吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 1-3歲› 歲半B發脾氣,攪攪震

1-3歲今日: 0|主題: 19380

收藏本版

發帖

返回列表

跳至頁

查看: 1936 | 回覆: 18

歲半B發脾氣,攪攪震 [複製鏈接]

cammykwong

男爵府

積分: 6005

1^#

發表於 15-6-6 09:49 |只看該作者 |倒序瀏覽 |打印

BB女歲半呀,成日發脾氣,要咩要咩要咩,佢要個樣野就一定要比,唔比佢佢就發脾氣唔食飯,把飯掉到一地都係,又要攪風扇,又要攪電制,又要玩門,(可能佢好奇咩都想知)
罵又試過,罰又試過,打又試過,佢好似唔知唔明以為我同佢玩咁

請教一下各位JMS,有何方法?

0 0 0

私人傳訊

myaisha0435

珍珠宮

積分: 47069

畀面勳章

2^#

發表於 15-6-6 10:06 |只看該作者

回覆：歲半B發脾氣,攪攪震

唔好彩佢，唔同佢玩

歲半一定明，仲識裝死

因為我個囡都係，唔怕打唔怕罵，

所以佢搞野我只會一次一次錦拉開佢同佢重覆講，好危險架，會整襯好痛架，會流血架..........(下刪1000字）

睇佢耐性好定我耐性好T_T

通過講幾次佢就發脾氣，由得佢喊

發脾氣係佢試你底線，一次冇用兩次冇用就唔會有第三次

私人傳訊

ananlove

男爵府

積分: 6913

3^#

發表於 15-6-6 10:33 |只看該作者

回覆：歲半B發脾氣,攪攪震

我做好安全措施就會任佢自由活 ! 將風扇包網等佢放唔到手指入，唔用的電制封左佢，用緊的拖版唔好外露！安全的環境比佢任玩，大人又唔洗成日呢樣唔比個樣唔好，壓力都小d!

而佢發皮氣我只會要求佢要做乜野，例如，食飯佢想玩具坐唔定，我只會重複講而家要坐低食飯，唔玩，坐低食飯，要明確！

私人傳訊

ronnieluk

大宅

積分: 3992

4^#

發表於 15-6-6 12:34 |只看該作者

忽略佢，唔理佢，好像上邊嘅媽咪講嘅咁，做好安全措施，由佢點就點。

唔食飯呢樣嘢最好搞喇，佢唔食？OK,呢餐到下壹餐嘅時間內，冇俾零食等任何食品俾佢食。下餐仲唔食，就冇得食喇。要佢自己認錯先至有得食喇。（我喺用呢條收拾我仔。果陣時佢都歲半咁，過後佢就乖乖食飯。）

發忟憎呢樣嘢，我仔果陣時仲喺要咩唔俾，即時撲曬地板度碌黎碌去。我即時行開，當睇佢唔到，該做咩就做咩。佢碌咗壹排覺得冇意思就冇碌喇。之後又碌咗兩次，壹樣當睇佢唔到。

之後就冇咁樣

私人傳訊

BIGPAT

珍珠宮

積分: 47707

5^#

發表於 15-6-6 13:32 |只看該作者

回覆：歲半B發脾氣,攪攪震

我囡一模一樣

私人傳訊

hoganbaby

公爵府

積分: 27460

6^#

發表於 15-6-6 13:45 |只看該作者

回覆：cammykwong 的帖子

咁電制果d，一定要放好，要睇好距，太危險喇

私人傳訊

劉芬尼

男爵府

積分: 6461

7^#

發表於 15-6-6 13:50 |只看該作者

儘量將危險嘅嘢放係BB接觸唔到嘅地方，例如容易打碎嘅嘢，藥品、清潔劑呢D要妥善保管，電源插孔要加安全塞。比起嬲同体罰大人堅定嘅拒絕先至係最有說服力嘅方法。

私人傳訊

beryllium

大宅

積分: 4232

美好大世界2017勳章認識瑞士牛牛第二回

8^#

發表於 15-6-6 17:53 |只看該作者

引用：BB女歲半呀,成日發脾氣,要咩要咩要咩,佢要

原帖由 cammykwong 於 15-06-06 發表
BB女歲半呀,成日發脾氣,要咩要咩要咩,佢要個樣野就一定要比,唔比佢佢就發脾氣唔食飯,把飯掉到一地都係,又要 ...

