各位mami,
今日Spencer玩得好開心,簡直唔捨得走,一路上佢攬住壘杯tokens唔放,又唔肯瞓,番到屋企爸爸同佢用Dtokens數one two three,直到媽咪要同佢去沖涼佢都唔肯收,結果係全日冇瞓午睡,夜晚上床已經太攰,扭咗成個鐘計先瞓着。Amanda就一上車就喊,以為佢太熱,開大隻窗都係喊,最後扭咗20分鐘瞓咗,一到屋企就叫奶奶,原來肚餓,媽咪餵完佢就同哥哥沖涼。Amanda今晚未夠9點就瞓咗啦。我而家兩邊膊頭同對手臂都好似唔係自己咁,我估係因為抱住囝囝俾佢入銀落個推銀仔機度,抱得太耐啩。
好開心今日見到Isaac.cheng, 傾咗咁耐终於見到面啦,Isaac真係好”肥美”呀,真係忍唔住想咬啖呀(講笑咋,真係唔捨得),佢真係好乖呀,個個EE都肯跟。Amanda 就唔係啦,真係痴身到死,今日就真係奇,佢居然肯俾幾個EE抱喎。
Joyspring2002,好高興認識你,不過我D國語唔爭氣,要用英文補充,希望你唔好介意啦,仲有我老公話唔好意思,你媽咪同佢講國語,佢一D都聽唔明,因為佢係土生土長ABC,只係識少少台山話,廣東話都係識一D,平日我主要同佢講英文。
Mrschao, 我唔得俾番錢你呀,你話俾我知幾多,我寄番俾你啦,我以為我老公俾咗你tim, 不過,我掛住同囝囝去玩,佢見到Dtickets同tokens真係好開心。
我老公話Chuck E Cheese係幾啱D細佬玩,但D位分開晒,大家都好難傾計,人一多就又嘈又熱,佢話下次不如去picnic喎,咁時間彈性D,又可以拎D波呀車仔呀,俾D小朋友玩耐D。奇實我老公都係一個大細佬,咁快就諗定下次啦
花旗太太生活在花旗國,留意時差,你問我未必即時答到。