3歲或以上 今日: 0|主題: 8583

Hi WHCS ，黑頭主要因為皮膚毛孔堵塞，與空氣中的塵埃接觸引起，媽媽試下教囝囝先用橄欖油/凡士林敷下鼻翼位置，然後才洗臉睇下有冇幫助。媽媽選擇性質溫和，成份天然不含化學防曬劑，專俾小朋友用嘅防曬乳，根據囝囝當日嘅活動塗上相應SPF度數嘅產品，日常生活SPF15已足夠，進行戶外活動如游水就需要SPF 30或以上，第一次用時媽媽可以係小朋友手部搽少少防曬乳測試佢有冇敏感反應，出門前半小時預先使用防曬產品 , 亦要每隔兩三個鐘幫小朋友補塗，陽光猛烈嘅情況下要幫佢戴闊邊帽同太陽眼鏡呀。