母乳餵哺

收藏本版
回覆 發帖
返回列表
跳至頁

首頁
1234

尾頁
   0
Popo^^


大宅

積分: 2094


1#
發表於 09-12-2 00:55 |只看該作者
我bb出咗世6日, 我大肚時已經決定要全人奶, 亦知道要全人奶唔易, 所以做哂好多資料搜集, 聽咗好多母乳講座, 睇過好多經驗人奶媽分享, 諗住有哂心理準備去迎接呢個偉大既餵奶事業. 我順產, 早上10:00生完,下午1:00已經急不及待走去育嬰室餵奶, 我係醫院差唔多好似得我一個係feed on demand. 我自問真係好勤力1,2個鐘就去餵, 生完都冇試過訓超過連續3個鐘, 但係第3日都未上奶, 因為睇過好多人分享, 所以我亦唔擔心, 不理身邊既人, 我都堅持到唔補奶粉! keep bb一喊就埋身餵, 終於第4日上奶, 但係bb越黎越忟, 十分難湊, 差唔多半個鐘就喊食, 我根本冇得訓, 雖然有工人, 但都唔會幫到我, 因為bb係要啜! 前晚, 捱咗一晚通宵餵奶, 早上真係頂唔順補咗40ml奶粉, 之後交俾工人湊, 我去訓, 之後bb亦好舒服咁訓覺. 而家我都有埋身餵, 平均bb都啜到30mins, 但佢仍然訓得唔好, 好難好難湊, 我身心俱疲, 心力交瘁! 真係好想放棄, 我成日喊, 心諗如果我補奶粉, 我就可以交俾工人照顧, 可以好好坐月, 雖然我好想俾最好既俾bb, 但係真係好辛苦, 我快瘋了, 我可以點做?
私人傳訊回覆 引用

SyLph


複式洋房

積分: 174


2#
發表於 09-12-2 04:22 |只看該作者
還記得開頭個兩個月真係好辛苦！
無一覺係睡多過 3 個鐘，
又唔知 bb 夠唔夠食，
兩邊都俾 bb 食到流血，
不時會想，不如算啦，補奶 粉啦！
但係一想起 bb 吸得多奶就會多，
就死死地氣爬起身餵奶。
個女食得好密，
又當我係奶嘴，
每日就係餵奶同餵奶。
後來我學識左瞓住餵，
嘩，發達啦！一路餵一路瞓，超正！
慢慢，個女重解埋夜奶，有覺好瞓啦！

你唔好灰心啦，你衣家堅持餵人 奶係好偉大 ga。
試試瞓响道餵吖！

我支持你呀！
加油！
記住，辛苦係暫時，過左就好有滿足感 ga la ！


私人傳訊回覆 引用

kiko_mami


水晶宮

積分: 51867

2018復活節勳章 wyeth冷知識勳章 好媽媽勳章 醒目開學勳章 畀面勳章


3#
發表於 09-12-2 07:48 |只看該作者
我初初又係辛苦到想死,真係冇得訓,不過你試下訓係到餵,試多幾次你就會搵到1個位係最舒服架,甘樣就冇甘辛苦架啦。
真係辛苦得濟既你可以虭少少奶粉俾自己休息下先,我都係補左2星期奶粉先轉全人奶架,加油呀過左呢段時間就舒服好多架啦
我bb而家9個半月大都仲未介到夜奶我都係要3個鐘起1次身餵奶
感激遇上你~
私人傳訊回覆 引用

