而家有3個問題
1. 你62欠人30萬, 無力償還, 你估計應該係你老公揹上身
2. 你99過期居留, 你擔心若佢被人拉左返去, 幾年都唔落得黎, 萬一其間你須要佢幫你湊女, 都冇人可以幫手
3. 你擔心婆媳問題
唔知仲有冇呢?
解決方法:
1. 呢30萬走唔甩架啦! 你老公係獨子嗎? 如果係, 更加冇走雞, 死左條心吧啦!
不過如果係我, 我會咁諗, 如果我有辦法搵到果30萬, 我會比出黎, 但會要求62將大陸層樓(例如2樓, 或價值差不多既樓)轉名, 若62能夠還錢固之然好, 還唔到都仲有D渣拿~ 而且學其他媽媽話齋, 他日62百年之後, D物業都係留返比你地架啦(如果只得你老公一個子女)
因為我覺得, 我地仲後生, 之後捱下好快就會搵返D錢, 但62年紀都大, 要佢再捱多十幾年搵果幾十萬, 好難, 而且我信你老公係孝子, 一定唔會睇住老豆咁辛苦, 到時咪盞嗌交......
如果真係冇辦法搵到果30萬既, 可唔可以同果家人協商下, 每個月還3千蚊, 一年就3萬6, 8年幾就還晒啦!
我知而家係會辛苦D, 不過我估你囡囡都仲好細個, 到8年後都仲係讀小學姐,應該唔會洗太多錢, 仲可以既~
既然你諗住同你老公一齊, 有好多野, 真係無辦法......
有時掉返轉諗, 如果你屋企有事, 你又如何?
2. 咁其實過期居留, 如果被人拉到, 都只不過係過一過堂, 認個罪, 有時罰錢有時緩刑, 之後返去可以再搞證件落黎, 不過可能要等耐少少(例如之前冇事既時候搞落黎, 只係2星期就搞掂的話, 今次可能就要個幾月, 仲要塞少少錢咁囉)
因為我老公個細佬個老婆又係大陸人, 果時落黎香港生仔, 又係過期居留, 坐完月之後做以上手續, 好快又落得返黎~
呢段時間如果有須要, 睇下可唔可以搵自己屋企人睇住先囉~
3. 婆媳問題, 真係我自己都深受其苦, 呢個係死結, 冇得解! 有D姊妹唔想忍99, 咪吵大鑊之後老死不相往來, 好似我99憎到佢99死, 大時大節都唔會去探望下, 麻麻想見下D孫, 都要特登出黎去佢度, 仲要唔係次次都見到(因為99唔話比我地知, 搞到好多時都係麻麻走左先知道佢黎過)
有D姊妹唔想老公難做, 咪死忍囉, 好似我咁, 我唔想老公夾係中間, 咪唯有忍屎忍尿都要忍住囉!
仲有好多方法既, 睇下你想將來點樣架姐~ 但我可以話你聽, 同99相處, 真係一門學問, 仲可以練EQ添~~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!