我一直打算帶個女回加拿大讀書。而一直有睇呢度嘅 case,綜合咗好多資料,一定要多謝呢個 group 先!
我又係嗰啲麻煩 case,97年移民, landing paper 年代,未申請入藉又走咗番來香港嗰啲蠢事。我最蠢係其實我住夠,亦申請緊入藉,只係等考試,唱歌。但係,當時香港有一份工話請我,而我又剛剛畢業,心急就乜都唔理,訂機票即走!一走,就19年。當時無諗過 landing paper 會有唔 valid 嘅情況,以為只係身份唔同,並唔影響生活,幾時回加拿大都得,但原來,年青人真係太年青,後悔都無用!
我同個女申請咗卡加利一間 public charter school 中學,當時申請時講咗我自己情況(得我有 landing paper), 佢哋又接受喎。咁我咪申請,比埋 Application fee,一直都係 waiting list 中,剛剛收到消息,如果9月30日可以到,咁佢可以入 year 8, if not,就下年 year 9,但個人要到咗先,同埋個女要有 student permit。我睇之前各位意見,入到境就得,所以膽粗粗試吓申 eta,嘩,批咗呀!