kristinecheng


大宅

積分: 1805


4#
發表於 09-12-2 09:49 |只看該作者
Popo, 啱啱生完，情緒係會波動，諗嘢亦容易負面，正常的，放鬆啲，唔好俾壓力自己，就會過到呢關。

你既景況，我當初都面對，我仲要係緊急開刀，上下都有傷口。bb自返屋企開始就日夜顛倒，係醫院兒科醫生話佢好叻，餐餐食到100ml，返到屋企不管餵人奶定奶粉，搏晒命都最多只可食到60ml，令人極擔心，最記得返屋企第5晚，bb又係喊個唔停，我已經頂唔順（返屋企之後差不多夜夜冇瞓，朝早為咗為佢都冇咩時間休息），叫老公湊住先（佢一直唔敢抱，呢次第一次），點知湊唔掂，我想落床搵個奶咀，拍一聲，開刀傷口痛，成隻蟹咁攤係張床痛到唔郁得，於是兩公婆大嗌個工人起身湊b，點知工人唔生性，湊咗5晚，完全唔掂（e.g.換完片唔洗手就去沖奶），講一句先做一樣，唯有自己湊返。我朝早有工人，有陪月，有媽咪，不過都冇得休息，就算唔洗餵，都要3小時一次泵奶.....後尾滿月時，工人仲特登做啲危險動作等我地炒佢，從此我既地獄生涯就開始，即使請了鐘點工，有媽咪老公幫手，我都難免要接手家務，冇一次可以瞓超過一個鐘既覺，每日瞓得最多4小時.......以上就係我坐月既日子。

講出黎，唔係同你鬥慘，而係想同你講湊NB個個新手媽咪都係咁難挨（唔知點解即使有一大堆人幫手自己都係好辛苦），會成日喊，成日發脾氣，你唔會係唯一既一個。如果你知道呢個係必經既階段，會唔會有多啲意決挨過去呢？（我要成2個幾月先正常返，我老公同我講，個溫柔既老婆終於返黎，可想而知當時我真係變咗另一個人）

無疑，餵人奶係會加劇新手媽咪既苦況，而且即使過咗頭一兩個最難挨既日子，仍然有不同既難關等住黎，不過我餵咗6個月，諗番轉頭，仍然係好感恩，自己有機會做一個奶媽，當中既甜蜜，雖然用血淚堆積成，不過係非常值得。

我成日覺得，餵人奶係好緊要，不過對bb黎講，有身心健康既媽咪更為重要，餵奶係一條好講意志力同毅力既長途賽，唔好咁快決定放棄定唔放棄，你靜一靜，諗一諗，衡量自己身心係咪可以承受得了？因為一個衝動既決定，係唔可以返轉頭。多啲上黎同我地傾，呢條路，唔係你一個人行。

[ 本帖最後由 kristinecheng 於 09-12-2 09:55 編輯 ]


私人傳訊回覆 引用

mrschoy


大宅

積分: 4166


5#
發表於 09-12-2 10:56 |只看該作者
孩子需要的不只是媽媽的奶
而是媽媽的照顧和愛

餵母乳可以是表達母愛的其中一個媒介
並不是唯一途徑

你再多試數天, 並多留意孩子的姿勢
因為孩子啜得不對
即使啜半個小時, 也未必吃夠

同時間, 你也多注意自己的情緒
不要太辛苦自己, 強迫自己呢

每個媽媽也辛苦過, 痛過, 哭過
大家一起走過當媽媽的苦樂日子吧
支持你！
私人傳訊回覆 引用

yanlongma


男爵府

積分: 5016


6#
發表於 09-12-2 11:28 |只看該作者
樓主，真的，你的心情，呢度每個奶媽都經歷過。尤其當你幾晚無瞓，心情極惡劣時，真係會諗：不如餵奶粉算！

但見你產前都聽咁多講座，我估你都係一心想俾最好的bb。
請相信我，當你夠瞓後(其實都幾難)，你就會知道自己到底想點，信心亦得以重整，我相信到時你一定會慶幸自己沒有放棄！

下便幾點tips，希望對你有些幫助！
1.要make sure bb咀形對，吸吮要有效率。如有懷疑，可返健康院請教姑娘。
2.早上和下午有人幫手時，一定要睡，即使明知只有15分鐘！同bb沖涼/換衫/掃風/oi瞓等，可以的話，都請人幫手。
3.飲足夠水份，食大大碗飯。
4.好累的時候，可試下瞓低餵，打側身，用cushion/pillow sip住bb同自己的背部(要有承托)，再放一個稍硬的pillow在兩個knee中間夾住，就可減少自己瞓着roll over bb的機會。

