吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 今晚又同呀媽為結婚嘈

自由講場今日: 173|主題: 1302860

收藏本版

發帖

返回列表

跳至頁

樓主: fukuoka_saga

今晚又同呀媽為結婚嘈 [複製鏈接]

123

好老婆

伯爵府

積分: 16651

21^#

發表於 11-2-22 00:26 |只看該作者

我係你的話, 我會同媽解釋.同媽講依家唔同以前, 以前d人嫁左好少返娘家, 唔會個個俾家用. 所以以前的人收咁多禮金係正常. 但今時唔同往日. 我地結婚唔係靠男家父母, 都係自己辛苦儲的錢, 而且唔多, 依家酒席好貴, 無可能會賺, 收返的人情係唔夠埋單.

俾兩個選擇阿媽:

選擇 1
係咁意收少少(6萬), 因為你唔係賣女, 以後會繼續每個月俾家用.

選擇 2
當你賣女, 你開個價, 我借都借返黎俾你, 但我以後唔會俾家用.

私人傳訊

sarahcow

伯爵府

積分: 16617

22^#

發表於 11-2-22 00:52 |只看該作者

我同你同樣情況，呀媽日日同我地為錢搞到家嘈屋閉，個個都唔願返屋企，

到最後，頂唔住，搬左.... 始終朝朝起身同佢嘈一鑊好影響返工o既心情....

我都有間屋響手要供，仲要儲錢讀書....

但佢想要廿萬禮金... 我都講到明你要廿萬，得.... 你個女我呢世唔駛旨意嫁得出....

我出黎做野都無幾多年，又要交學費又要供樓，而家又話要大份家用仲要比埋零用錢d 妹洗.... 真係當我開金礦咩....
大家比心機啦

私人傳訊

LedTV

瑪瑙宮

積分: 145595

虎到金來勳章好媽媽勳章醒目開學勳章畀面勳章環保接龍勳章

23^#

發表於 11-2-22 00:58 |只看該作者

原帖由 fukuoka_saga 於 11-2-21 23:20 發表
我有比開家用佢，結婚後都要比一樣咁多。
我真係好辛苦呀。。。。結婚已經使好多錢。
成日口口聲聲話女仔點解要自己出錢。
我而家又唔係嫁有錢人。你想我點呀。
我比左５萬訂呀。有冇人可以教下我點做。。。。

...

既然佢心態係想賣女既..
我婚後唔會比家用佢..
因為個女佢已經賣左比人..
個女以後既收入..都理應歸付出禮金者

私人傳訊

kayan1130

男爵府

積分: 8521

24^#

發表於 11-2-22 01:25 |只看該作者

比D時間佢啦~

私人傳訊

茶葉蛋

大宅

積分: 2951

25^#

發表於 11-2-22 02:27 |只看該作者

好奇一問...
如果你同呀媽講你大左肚 , 唔知條數佢又會點計呢...??

私人傳訊

Lowina

大宅

積分: 2648

26^#

發表於 11-2-22 08:12 |只看該作者

好老婆你好勁呀! 完全同意!

既然你阿媽都已經為左貪錢 wear 熞爛左塊面, 俾我都會同佢講數, 兩三個 choices 冇價講,
1. 要 6萬禮金加以後家用每月五千
2. 要多禮全金買斷我, 以後冇家用
3. 註冊結婚算, 蝕訂金唔擺酒, 冇禮金冇家用冇人情冇嫁妝冇金器

既然已經有樓, 俾著我經過今次咁樣, 一定搬左先算!
我真係唔明點解咁多人可以打劫自己個女架!? 養兒係用黎防老既咩?

如果你阿媽大肚時有人問我要唔要揀做佢個女, 如果真係有得揀, 我實唔濟啦!
係佢決定要生你出黎, 係佢決定個女一有野做就要屈佢錢, 但你冇得揀唔出世囉!

樓主加油呀!!! 你要幸福呀!

原帖由 好老婆 於 11-2-22 00:26 發表
俾兩個選擇阿媽:

選擇 1
係咁意收少少(6萬), 因為你唔係賣女, 以後會繼續每個月俾家用.

