有日放工繁忙時間搭地鐵, 有個菲傭帶住兩個小學生, 其中一個較高大, 另一個似係得小一或小二, 菲傭一個孭晒兩個書包, 兩個男仔就係咁打交, 仲差d撞到我菲傭都無理, 直到聽到廣播話有車, 個菲傭先叫佢地唔好打排好隊, 兩個細路原本企後面, 聽到就一個箭步攝左去第一個位, 佢自己無攝一個人企後面, 人又多兩個細路已經上左車, 工人就好辛苦差d逼唔到, 係咁叫人唔該借借, 其他人可能都見到, 好心讓佢上!
上到車, 佢都一樣同個少主隔左好多個身位, 又無叫人讓開過去睇住佢地, 第一個站開門, 細仔跳左出去, 我以為佢地要落車, 想讓開條路, 點知佢又跳返入車, 佢哥哥仲話, 你死喇, 我話畀媽知, 今晚唔畀雪糕你食, 然後兩個小朋友逼到死又打起上唻, 個細仔依然個個站跳出跳入..... 去到第4個站佢地就落車, 我見隔離個女人開始變臉, 再唔落車真係會鬧佢地.....
唉... 大家講得無錯, 又唔係自己個仔... 旨意佢地... 求神拜佛保平安好過!!
講野唔好笑又唔識講爛gag
上forum只為吹水唔好同我認真