論盡家傭 今日: 9 | 主題: 133735

積分: 766

1^#

發表於 10-1-4 12:34 |只看該作者 |倒序瀏覽 |打印

我有兩個工人主要24小時要照顧長期病患既女兒.
雖然不幸,但係幸運既係我所請既每位姐姐都係全心全意照顧我個女.........!!
咁多個都從來無借財仔,無偷錢,無黑面,無發脾氣!!

第一個~~泰姐(3張約用到而家)

起初黎既時候(果時個女歲半),因為大家生活習慣唔同,加上我太緊張個女,同不時都鬧佢,一做錯小小野我就摌到佢上天花板......!!
不過佢EQ高我好多,從來無黑面....當我唱歌!!
做屋企野不過不失,好多野都係自動波,係有D地方要提點一下.
係揍女方面,因為係長期病患,個女都係一直係醫院,我可以講,佢比我更加有心機.....!!
好多唔知既人都以為佢先係媽咪........!!
曾經好多隔離床唔識既既媽咪都係我面前讚過佢!!
不過,女兒早前因病離開左啦........!!

我地同工人都好傷心.....!!

因為中國人習俗白頭人唔可送黑頭人,所以好多野都我唔可以由父母去做,但我工人自動請"英"去做....!!
去火葬場當日,由於我地唔可以行入去,只係可以係下面停車場目送靈車入火葬場!!
我工人臨上去之前我交帶佢叫佢同個女講:
"我地唔再掛住佢啦,叫佢走啦"~~

跟住D親友話,我個工人入到去,到按制果時,
(因為除左我兩公婆同婆婆係至親之外,就係我工人同佢最close,所以工人要求要佢去按制)

佢同D工作人員講,想入去同我個女講兩句,D人話唔得架!果到唔比人入去,亦從來無比人入過去!!
我工人求左佢地好耐,咁人地勉強比佢入去一陣,跟住佢同我個女講我交帶佢既說話同埋say goodbye!!

因為個女未上到位住,所以安放左係紅磡到.
係12月25日果日,我工人放假,佢又忽然打比我,問我燒野比個女可唔可以用英文寫個名呀?因為佢唔識寫中文......!!
佢話今日係聖誕節,想燒件玩具比佢.......

佢每一次放假都有去睇吓個女,裝支香比佢....!!
有時自己又買d紙扎衫仔,玩具,食物燒比佢,又會買d生果,花之類去幫佢換.......!!
有時又擔心佢會唔會重留係醫院,又走去醫院裝香,話要帶佢返黎......!!
工人話怕我個女悶,話要買隻紙扎貓仔陪佢...!!
其實當中重有好多野.....真係多到講唔哂....!!

第二個係~~印姐 (用左一個合約)

當初請佢果時無留意佢身高,點知黎到完來係3吋釘......5呎唔夠!
不過,份人好肯學,好多時我煲湯煮飯(因為我本身鍾意煮野食,所以好多時都係自己煮)印姐就會失驚無神飄埋黎身邊話要學(唔明點解佢行路無聲,我成日都比佢嚇到跳起)第日煮比我地食.....
因為八卦,所以學廣東話學得好快.
溝通都OK.
揍女方面,睇得出佢係有比心機,當然,唔及我個泰姐咁醒,但係都叫做盡左力.
屋企野,可能係泰姐教佢,好多野都係自動波,唔洗我操心.
只係有時d行為比較古怪.
因為我地個衣櫃係佢間房,所以攞衫時都會見到佢訓覺!有次一推開門,見到佢成塊面白哂

佢咁岩又醒醒地,我問佢:
我: Lily,妳搞乜鬼呀?搽左乜野?成塊面白哂既?嚇死人咩!
Lily: 阿~太太,朋友比我,搽左無咁多暗瘡....!!
我:乜鬼野黎架?得唔得架?
Lily: 唔知呀,不過搽左幾日,好似重多左.......!!
結果我弟日買左支"快治"比佢.
Lily: (好開心)多謝太太,太太真係好好人..!!
我:..........!!
(我心諗)我費事嚇親我地,陣間搞到成面都係瘡,我個女仲要每日對住妳,重可憐.....!!