請為bb再努力一點，為不要令自己後悔再堅持一點！

[ 本帖最後由 yanlongma 於 09-12-2 11:33 編輯 ]
私人傳訊回覆 引用

crystalpui


伯爵府

積分: 18286

好媽媽勳章 醒目開學勳章 畀面勳章


7#
發表於 09-12-2 11:29 |只看該作者
樓主

可能係BB食得唔太好
你不如去健康院問下姑娘
俾佢地睇下你BB點食
我本身俾BB食到流血
但俾姑娘睇左之後原來係BB個咀唔係好口岩位
自此之後就食到了
奶我都好似一個星期先上到
頭一個月係好辛苦
到過左個半月會好好多了
加油呀
(訓係到餵係VERY GOOD的)
私人傳訊回覆 引用

nicksonma


侯爵府

積分: 23009

2024勳章 美好大世界2017勳章 認識瑞士牛牛第三回 認識瑞士牛牛第二回 認識瑞士牛牛第一回 育兒性格勳章 我的育兒心得勳章 分享愛 夏天玩到顛 hashtag旅遊勳章 DHA勳章 hashtag影視迷勳章 大廚勳章 叻叻勳章 wyeth冷知識勳章 畀面勳章 親子達人勳章 BK Milk勳章


8#
發表於 09-12-2 11:32 |只看該作者
初初時係一定好辛苦, 餵得順利真係要好感恩. 同埋剛剛生完情緒真係會好唔穏定. 你試下放鬆心情, 有工人同屋企人幫的話, 就只負責餵奶, 其他時候瞓覺! 多 d 時間休息好重要架. 如果真係無人幫的話, 補奶粉都唔緊要, keep 住餵唔會無奶既, 係多定少遮.之後settle down 再追奶都得... 唔好比咁多壓力自己, 反而會事半功倍既.

你要記得多休息呀, 坐月要做的事就係餵奶, 瞓覺, 食飯.

再有咩問題, 可以去健康院問姑娘架.
私人傳訊回覆 引用

molelee


複式洋房

積分: 390


9#
發表於 09-12-2 12:11 |只看該作者
頭一個月係咁架！唔好逼自己太犀利,如果太大壓力同唔夠訓會少奶架

頂硬上啦！慢慢會好d！我而家上左軌道啦,時間好快過架喳

我坐月果時仲同老公講笑,不如好似d非洲土人唔着衫咁吊住BB喺個胸度餵！因為BB食太多啦
私人傳訊回覆 引用

SyLph


複式洋房

積分: 174


10#
發表於 09-12-2 12:48 |只看該作者
ah...
我個兒科介紹我的呢個 dvd 我覺得 d 方法好 work。
叫 "happiest baby on the block", HMX 有得買。
用 5 個 S 來 calm down 初生 bb ：
SWADDLE
SWING
SIDE
SHUSH
SUCK
你可以上 youtube search。

你今日點呀 ？


私人傳訊回覆 引用

prisyan


子爵府

積分: 11438

大廚勳章 wyeth冷知識勳章 畀面勳章 BK Milk勳章


11#
發表於 09-12-2 14:21 |只看該作者
樓主你要加油呀，呢度好多媽咪都同你經歷緊同一樣嘅嘢，唔好灰心呀，ＢＢ好需要你。放鬆Ｄ，有情緒係正常，我果時又係差不多餐餐喊住餵ＢＢ，成日問ＢＢ點解你食咁多，就連奶奶嚟探ＢＢ都會失控喪喊，甚至想離家出走，不過休息完又可以平靜番面對。試吓餵完奶揾人幫你湊ＢＢ，即瞓，好好多。

你肯嚐試以人奶餵ＢＢ已經好偉大啦，ＢＢ亦好幸福，真係好辛苦嘅補一餐半餐奶粉亦無妨(不過唔好用奶咀，用樽或匙羹)，ＢＢ同媽媽初次見面，彼此都要適應，到將來你發現你同ＢＢ係緊緊連埋一齊嘅時候，呢Ｄ辛苦亦唔再重要。而且BB密密啜除咗因為佢哋胃仔細，亦係同你part住上，幫緊你上奶，第你第時輕鬆Ｄ，加油呀，支持你。

