本帖最後由 rose-mag 於 11-9-20 12:44 編輯
big007 發表於 11-9-20 12:18
rose-mag, 你好犀利呀!我諗我應該開個整嘢食嘅 topic,向各位媽媽學吓嘢呀!
係咩,飲Smoothie會肥吔咩 ...
如果你用全脂奶一定肥,因為以前未移民前嚟探我媽,佢日日整一杯我嘆,足足肥咗5磅返去。當然食嘢都係講平衡,而家年紀大咗會驚肥(已經幾肥吓)驚糖尿(因為家族中有),又驚對仔女會太肥,美國呢邊痴肥小孩太多,華人小孩一般都養到肥肥白白。
Smoothie加奶係基本架,香蕉可以唔加,加咗會杰D好味D,但只有berries加奶都冇問題架,其實整嘢食都係各人有各人喜好,冇一定一條公式,我都係試吓試吓架。而家我返我媽屋企食,煮飯機會少咗好多,以前日日都煮,悶就試第二樣,好多西式嘢我都係睇書學。
你識整紅豆沙,實識綠豆沙啦,我都有成日整蕃薯糖水,我好多時係用三種唔同蕃薯一觸即發煲;另外椰汁西米粟米露, 雪耳冰糖木瓜都好易整,清補涼都可以煲甜嘅,仲有茅根竹蔗紅蘿蔔,五花茶(其實都唔算係糖水);呢排整咗心太軟、燉蛋白同砵仔糕,係甜品,唔係糖水。
花旗太太生活在花旗國,留意時差,你問我未必即時答到。