因為佢係負責夜晚睇女,所以係朝早訓覺,而我兩公婆又要返工,有次試過唔訓覺走出街玩,比我發現,我當然摌佢,唔知話佢蠢定老實,佢自己一五一十承認佢唔係第一次偷走...........
果次我叫佢執野走,佢喊住跪係我面前認錯,話以後唔會,叫我唔好炒佢.
最後原諒左佢,裝埋Web came,再無呢d事發生lu.
因為佢性格比較外向,到佢完就約果時,我同佢講,叫佢出去試吓搵第2份工試吓,如果真係搵唔到工先留係到以因為佢平時係夜晚做野,我怕佢悶,始終兩年裡面日夜"Di"倒,都唔係咁好~~
結果,佢搵到份新工.
係佢last day 果日係星期日,我之前一晚同佢安排哂所有野,跟住去訓覺.
因為星期日唔洗返工,所以訓晏左.......到左11點半先起身,我以為印姐走左....!!
點知佢我見佢重坐係廳到,我問佢點解重未走?
佢話我要等太太起身,要同我講bye bye

我問佢點解唔叫我起身?
佢話,我知太太辛苦,我唔想嘈妳..........

最後佢攬住我同我講bye bye....!!
不論係真情定假意....
大家都係好黎好去,到而家我地重有聯絡!!

第三個係~~~印姐(用左3年)

呢個係黎backup 之前個印姐既,佢黎果陣廣東話比較差,好多都唔明.........!!
佢黎果陣我地請左一個星期去教佢揍女,到last一日,佢都未handle得好........!!
就連我之前果印姐都同我講:太太,佢好無記性呀!!
當然,係呢個星期裡面佢受我唔小氣,因為我地無時間教佢,又要保住份工(唔係邊到搵$請工人),又擔心佢上唔到手.
好彩,最後都總算ok.
佢份人比較單純,小講野.
好多時都唔放假,佢話香港無朋友,又唔識路...!!
試過兩個月無放過假,卒之係我下令要佢放.
我覺得人結終唔可以淨係做,點都輕鬆吓.
我同佢講,就算唔放都係屋企訓吓覺啦.
佢平時朝早成十二點先訓.........
(我巳經下令最晏11點之前要訓覺,因為怕佢日頭唔訓夜晚睇女先訓)
佢下午4點就起身拖地,掃地,抺廚房.......
跟住七點零鐘就出醫院!!
佢一有時間就會做屋企野,從來無偷懶,真係好勤力.
反而有時我好似個傻婆咁,每次見到佢就會捉佢去訓覺!!唔比佢做!
到我果女走左之後,我每晚返到屋企都見到佢坐係到自己抺眼淚.......!!

一屋4個人,但係只係有電視機聲.........

搞掂哂個女d野之後,我同佢講,屋企而家唔洗要姐姐啦,妳要搵過第二份工做啦,我問佢講,幫妳搵過份工好唔好?佢話:太太,我唔做啦,我返印尼.....!!
到佢走之前幾日,我計埋d人工,補埋大假所有錢比佢!!
佢竟然同我講:太太,唔洗比錢我,我唔要啦.
佢話妳幫我買機票得啦,唔洗比錢我

我問佢點解?呢d錢係妳架!!佢死都唔要...!!
(唉~~竟然有人打工唔要錢.....)

最後我夾硬將d錢放入佢個袋到.......!!
到左佢走之前一晚,佢仲叫我check佢行理,我話唔洗啦,佢話:太太,妳睇啦!!我話:唔check啦,屋企都無野比妳攞!跟住佢自己攤哂所有野出黎....!!
到佢走時,我同佢講,妳返到印尼比個電話我,ok?
結果,佢到左印尼機場,真係有打比我!
佢同我講,太太,我到左屋企啦,多謝太太!!

人與人之開相處真係好奇妙~~
我曾經破口大鬧工人,曾經以為自己有神經病,點解一有唔順眼就即刻向住工人大發脾氣!
但係有時諗深一層,我地大家都係"打工仔",只係我地既職位唔同啫~~
當然,衰工人真係有大把~~
但係,好工人都重有好多,~~
各位媽咪,唔好放棄呀~~

[ 本帖最後由 mickylau 於 10-1-6 10:20 編輯 ]

0 0 0

私人傳訊

sorfn89

子爵府

積分: 10628

2^#

發表於 10-1-4 15:54 |只看該作者

回覆 1# mickylau 的文章

你個工人好好, 令我好感動

, 希望你自己要保重 ar.

