本帖最後由 rose-mag 於 11-9-20 10:28 編輯
big007 發表於 11-9-20 05:01
rose-mag,
咁一煲青豆湯係咪要用好多青豆?
都唔算好多,睇你想有幾杰幾濃,但呢類西湯都係比較杰。
我會用個細Saucepan,落三份一煲豆,加水煮淋先,然後浸一浸冷水去衣,
煮熟咗好易甩,其實唔去都no problem,係口感冇咁滑。冇錯,攪拌機係Blender,
加少少水打爛打到變蓉就得,想冇咁杰就加多D水或奶。加薑係可以架,
有人會加胡椒、肉桂cinnamon、rosemary、薄荷或其他香料。
南瓜隻隻都食得架,不過細隻或者個樣怪D嘅多數都用嚟做萬聖節裝飾,
最普遍食果隻係圓圓扁扁橙色果隻,即係用嚟批南瓜燈果隻。你可以切開去籽蒸熟,
之後切細粒再放入攪拌機打爛,我有時都用南瓜泥整意大利雲吞架,
南瓜調味落鹽之外,好多人會落少少肉桂。不過調味都係隨你口味,
我俾我對仔女食嘅只係最基本,越少調味越好。
花旗太太生活在花旗國,留意時差,你問我未必即時答到。