爸爸專區今日: 0|主題: 16362

收藏本版

發帖

返回列表

跳至頁

查看: 944 | 回覆: 0

P牌 Pa Pa : Ellie爸 (Sam) [複製鏈接]

小余太

別墅

積分: 569

1^#

發表於 09-5-22 16:22 |只看該作者 |倒序瀏覽 |打印

Pa Pa的名字 : Sam Yu (Ellie爸)
Pa Pa的資歷 : 13個月

Ellie爸,
自從確定有左Ellie囡, 每次既產檢你都必定請假陪同出席。仲記得有一次, 大約18weeks左右, 我個肚突然好痛, 而你就好擔心, 即刻陪我搭的士去醫院。o個晚你要番夜班, 所以你希望我可以留院一晚, 好讓護士照顧我。整晚我都訓得唔好, 你就成晚mms比我, 擔心我會悶, 擔心我訓唔好, 擔心我會害怕...第二日一放工, 你就即刻過黎探我, 我睇得出你真係好擔心我同囡囡呢~

仲記得我23歲生日晚飯嗎? 我相信你同我永遠都唔會忘記~食完飯番到屋企, 正準備訓覺時, 我就穿水了..."死喇! 胎水唔清!"我大叫, 隨即我就衝去廁所洗澡, 你就一路拾好行李, 一路用說話安撫我~

到達醫院, 大家都好緊張, 去到分流站, 護士確實了我胎水唔清, 需要直入產房催生。你o係門口看到通告: "因為人數太多, 所以暫時未能提供陪產", 當時你既心一定好急, 而且好唔開心, 因為你都想見證到囡囡出世呀。

上帝真係好愛我地一家人, "你係xxx既丈夫嗎? 如果你地早幾個鐘黎, 你就唔可以入產房, 因為太多人喇。好啦! 而家你入黎換保護衣入去陪你太太啦!" 你即時覺得呢位護士就好似天使一樣, 令你夢想成真呢~整個產程有你o係身邊支持, 幾痛我都要撐落去。經過14小時既痛楚, 你見證住我地既Ellie囡出世了~^^~

Ellie囡因為經過產道時感染左B型鏈球菌, 所以要o係醫院多住7日。而我就因為恥骨問題, 整整成個多月都仲未行到, 所以每天去醫院送奶俾Ellie都交由你去負責。回到家又要幫我呢個行動不便既人洗澡, 呢段時間真係苦了你...

以後既日子, 你就正正式式成為一個湊仔公喇。你唔喜歡屋企多個外傭, 所以你堅決朝九晚六請香港姨姨照顧囡囡, 放工後就自己照顧, 就算半夜囡囡擰計, 你都照單全收, 即使你明日一早要起來打點一切才去上班。
從前你可以放工回到家, 睇電影、上網、打機、睇車書, 而家就洗奶樽、餵奶、換片、沖涼、手洗衫、陪囡囡睇書...對於一個自細有媽媽照顧周到既獨生子, 你真係為左我同囡囡改變左唔少。

Ellie爸, 多謝你! 父親節快樂~

P牌 Ma Ma : Ellie媽及Ellie囡敬上