如果真係冇親戚可以收留,Homestay都係一個辦法,但另外有D細節你都要考慮:
1)學校近唔近Homestay?交通點解決?步行?巴士?校車?carpool?
2)仔仔獨唔獨立?再自己照顧自己,又要適應環境,同homestay相處,有事要自己make decision。
3)如果你搵homestay,就唔一定要搵私立學校,可以報公立都得,拎住綠卡讀公立唔駛錢,但課後班同興趣班等就要額外俾錢。
4)學校要每個學生有監護人聯絡人,即係有事要通知家長就有個contact,例如小朋友病咗或喺學校受傷或犯事,老師要有個聯絡人可以通知,有時監護人要即時去學校接走小朋友,而且每年有parent teacher conference,公校係最少兩次,你有冇人可以做仔仔監護人?每年開學學校都要有小朋友針紙,要有打針紀錄,即係有人要帶仔仔去醫生度做檢查。
我自己小朋友比較細,暫時都要好involve學校活動,例如volunteer咁,去到中學應該就可以少D參與,不過呢邊學校好鼓勵家長參與學校活動,對小朋友喺學校學習有幫助,不過因為工作做唔到都冇辦法啦。
花旗太太生活在花旗國,留意時差,你問我未必即時答到。