前日去廣華醫院, 有個大肚婆排隊預約生仔, 職員問佢係香港人定大陸人, 佢之前係咁同佢媽講鄉下話, 但係原來佢係香港人, 職員問佢要住址證明, 佢話無, 職員話一定要交住址證明, 佢話佢老公係大陸人, 兩公婆都唔響香港住所以交唔到證明, 職員話無證明唔可以預約, 佢就發晒脾氣話佢諗住臨生前去朋友旺角屋企住, 所以要響廣華生! 職員話你無證明我唔可以幫你預約, 個女人竟然問人係咪逼佢唔預約, 生得先直接入院! 職員話我無逼你, 呢D係規矩, 所有人都要證明, 要指定區域住先可以登記預約! 跟住個大肚婆鬼咁激動, 係咁問個職員, 咁你話啦, 我拎住香港身份證有咩用! 職員點解釋佢都唔聽, 然後話登記左先, 後補證明, 職員話如果後補要3日內, 一日收唔到證明都唔會畀期佢產檢, 個女人係咁大大聲話人地逼佢, 重覆又重覆咁問, 我拎住香港身份證有咩用?
其實"香港人"質素越來越參差, 但係... 其實所謂"香港人"... 實情係咪大陸化左... 見到D 80/90後搭地鐵爭位攝位唔讓位, 其實教佢果個係香港人定"香港人"? 依家好似硬食自己都係無文化果一群!!
實情... 我都好想知拎住香港身份證有咩用!! 我有香港出世紙添呀, 但係好似只有交稅係必然福利咁..... 5月呀, 又要填報稅表喇... 真係把鬼火想燒左佢!
講野唔好笑又唔識講爛gag
上forum只為吹水唔好同我認真