吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99我已經比你應得既更尊重你，請你也尊重我 ...

婆媳關係今日: 1|主題: 27702

收藏本版

發帖

返回列表

跳至頁

查看: 1853 | 回覆: 12

99我已經比你應得既更尊重你，請你也尊重我 [複製鏈接]

小蘅媽媽

伯爵府

積分: 18265

好媽媽勳章

1^#

發表於 08-9-7 18:15 |只看該作者 |倒序瀏覽 |打印

唔知大家有冇遇過一D自己唔識野都算，重要指指點點講廢話既人？

例如我個同事就係。有次我響洗手間發現心口甩左粒鈕，正想用殘餘既線頭綁返粒鈕頂住先，我個同事見到居然好有興趣咁一邊睇一邊囉囉嗦嗦咁話，有針線就好囉，有針線咪可縫番啦。亞姐，你當我係白癡呀，我夠知有針線就好啦。係心口粒鈕呀，點行出去攞針線呀，你又唔幫我攞，重響度講埋D廢話。我一邊好狼狽咁整粒鈕，一邊死忍叫自己唔好鬧番佢。好在後來有另一個同事入來，見我咁狼狽，幫我搵到針線，先可以搞番好件事。

我99，好不幸，就係我同事果種人。平日囉囉嗦嗦講廢話都算，我都忍到，因為佢始終係老公既亞媽，我都叫自己俾番D尊重佢，否則以我呢種最憎人以為大家都係白癡既性格一早鬧番佢。但係有一件事最難忍就係佢次次見面都反反覆覆咁話我個女唔食飯，話食多點飯快高長大。我夠知食多D啦(唔單止飯呀99，還有肉、生果、蔬菜、鮮奶...食物金字塔聽過嗎。淨食飯唔係快高長大，係變飯桶)。我個女其實已經係大碼，同埋有小朋友既人都知道，小朋友食幾多，係冇得逼既，生長情況亦唔一定係因為飲食。我已經次次聽到呢D說話都冇反應冇表情，正常人得到呢種反應都知講錯野啦，但我個99唔單止唔收聲，最近還變本加厲，攞我D小朋友同人地比，重係當住我D小朋友既面話佢地。我好想問番佢，你係咪覺得我湊得唔好？你係咪會幫手？99你來我屋企食咁多次飯，除左買D冇人食既生果叫工人拎上來，有冇幫過我兩個小朋友沖過一次涼，換過一次片，煮過一碗粥，餵過一啖飯？你知我D小朋友平日食咩？食幾多？幾時食？你知唔知我個女喜歡食有湯既野，我個仔喜歡乾撈？你知唔知佢地唔中意食甜野，食飯要送紫菜和蒸肉餅？你知唔知佢地食菜只食葉，食提子唔食皮？你三番四次毫無事實根據咁質疑我湊小朋友既方法，你根本冇心尊重過我這個媽咪，係咪？你當我係白癡呀？我讀書多過你食飯呀99。

講完舒服曬。

[ 本文章最後由小蘅媽媽於 08-9-7 18:17 編輯 ]

0 0 0

私人傳訊

三陪小雞

複式洋房

積分: 117

2^#

發表於 08-9-8 06:15 |只看該作者

我鐘意你最後果句：「我讀書多過你食飯呀！」

私人傳訊

Smallpigbb

大宅

積分: 3406

3^#

發表於 08-9-8 09:25 |只看該作者

我個99都係o甘o家，睇完你o既一段話我覺得有人陪我囉，我用返工係Part time媽媽，有請姐姐，但我返工時都會叫99嚟幫忙，唔好話煲粥同喂飯，因為佢根本都唔識，我只不過想佢嚟睇住o下姐姐，點知就搞到亞女友壞習慣，就係佢一路抱住個女一路行嚟領亞女入睡，又話我教個工人煲粥唔落調味唔得，我心想，你自己倆個都唔係你湊大o既（因為老公同姑仔係婆婆湊大，99以前要返工），大人食o既飯都煮唔好你唔好教我點湊，我雖然年紀細過佢好多，但我就幫我亞媽手湊大自己倆個細佬妹仲有我倆個表妹（最初仲要係無工人），我雖然識湊但學你o甘講始終都過時，我就買咗D育嬰書同去醫院、護協到上過堂，有時佢又無端端問翻我點湊，原來係o甘呀，我心想你唔係好叻o家咩。

唯一一樣o野我覺得好o既，就係老公都支持我唔信我99 o個套，因為可能真係亞婆湊大，所以佢同99感情唔係特別好，但又唔會好差，所以我有咩投訴佢會幫我搞掂。

私人傳訊

BigPink

大宅

積分: 1346

4^#

發表於 08-9-8 12:03 |只看該作者

點解個個奶奶都係架??唔通佢地同一個媽生??
我隻印尼奶奶都係咁,有好多野..佢係唔知..
成日以為自己生過幾件就乜都識..
大佬呀,我係BB媽咪,我唔會害BB,唉..