私人傳訊

bonbon16

積分: 3663

3^#

發表於 10-1-4 18:52 |只看該作者

原帖由 mickylau 於 10-1-4 12:34 發表
我有兩個工人主要24小時要照顧長期病患既女兒.
雖然不幸,但係幸運既係我所請既每位姐姐都係全心全意照顧我個女.........!!
咁多個都從來無借財仔,無偷錢!!

第一個~~泰姐(3張約用到而家)

起初黎既時候(果時個女歲半 ...

好心有好報,所以你遇到個個系好工人,希望你女女快快樂樂做個開心小天使!

私人傳訊

bplus

伯爵府

積分: 17266

好媽媽勳章醒目開學勳章

4^#

發表於 10-1-4 19:15 |只看該作者

第一次係家傭版會睇到喊

什麼是"幸", 什麼是"不幸", 真的不知道, 什麼是"愛"就在樓主這個post看到了...
人間有情, 囡囡在另外一個世界會知道, 樓主保重

原帖由 mickylau 於 10-1-4 12:34 發表
我有兩個工人主要24小時要照顧長期病患既女兒.
雖然不幸,但係幸運既係我所請既每位姐姐都係全心全意照顧我個女.........!!
咁多個都從來無借財仔,無偷錢!!

第一個~~泰姐(3張約用到而家)

起初黎既時候(果時個女歲半 ...

淡淡的來, 好好的去 ....

私人傳訊

Siuchoi

珍珠宮

積分: 32052

5^#

發表於 10-1-4 23:31 |只看該作者

難得佢對個小朋友咁好.....

私人傳訊

duckykong

積分: 3152

6^#

發表於 10-1-5 14:37 |只看該作者

人間有情, 樓主遇到d好工人, 都係一種緣份, 但願你囡囡安息..... 睇完有d感人.... 都令我覺得係有好工人.

私人傳訊

積分: 766

7^#

發表於 10-1-5 15:18 |只看該作者

原帖由 sorfn89 於 10-1-4 15:54 發表
你個工人好好, 令我好感動 , 希望你自己要保重 ar.

sorfn89:

好多謝妳關心~~
我頂得住呀~~

私人傳訊

積分: 766

8^#

發表於 10-1-5 15:23 |只看該作者

原帖由 bplus 於 10-1-4 19:15 發表
第一次係家傭版會睇到喊
什麼是"幸", 什麼是"不幸", 真的不知道, 什麼是"愛"就在樓主這個post看到了...
人間有情, 囡囡在另外一個世界會知道, 樓主保重

...

bplus:

多謝妳關心~~
我相信我這位見習小天使女兒,在遠方都會祝福我地~~

私人傳訊

yslgirl

積分: 1127

9^#

發表於 10-1-5 15:38 |只看該作者

真係忍得好辛苦d眼淚先唔流出黎, 我希望你囡囡可以係天國做個幸福小天使, 而幫過你既好工人都可以搵到個好顧主.

私人傳訊

linglingd

複式洋房

積分: 306

10^#

發表於 10-1-5 17:02 |只看該作者

我都好感動差點想喊出來。
我第一個印印實際上唔錯，衰駁咀，無續第二個合同。呢年半以來，換了四個工人，有印也有賓。依家第五個喺賓，比較聽從教導，有笑容，無黑面，來了差不多一個月，肯努力學習，有感恩心，覺有人肯請佢已經非常幸運，相信佢會做得開心，而我也較為放心。Good luck to me la.

私人傳訊

chansiub

積分: 3066

11^#

發表於 10-1-5 21:24 |只看該作者

It's so touching. It's really difficult to find a good maid but I believe it's not impossible. Goodluck everyone.

私人傳訊

穎穎豬媽

積分: 2038

12^#

發表於 10-1-5 22:53 |只看該作者

一路睇0的眼淚一路流....

私人傳訊

積分: 766

13^#

發表於 10-1-6 10:29 |只看該作者

原帖由 duckykong 於 10-1-5 14:37 發表
人間有情, 樓主遇到d好工人, 都係一種緣份, 但願你囡囡安息..... 睇完有d感人.... 都令我覺得係有好工人.

duckykong:

其實上天都對我不薄.
雖然我有個有缺憾既女兒,但係亦因為係咁樣,令到我既家庭更加團結!
亦比我遇到好既工人去揍我個女,等我地可以安心去搵錢應付我地既需要.
因為係咁,我亦認識到一班好既醫生同姑娘.
等我地知道,呢條路並唔係得得地3個人行,而係有一班人陪我地去行~~
人間有情~~~

私人傳訊

單親媽媽