。
有無有斜視但係無做手術嘅個案可以分享下?