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

5^#

發表於 08-9-8 12:59 |只看該作者

晒氣啦~d 99根本都唔會尊重人,更何況對佢地黎講我地只係外人!
如果99都會識尊重下我地d新抱,我地就唔會成日都上黎呢度呻!

佢當我外人,我都一樣當佢係外人,所以我唔會尊重佢!

私人傳訊

happybady

別墅

積分: 838

6^#

發表於 08-9-8 13:15 |只看該作者

【我好想問番佢，你係咪覺得我湊得唔好？你係咪會幫手？99你來我屋企食咁多次飯，除左買D冇人食既生果叫工人拎上來，有冇幫過我兩個小朋友沖過一次涼，換過一次片，煮過一碗粥，餵過一啖飯？】

你講哂我既心聲呀!

我隻99又係咁,我個女剛7個月大咋,成日話我比唔飽佢食,見親個孫就問我有冇煲果樣煲那樣,我今日頂住度氣終於出聲頂番佢

心諗你唔幫手淨係得把口,你想我點呀!

私人傳訊

catherineleungg

男爵府

積分: 5876

7^#

發表於 08-9-8 13:26 |只看該作者

原文章由晞玥於 08-9-8 12:59 發表
晒氣啦~d 99根本都唔會尊重人,更何況對佢地黎講我地只係外人!
如果99都會識尊重下我地d新抱,我地就唔會成日都上黎呢度呻!
佢當我外人,我都一樣當佢係外人,所以我唔會尊重佢! ...

講得好啱, 所以我一見到我99, 我多數都係黑面對佢, 因為我見到佢前面憎佢後面, 見佢後面憎佢前面, 總之佢係黑人憎到爆.

私人傳訊

小蘅媽媽

伯爵府

積分: 18265

好媽媽勳章

8^#

發表於 08-9-9 08:55 |只看該作者

我最最惱怒既係99咩都冇做得把口都算，當人白癡既態度最討厭。本來我見佢一把年紀，心想算啦我有家教唔會同佢理論，點知佢得寸進尺，見我唔出聲就當我傻既。傻既重可以月賺幾萬兼買大屋？唔好玩啦，99你有冇聽過狗眼看人低呢句野？你估我同你地屋企人一樣得把口知一講十咁膚淺咩？講野要經大腦，明唔明？

:;pppp:

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

9^#

發表於 08-9-9 09:00 |只看該作者

原文章由 小蘅媽媽 於 08-9-9 08:55 AM 發表
我最最惱怒既係99咩都冇做得把口都算，當人白癡既態度最討厭。本來我見佢一把年紀，心想算啦我有家教唔會同佢理論，點知佢得寸進尺，見我唔出聲就當我傻既。傻既重可以月賺幾萬兼買大屋？唔好玩啦，99你有冇聽過狗眼看人低呢句野 ...

99根本就係一隻冇腦既生物..........

私人傳訊

阿jo

禁止發言

積分: 959

10^#

發表於 08-9-9 10:30 |只看該作者

提示: 作者被禁止或刪除內容自動屏蔽

私人傳訊

Littlemeimei

複式洋房

積分: 261

11^#

發表於 08-9-9 11:45 |只看該作者

我99都很畸型的！每次佢鬧完人就當冇事發生。佢同你講嘢你冇乜反應就背後話你衰！大佬呀，比你無端端鬧同你friend，有冇可能呀！我已經好大方啦，鬧完交仲返去食飯兼有叫佢，仲想點呀！講真，心中無刺就假。因每人要求都唔同，看法亦不同我，我只係做好我份工(新抱)，99滿意與否，我都無辦法。只要係好老婆、好媽媽就ok。

私人傳訊

小蘅媽媽