[ 本帖最後由 prisyan 於 09-12-2 14:30 編輯 ]
私人傳訊回覆 引用

Popo^^


大宅

積分: 2094


12#
發表於 09-12-2 22:46 |只看該作者
首先多謝咁多位媽媽既支持同鼓勵! 今日同bb第一次去健康院, 姑娘一問到我bb食咩呀, 我話全人奶, 問食成點, 我一講已經開始喊, (我知道係生完既荷爾蒙影響, 不過有時諗我係咪有產後抑鬱呢..) 之後睇到大家既留言, 我一路睇真係一路喊到收唔聲, 真係好感動!! 好感動大家明白我感受, 大家都知啦, 餵人奶好多時都要受好多人既冷水, 成日都俾人話bb唔飽, 又或者bb點可以3日唔飲奶, 食奶粉未得囉之類既說話, 雖然之前有哂心理準備, 但現實還現實, 真係好倦好辛苦! 不過今日聽完健康院姑娘既建議, 睇到大家既留言, 同今日見到自己好快pump到50ml, 心情總算開咗, 平實咗好多! 真係好多謝好多謝大家~

講返大家既建議: 訓低餵. 我試過, 但唔識呀, bb好似好高咁, 我點就都唔啱位, bb食唔到好忟. 但係我會繼續嘗試, 我知道practice makes better !!

另外, 係, 大家講得啱, 我因為唔識訓低餵, 一路係坐係度餵, 但屋企又冇張有扶手既椅, 又冇腳踏, 姿態唔正確, 攪到腰酸背痛, 真係要諗諗整返好d配套先! 另外,可能做得多reseach, 自己有basic concept, bb都啜得唔錯, 係第2日nipple有d損, 塗咗羊脂膏, 同等到第4日吱到d奶塗返係上面, 都好快好返, 感恩而家都冇谷奶.塞同乳頭流血既問題. 奶漸漸開始多, 雖然仍然唔夠bb食, 但多謝大家既建議, 我會放開心情補d奶粉俾bb (因為之前真係十萬個唔願意補奶粉架) , 等自己訓得好d, 心情好d, 上奶好d! 但我想請問我應該補幾奶粉俾bb呢? 我而家日頭都keep係feed on demand, 15mins, 半個鐘, 2個鐘唔定, 但而家我想零晨交俾工人湊, 等我可以訓一訓, 如果一餐40ml會唔會太少呢? 是否隔2, 3小時再補一餐? 因為bb好似唔多夠, 追住食咁!

另外, 還有一個問題, 想請問點解bb成日都訓唔’林’咁既? 好淺睡, 成日一路訓一路扎一扎, 是否人奶b係咁? 我要抱住佢先訓, , 一放落床就喊.

最後, 再同大家講句 ”thank you” …. 我會努力繼續, 唔會放棄!! 我要俾bb最好!!
私人傳訊回覆 引用

幸福黃太太


公爵府

積分: 28558

分享愛


13#
發表於 09-12-2 23:29 |只看該作者
其實初生bb冇安全感, 所以成日都會訓唔林, 我BB初初出世既時候, 我試過冇數咁多次抱通霄 (由12點抱到第2日8點) 果時都日日喊辛苦, 之後有人教我用毛巾包實佢, 佢會訓得好D, 不如你都試下丫~~
加油呀~~ 記得要放鬆D呀~~
私人傳訊回覆 引用

Sugarbabegirl


男爵府

積分: 9460


14#
發表於 09-12-2 23:45 |只看該作者
原帖由 kristinecheng 於 09-12-2 09:49 發表
Popo, 啱啱生完，情緒係會波動，諗嘢亦容易負面，正常的，放鬆啲，唔好俾壓力自己，就會過到呢關。

你既景況，我當初都面對，我仲要係緊急開刀，上下都有傷口。bb自返屋企開始就日夜顛倒，係醫院兒科醫生話佢好叻，餐餐食到100ml，返到屋企 ...


