吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 求教3歲小朋友方法

少年成長今日: 3|主題: 15861

收藏本版

發帖

返回列表

跳至頁

查看: 1079 | 回覆: 9

求教3歲小朋友方法 [複製鏈接]

saisaiwin321

別墅

積分: 688

1^#

發表於 14-4-26 03:59 |只看該作者 |倒序瀏覽 |打印

有幾個問題：
1.阿仔三歲，食飯時好唔專心，總係含住飯，或都食得好慢，要提要話先會咀嚼，有咩方法改善？
2.阿仔仲好痴我瞓，每晚要我哄瞓，半夜紮醒又搵我，唔見我就喊，老公成日話佢裙腳仔，可以點慢慢訓練佢自己瞓呢？
3. 試過一次我地困阿仔喺房，唔夠幾秒佢喺房內四圍掉野，掉燈，枕頭，鬧鐘，總之佢拎得起都掉，老公話過佢，佢當時話明同下次唔敢，之後老公試第二次困住睇下會唔會掉野，結果都係掉，仲可以大力到裝滿衫嘅大袋都搬得到，結果老公又打又鬧，今晚因阿仔發脾氣我罰佢企，老公就叫我同佢一齊入房再關門，阿仔又掉野，仲vv喺房門，最後老公邊話邊打，老公話佢明知錯但都照做，但我覺得依個行為，好似本能反應咁，開唔到門而掟野想掟爛度門走出去咁，其實解唔解釋到點解阿仔一關門就掉野？我覺得依個其實唔係一個發脾氣反應，咁係咩？我都想搵多啲資料俾我老公睇下

0 0 0

私人傳訊

worm_store

大宅

積分: 2074

2^#

發表於 14-4-26 07:35 |只看該作者

就算幾多歲，除非佢自願入房，唔係既話任何人被人困入房出唔到都會產生恐懼，佢只有3歲，有好多野唔識表達，以為佢發脾氣掉野，其實佢可能只係驚而表現出黎既行為。好多事情都有正反2面，佢痴你因為你願意放好多心機落佢度，佢感受到你既愛，佢覺得你值得依靠，有安全感，一個出左世只有3年既人仔，仍然好需要受保護，佢痴住你因為佢需要安全感，你地對佢有所改變，佢大左明白更多就會好少少，如果佢係好痴身既，可以到佢升上小學先開始訓練佢自己瞓，但最好唔好一刀切，一星期比返1晚佢可以同你瞓。

私人傳訊

worm_store

大宅

積分: 2074

3^#

發表於 14-4-26 07:40 |只看該作者

食飯個度，如果佢冇食零食都係咁樣，中醫角度話佢食滯左，脾胃差就會唔開胃，你可以試下由呢方面著手，睇下會唔會好d
同埋3歲半夜仲會醒，佢既睡眠質素都唔好，我諗你搞好佢胃口同時可以搞好埋佢一覺瞓天光

私人傳訊

yankaka

子爵府

積分: 12620

4^#

發表於 14-4-26 12:06 |只看該作者

saisaiwin321 發表於 14-4-26 03:59
有幾個問題：
1.阿仔三歲，食飯時好唔專心，總係含住飯，或都食得好慢，要提要話先會咀嚼，有咩方法改善？
...

1) 我估你食飯應該已經唔開電視嗰隻, 若佢仲係含飯, 不如試吓將飯整成小飯團用碟仔裝, bit size咁, 等佢知到自己仲有幾多就食哂, 有推動力食! 我大囝而家食飯都會呆咗, 因為望住電視(冇法...其他人要睇), 咁唯有提一提佢食啦, 若再話唔食, 就規定食多幾多啖可以停, 佢會自己數住, 咁點都好過食淨大半嘛!

2) 瞓覺方面我估你係有獨立房比囝囝, 我囝都係3歲半左右有自己房, 初時佢都經常走過嚟, 試過一晚醒超過5次以上, 我做法都係拖佢返自己房要佢上床, 同佢蓋好被講good night再瞓, 如是者都捱咗有兩星期佢就冇咩走過嚟! 至於哄睡方面, 你可以瞓前以故事時間做代替, 講咗故事, good night關燈, 我會陪佢幾分鐘, 講吓今日的事, 跟住就出番房架啦, 若再唔得我再send 個crying control program教瞓覺的方法比你!

3) 至於困喺房個問題, 應該係罰time out吧?! 3歲其實未至於要去到用房, 用naughty corner已可以, 我家大門口位置就是naughty corner, 我大囝已6歲, 我都冇用naughty room, 因為外國地方大, 佢地可以有多D房咁用, 香港寸金尺土...用naughty corner已足夠, 3歲其實最多罰3分鐘已夠, 方法有3步曲, (一)先帶佢去naughty corner同佢講:你而家做錯咗, 要罰停3分鐘 (二)要佢面向牆企/坐3分鐘<可用計時器倒數>(三) 夠鐘後要佢過番你身邊, 問佢冷靜咗未, 再講番剛才錯的是甚麼事, 要怎樣做才正確! 講好數件事就完咗, 摟一摟他就唔好再提!