我個個打手手都係唔怕，要嬲唔理佢唔比佢掂咁。佢就喊到死。。。真係少d耐性都唔得

私人傳訊

六月之星

公爵府

積分: 27735

9^#

發表於 15-6-6 21:40 |只看該作者

引用：BB女歲半呀,成日發脾氣,要咩要咩要咩,佢要

原帖由 cammykwong 於 15-06-06 發表
BB女歲半呀,成日發脾氣,要咩要咩要咩,佢要個樣野就一定要比,唔比佢佢就發脾氣唔食飯,把飯掉到一地都係,又要 ...

哩嗰時期就會係有自我意識…所以家長一定要多注意教育佢唔可以俾佢亂既

私人傳訊

Potato001

子爵府

積分: 14819

10^#

發表於 15-6-7 07:04 |只看該作者

回覆：cammykwong 的帖子

我女都好手多，但我只用了電掣蓋。風扇佢一向少搞，我買咗個風扇網反而引起咗佢興趣，成日搞，所以拆咗，但有同佢講唔好放手入去，會痛。

電掣佢會搞開關掣，所以平日開關燈我會叫佢做，玩燈掣玩得多，滿足了好奇心之後就唔會玩。

門果啲我用C型的東西頂住唔會關到門，但佢歲幾時最鍾意開櫃桶和玩衣櫃趟門，櫃桶我用晒櫃桶鎖，留番一格最矮放小朋友玩得的東西，俾佢自己開。櫃桶冇夾過，但趟門試過，每次佢玩我都望住，叫佢小心啲望下隻手喺邊，佢好少夾到，但試過一星期夾到兩次，有次有少少甩皮和痛，從此冇再玩趟門。

門佢間中玩，我提佢小心腳趾，要望下自己隻手喺邊。有時佢會研究門鉸，我叫佢放隻手入去，然後我慢慢關門，話佢聽夾到會好痛，佢見就快夾到就縮手，試咗兩次左右冇再搞。

佢兩歲幾夠高掂到門柄就成日開門關門，我教佢手要放門柄，不要放門或門框，用門鉸方法教佢夾到會痛。手冇試過夾到，但有時拉門太心急會撞到腳趾。佢兩歲八九個用仲識埋扭門鎖，我教佢唔可以自己一個喺房鎖門，如果唔到會好驚(其實在外面用鎖匙/硬幣開到)。

我會在安全的情況下滿足小朋友的好奇心，好奇心滿足咗就唔會再搞啲危險野。

私人傳訊

我要做媽媽

珍珠宮

積分: 47558

BB防敏心得分享勳章

11^#

發表於 15-6-7 07:35 |只看該作者

如果系我仔仔，我一係就唔理佢，如果佢要攪風扇之類我就會打佢手仔，有時候一定要俾佢惡，小朋友真喺縱不得

私人傳訊

hoganbaby

公爵府

積分: 27460

12^#

發表於 15-6-7 09:57 |只看該作者

回覆：beryllium 的帖子

主要距活動嘅範圍注意安全隱患，咁就放心俾距玩

私人傳訊

9830didididi

大宅

積分: 3498

13^#

發表於 15-6-7 11:25 |只看該作者

回覆 cammykwong 的帖子

BB好奇就會有如此反應。不用罵BB的，攪到大家面阻阻就唔好啦。好奇是好事，應該順著BB，與BB一起玩，最近我學會了''順藤摸瓜''法，假設BB想玩門，就與BB一起玩門，有時我會扮俾度門夾到手指叫痛，狀甚痛苦，BB會驚驚，隨後，我就會把BB的手仔放在門縫隙，假裝想夾BB的手，BB自然知驚，懂得拼命縮手仔，表情會變得緊張，這樣做目的就是要孩子知道，這度門玩不過，很危險的，不過，BB是不會向你發脾氣的，因為BB對你有信心，知道你不會傷害他，玩多幾次，BB以後見到度門，自會小心的了。不妨一試。我有時見到BB攪火，我會照版同BB一起''玩火''的，你會見到，聰明的BB，是會知道不應該把自己的手仔放入火爈內的了。我們也要注意家居安全，BB在安全環境下玩，是可以的，我們做大人的，一定要陪伴BB一起玩，不能掉以輕心的。

私人傳訊