kristinecheng,
我睇咗你d posts幾個星期，覺得你成日都講得好好，雖然我開始睇時，我已經過咗最最最艱辛既時候，但都好有鼓勵性，亦好感動。

popo,
我條人奶路未必差得過你，但絕不容易，我係過咗兩個月至見到曙光，而家3個月多ｄｄ至可以叫做順ｄ，我都係一樣之前做咗好多preparation，上晒堂，一心要餵全人奶，諗住我成屋都係人唔會好辛苦，又亞媽，老公，陪月，工人，點知人愈多，愈麻煩！！我工人掉咗我半夜起身忍住痛流住血泵既人奶，我媽不停話我女唔夠食，又同我陪月炒大鑊，我心情極差，差不多日日都喊，ｄ奶一直上得唔好，全屋人都係咁想我補奶粉，唔補就好似我虐待個女，我女又食得唔好，咬到我損同流血，泵既時間睇住ｄ血扯出黎！！用泵又泵到撕裂，全身都係胎毒引至既濕疹，痕到死，又發燒．．．．．

再睇多d BK既posts,其實好多人都好多問題，但努力下捱下又過去咗。如果補少少奶粉可以令你而家易ｄ捱過，我覺得補ｄ都無防，我都係兩個月後至可以全人奶，而家最重要係要令自己既心情放鬆，做一個快樂既媽媽。
私人傳訊回覆 引用

bonbon16


大宅

積分: 3663


15#
發表於 09-12-3 00:54 |只看該作者
原帖由 Popo^^ 於 09-12-2 22:46 發表
首先多謝咁多位媽媽既支持同鼓勵! 今日同bb第一次去健康院, 姑娘一問到我bb食咩呀, 我話全人奶, 問食成點, 我一講已經開始喊, (我知道係生完既荷爾蒙影響, 不過有時諗我係咪有產後抑鬱呢..) 之後睇到大家既留言, 我 ...

Popo,

你要比心機同記著奶粉唔系毒藥,系你未夠奶時,補補奶粉同時又比自己回回氣,無壞既!我剛剛起左個題,雖然無詳盡,但可以話你知,我仔仔依家26個半月大,但晚上都系訓7個半鐘,仲系每晚都會醒2-3次,我地兩公婆到今時今日都系每晚訓6個鐘但分2-3次訓,但都已經好滿足,甘你可以想像我仔仔得幾個月時,我地會點?
但唔駛擔心同驚,日子好快過,你同bb會慢慢適應,情況都會慢慢好起黎,我仔仔由出世至到9個月大都系晚晚要抱著訓既,唔放得落床,乜方法都試過!不過有個小貼士,如bb太敏猙,你可以系萬寧買枝"吳德密次"比佢飲,放心,系外國貨,似中國寶嬰丹,無藥成份既,我仔仔到左依家,肚仔或腸胃有少少唔舒服就會叫我地比佢飲,佢有寧神,去肚風同整腸作用,專系比嬰兒既!由出世至依家,我諗我仔仔起碼飲左6-7支!

記著,好快你就可以適應,加油!
私人傳訊回覆 引用

小魔女媽媽


大宅

積分: 1993


16#
發表於 09-12-3 02:15 |只看該作者
心情唔好都會影響上奶架,,不如你試吓吱定D奶,,到BB肚餓就叫工人坐番熱D奶,,咁起碼都有D時間休息吓,,我1 個人湊5個細路,,最細只得5個月,,我初初都想放棄架,,但係為左要比阿B最好,,我點都要堅持,,你都唔好放棄呀,,加油,,

私人傳訊回覆 引用

jenniecatcat


水晶宮

積分: 56409


17#
發表於 09-12-3 10:24 |只看該作者
原來咁多mami係抱住BB瞓, 咁我BB都唔係奇怪....

Popo,

加油呀, 你好叻架啦, 做哂research, 証明你係一個好媽媽. 依家只要再堅持多一點就得架啦. 個個人奶媽都經過你現在經歷跟既日子, 回想起真係生不如死, 不過過左乜都唔記得lu, 只有記得開心既野.

唔好話你睇時喊, 我睇時都眼濕濕, 因為remind 反以前過既日子.....