你想找資料比你老公睇, 可以search吓supernanny, 我之前喺home & health台睇好多教仔良方, 超好用! 希望幫到你!
http://www.supernanny.co.uk/

私人傳訊

saisaiwin321

別墅

積分: 688

5^#

發表於 14-4-27 06:18 |只看該作者

回覆：求教3歲小朋友方法

唔該哂你地

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

6^#

發表於 14-4-27 08:20 |只看該作者

saisaiwin321 發表於 14-4-26 03:59
有幾個問題：
1.阿仔三歲，食飯時好唔專心，總係含住飯，或都食得好慢，要提要話先會咀嚼，有咩方法改善？
...

1. 夠鐘就收台, 唔食就下一餐. 食得好, 或至少有儘力去食, 咁咪有得獎.

2. 半夜扎醒, 可能係日頭食得唔好, 或者食唔夠飽. 你老公話佢係裙腳仔, 有冇當面話過佢?

3. 我睇左你既舊post, 個人覺得佢似係attention seeking, 我唔知你個仔知唔知佢既家庭發生左咁多事, 假設佢唔知你老公係後父, 亦唔知你地一家會移民(咁就見唔到佢親生阿爸), 咁最大原因好可能因為係你女女出世而呷醋. 站在佢立場上睇, 佢唔開心咪掉野, 俾人打都在所不計, 總之佢得到你地注意, 佢既目的已經達到. 咁平時佢做得好就讚, 唔好就罰, 仲有俾多d 機會俾佢做小幫手去照顧妹妹.
如果佢知道以上幾樣家庭巨變, 恕我俾唔到建議, 我覺得你地不如儘快搵健康院姑娘或專業人士傾, 睇下可以點樣安撫佢既情緒.

私人傳訊

saisaiwin321

別墅

積分: 688

7^#

發表於 14-4-27 12:27 |只看該作者

回覆：bosch 的帖子

我老公係當面話佢架，佢係比較惡死，咩都大聲喝左先，我有話過佢咁樣會傷小朋友自尊心，但佢話唔覺小朋友有自尊心。
我個仔唔知屋企咁，即使佢見親生爸爸都唔知佢身份。佢本身對妹妹都好錫，有幫我照顧，當然有時佢想我陪時我分唔到心時會唔開心。

私人傳訊

Sbaby

大宅

積分: 3355

8^#

發表於 14-5-13 21:20 |只看該作者

我個人唔同意咁細個就關燈困入房呢個做法。佢太驚你只會更發脾氣。用呢個方法去停止佢發脾氣只有反效果,就係發更大脾氣掉野或過份產生驚怕。另外你老公又打又發脾氣,小朋友只會唔順氣,亦唔會真心改。你要改變你小朋友,我覺得先要改變你地嘅方法,我反而好喜歡我個仔痴我,男仔痴得幾多年,第日你想拖住佢出街都難。
三歲仲好細,慢慢用方法講服佢。佢等日都會變得明事理d.

私人傳訊

kiubaby

大宅

積分: 3985

9^#

發表於 14-5-14 14:43 |只看該作者

回覆：求教3歲小朋友方法

你講既情況同我個女一模一樣，我個女三歲半，naughty chair實在好難執行，因為我個女性格係唔肯認輸，每次我罰佢佢都死拉住我唔放，根本罰唔到，無計可施我先罰佢入房，罰親佢都會賴尿，大家可以教下我點做嗎？

私人傳訊

beebabybee

大宅

積分: 1144

10^#

發表於 14-5-15 11:21 |只看該作者

回覆：求教3歲小朋友方法

我覺得小朋友扭計，一係令佢冷靜，一係罰。
設個冷靜區，大家視線範圍見到對方嘅，我囝開頭唔肯企係冷靜區，我就拎張櫈比佢坐係果到，比埋佢最鍾意嘅bear bear熊陪佢，但就唔理佢，等佢冷靜咗先（佢嬲爆爆咁坐係到）
罰，唔係要令佢恐懼，而係要抽起佢嘅福利，例如今日會無得食xx, 玩xx，睇xx卡通
有罰就要有讚，做咗好事固然要讚，重點係無做壞事都要讚。例如，佢好鍾意無啦啦大叫，咁佢半個鐘都無叫過，咪去讚佢好乖，半個鐘都無大叫，慢慢就9個字、1個鐘…讚1次，可以再加媽咪好開心呀，唔嗌就乖，係咪好易，bb比人讚乖係咪都好開心……加強讚嘅作用，直至佢戒除惡習

私人傳訊

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 3|主題: 15861

回覆：求教3歲小朋友方法

回覆：bosch 的帖子

回覆：求教3歲小朋友方法

回覆：求教3歲小朋友方法

少年成長今日: 3|主題: 15861