選擇 2
當你賣女, 你開個價, 我借都借返黎俾你, 但我以後唔會俾家用.

私人傳訊

sasa@uk

珍珠宮

積分: 44650

27^#

發表於 11-2-22 08:23 |只看該作者

同你阿媽講，唔結婚喇，同居算喇。依家呢個年頭同居無咩大不了。

私人傳訊

bobonico

珍珠宮

積分: 34963

畀面勳章環保接龍勳章大廚勳章

28^#

發表於 11-2-22 09:34 |只看該作者

我都同意, 一係要6萬+每月5千, 一係賣斷, 聰明人都知條數點計, 一年已經6萬, 仲可以鬥長命tim (當然你要話你咁長命, 有排收)!!

加油, 好多香港人都好似你咁, you are not alone!!

私人傳訊

fskaren2002

男爵府

積分: 7839

醒目開學勳章環保接龍勳章

29^#

發表於 11-2-22 10:41 |只看該作者

Yes同居算! 激c佢都好! 反正結又煩, 唔結又煩!
其實你肯俾毎個月$5k已經好好好孝順&盡責喇, 你亞媽真係好離譜, 好恐怖!

私人傳訊

方方媽媽

水晶宮

積分: 74328

30^#

發表於 11-2-22 10:53 |只看該作者

你搵細佬或第三者幫手,講下你既難處,再加兩錢肉緊話你可能唔擺酒啦,同居算啦.
先探下佢口風,係咪仲係堅持.

樓主諗諗,唔比巨額禮金,人情自己收番,
最差咪係你媽咪嬲你囉.
唔洗死架.
你比唔起咁多,唔通真係問人借?
人地都會諗,無咁大個頭就唔好帶咁大頂帽啦.

私人傳訊

JunichiOkada

翡翠宮

積分: 77518

31^#

發表於 11-2-22 11:02 |只看該作者

唔好唔開心啦, 結婚係人生大事, 留一個好回憶比自己, 唔好比唔開心既野影響..
但如果我係你, 我都會好唔開心, 亦同你一樣, 我寧願問人借都會用錢塞住阿媽把口, 我仲會講清楚比佢知, D錢係我問人借而唔係男家既, 叫佢收聲唔好再嘈啦.
我諗好多人會覺得我不孝, 但做母親既佢又何嘗不仁呢?

原帖由 fukuoka_saga 於 11-2-21 23:06 發表
今日OT放工返黎9點幾,仲要拎野返屋企做.
又同呀媽嘈.又係為錢.
我真係好攰喇....
由上年搞結婚開始,已經嘈過好幾次.禮金方便一向未有共識,我本身打算比6,7萬左右,但酒席會自己收返黎找數.
今晚講開話約左未來6299遲D ...

私人傳訊

magcat

子爵府

積分: 11068

32^#

發表於 11-2-22 11:04 |只看該作者

原帖由 seaheart88 於 11-2-21 23:58 發表
但如果自己父母咁樣貪錢 ,獅子開口要多禮金又要幾多酒席收禮... 第時99個家都唔方睇得自己起 , 就算有好老公錫... 在男家個邊都唔好過....

有道理喎!

擺酒真係好鬼煩!

私人傳訊

Bman

大宅

積分: 1672

好媽媽勳章醒目開學勳章

33^#

發表於 11-2-22 11:49 |只看該作者

係啦, 其實今時唔同往日, n年前結婚真係好似賣女咁, 個女賣左去人地屋企做妹仔, 莫講話唔可以成日返屋企, 更唔好諗可以照顧外家! 養到個女咁大, 當然要收返一筆啦!

我同老公結婚時買左樓無乜錢, 所以父母完全無提要禮金, 我地亦無大搞, 依家咁多年, 我個個月都拎家用返去, 仲另外有零用, 用品壞左其他人夾唔夾我都買左先!