補奶粉其實冇所謂, 1-2 oz ok, BB 唔夠先加俾佢, 不過強烈健議你多埋身同學識瞓住餵. 將BB打側, 你又打側, 用枕頭sip住你同BB背脊, 咁應該BB 就唔會太高. 至於坐係度餵就可以買個餵奶枕, 圍住條腰, 放BB係上面打側, 就唔水抱到手軟.
我的最愛: 老公, 仔仔, 同來緊既女女, 老豆
私人傳訊回覆 引用

kristinecheng


大宅

積分: 1805


18#
發表於 09-12-3 10:50 |只看該作者
popo：初生bb係咁，冇安全感，因為佢要花好大既勇氣先可以適應到呢個陌生既世界，佢以前係你個肚，唔洗挨餓唔洗挨凍自得其樂冇陌生人騷擾佢被人抱黎抱去，又唔識講嘢表達自己同你溝通，比著係你都好驚成日喊（唯一表達既方法）同瞓得唔安樂啦﹗所以上天就安排餵人奶呢個親子活動令初生bb盡快得到媽咪既安撫囉﹗適應係要時間，個個bb都唔同，不過通常近2個月到會好啲，我嗰時都好灰，日望夜夜望日，以為永遠就係咁，其實唔係架，bb大啲，開始識同你溝通（e.g.有眼神交流），你會好開心架﹗我宜家都不知幾鍾意攬住阿b瞓，不過老公唔鍾意，話我縱佢，我先收斂吓咋。



小牛ma：我真係試過帶住阿b離家出走....到屋企樓下平台呌吓氣，點知老公返到屋企見我唔係到（因為我走之前係同佢傾電話兼發脾氣cut佢線），立即call我媽咪，仲落街周圍搵我，搞到我返屋企時已見我老公同媽咪坐係屋企等我，個樣仲好明顯certify我係產後抑鬱，我媽咪從此住係我屋企，驚我出事。

小荍媽媽：你既經歷都好辛酸，所以我地係好值得為自己自豪﹗

私人傳訊回覆 引用

stliu


大宅

積分: 2647


19#
發表於 09-12-3 11:31 |只看該作者
Popo^^,

其他mami都講左好多好有用的回應了. 記住呀, 你而家坐月, 唔好喊咁多, 因為D人話坐月喊, 對眼睛唔好架. 產後情緒真係波動D架, 人又攰, 喊都好正常, 但記住盡量唔好喊啊!
初生BB瞓唔"林", 好正常, 因為佢地未識自己瞓,同埋面對一個陌生環境, 慢慢會好D.
我好記得我大仔出世時, 又係極唔情願俾BB補奶粉, 好想佢係全人奶. 試過有次, 因為自己唔舒服, 我喊住同我老公講, 唔想俾BB食奶粉. 我老公就話, 唔好咁啦, 奶粉又唔係有毒! 哈, 而家諗返起, 都唔明點解當時自己會咁!仲覺得有D好笑! 今胎我就冇咁樣, 真係太攰, 或者真係唔夠奶時, 會補奶粉架. 講到尾我BB都係食人奶多過奶粉好多架嘛!
我諗你BB都一樣係, 奶粉只係不時之需, 你主要仍然係餵人奶架嘛.
放心啦, 你好快就會過倒呢個艱難期, 到時你一定有好多經驗之談可以D新手奶媽分享啊! 一齊努力!
私人傳訊回覆 引用

nono76


侯爵府

積分: 23926

2018復活節勳章 熱血勳章 好媽媽勳章 醒目開學勳章 畀面勳章 環保接龍勳章 BK Milk勳章 hashtag影視迷勳章 親子王國15週年勳章


20#
發表於 09-12-3 13:03 |只看該作者
雖然我唔係全人奶,但都要同你講聲加油!
我第一個月,全人奶,不過差不多30-60分鍾就要餵一次,晚晚無得訓.我都知我唔夠奶架啦,不過都keep住埋身餵無放棄.果時我都未識訓係樹餵.真係好辛苦.
過左一個月,真係頂唔順,我想買pump,又怕用唔著,終於都係老公鼓勵下買了,不過原來pump出黎既真係好少,阿b真係唔夠.唯有pump出黎果d 2餐當一餐,其他就補奶粉.甘我就變左唔係全人奶了.不過我都無放棄,而家返工都會在公司pump出黎.叫做比得幾多得幾多ma.
我阿b仲未介夜奶架,不過因為而家我學識訓係樹餵,已經好好多啦.
所以你都唔好放棄ar.加油ar!
私人傳訊回覆 引用


首頁
1234

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見