Lopopo 發表於 24-5-2 05:48
老實,唔係個老公出去揾食
佢邊有得做少奶奶,學呢樣嗰樣
若果真係見識多咗,就嫌棄個老公,係反骨
都見唔少呢種例子,我有個朋友其貌不揚,但好叻識好多嘢,因為參加興趣班識咗個細十二年嘅女仔,係個女仔追我朋友,拍咗十幾年拖,買埋屋準備結婚,個女仔後來考政府工,有個上司追佢,個女仔唔夠半年就嫌棄我朋友,覺得自己資歷好咗,識多咗嘢,見多咗人,唔甘心嫁我朋友。
另一個例子係我一個舊同事,娶咗個老婆生咗兩個女,老婆忽然話覺得自己已婚影響佢拼搏事業,於是提出離婚,連兩個女嘅撫養權都放棄,辭咗原本份工,同一班女人開展事業新一頁。
你話佢地錯咩,係嘅,對家庭,佢地係自私任性,唔顧念家人;對佢地自己嚟講,總有千百個理由為自己解釋,不外乎係襯年輕、有能力去追求更好生活,或者令自己進步等等。其實講到尾都係變咗心,又點會理老公仔女死活。
花旗太太生活在花旗國,留意時差,你問我未必即時答到。