可以好似其他媽媽講咁同你媽媽商量, 如果佢係無商量餘地, 我會建議私下答應畀一筆禮金你媽, 唔好畀佢同對方父母傾, 無論男方父母錫你肯畀或者因為覺得你地搶錢唔鍾意你地, 你都唔想! 所以私下答應畀一筆佢, 之後你搬左出去, 每個月家用扣, 家用無話佢要幾多就幾多, 到時嫁左出去都唔洗怕佢煩你, 衰d講, 外嫁女唔拎錢返去都唔可以怪你, 鬼叫佢當日貪心!

講野唔好笑又唔識講爛gag
上forum只為吹水唔好同我認真

私人傳訊

peggyhklam

大宅

積分: 3340

34^#

發表於 11-2-22 12:17 |只看該作者

其實我並唔覺得樓主阿媽有賣女feel

我做女時每個月俾幾千元家用, 到結婚阿媽話3萬禮金啦, 酒席錢不要了, 個時我覺得阿媽好好, 為左唔想我地辛苦

但到而家我生左仔後, 才發覺我俾得太少禮金阿媽, 我養個bb一個月要成二千幾, 仲未計遲d讀書駛費, 分分鐘要成七千元一個月, 養到咁大真係要用好多錢, 我第日娶新抱我都會叫我仔俾多d

希望樓主唔好介意我咁講, 因為我阿媽成日聽到人地嫁女收好多(多數收8-10萬), 佢都會有點唔開心, 但無同我講, 只係同我細佬呻下, 而家我細佬結婚反而佢話唔好慳, 盡量儲多d錢先好結婚

或者同你媽講可唔可以分期俾

私人傳訊

Bman

大宅

積分: 1672

好媽媽勳章醒目開學勳章

35^#

發表於 11-2-22 16:02 |只看該作者

原帖由 peggyhklam 於 11-2-22 12:17 發表
其實我並唔覺得樓主阿媽有賣女feel

我做女時每個月俾幾千元家用, 到結婚阿媽話3萬禮金啦, 酒席錢不要了, 個時我覺得阿媽好好, 為左唔想我地辛苦

但到而家我生左仔後, 才發覺我俾得太少禮金阿媽, 我養個bb一個月要 ...

你講得好好, 呢個思想真係要宣揚下, 我好多朋友父母搵到, 做仔女每個月真係連零用都唔會畀, 有d男性朋友(包括老公)甚至連做節生日都唔會識做, 無人諗下當年父母為左佢棉乾絮濕! 我親戚個bb出世後, 打個乞痴都上facebook寫心痛, 但係父母生日都唔記得!

不過一樣還一樣, 因為父母愛錫子女或者子女愛錫父母都唔應該計較, 樓主呢段時間花好多心力去籌備, 睇佢每個月畀五千家用, 而且婚後亦會盡呢個責任, 相信唔係幾多人做得到! 所以如果佢媽媽呢個時候都唔為個女諗, 只同佢講錢, 樓主都要為自己打算! 設定禮金果個年代, 其實意義同依家真係好唔同, 講真, 男方父母夠畀心機栽培個仔啦, 以前結左婚多個新抱做妹仔, 依家分分鐘仲要服侍返佢添呀! 點解嫁女就要收禮金, 娶新抱就要付出一大筆?

講野唔好笑又唔識講爛gag
上forum只為吹水唔好同我認真

私人傳訊

Bman

大宅

積分: 1672

好媽媽勳章醒目開學勳章

36^#

發表於 11-2-22 16:08 |只看該作者

不過樓主, 我聽過一個故事, 唔記得邊度聽返唻, 有個女就係結婚為左禮金問題同阿媽反晒面! 點知到個女同女婿鬧離婚, 佢媽就將當日筆禮金拎返出唻, 扣起買金器d錢, 話佢想個女矜貴d同埋他日有咩事, 有個錢做不時之需! 個女收返筆錢喊左好耐!

其實你媽都有可能愛錫你, 想你嫁得體面風光, 怕你為左慳, 金器都唔多件出門! 兩母女照實同佢商量, 睇下點情況再打算啦!

講野唔好笑又唔識講爛gag
上forum只為吹水唔好同我認真

私人傳訊