我都曾經遇過, 真係好深刻, 因為有次dept head睇左cv已經話個應徵者幾好想見下, 我first in完叫個candidate等等, 然後同個同事講唔好浪費時間喇, 我從來未試過同人面試, 對方一眼都唔望我, 全程望天望地, 隻眼路過見我望佢都會即刻縮開, 我唔要求佢全程有眼神接觸, 但係點都唔會咁閃縮架, 反而搞到我同事好有興趣, 見完仲同我笑, 話佢係咪以為自己做緊presentation, 對住幾百人, 所以對眼要東張西望唔可以有焦點?! 佢對答都算有紋有路, 但係咁樣點對客呀, 自己人都完全唔可以接受囉! 睇完報紙我即刻睇file, 不過record唔係呢個人!
另外有次講明要考倉頡, 因為試過只話考中文打字, 應徵者唻到話佢唔識, 只識其他輸入法, 所以之後都講明, 起碼有個預算! 點知講明都有個唻到話唔識, 我同事問佢點解約見工時唔講, 佢話諗住只係考打字唔一定用倉頡, 同事話講明倉頡, 佢話返我地轉頭, 咁大間公司, 一定有同事用唔同輸入法, 我唔洗要手寫板, 不過只係識用九方, 你地連呢d software都無? 我同事話速成或者廣東呢d都仲可以, 有幾多公司一定有九方, 佢仲要話無預備其他software係對佢唔公平, 最後我同事又唔好意思話佢, 仲要好客氣咁同佢講, 會有remarks如果佢interview ok先再安排typing test! 當然啦, 呢d人, interview肯定fail 啦... 對住呢d人真係吹漲!
講野唔好笑又唔識講爛gag
上forum只為吹水唔好同我認真