吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 有無人可以教下我呢個新手爸爸點做好？ ...

婆媳關係今日: 0|主題: 27701

收藏本版

發帖

返回列表

跳至頁

樓主: Edwardcase

1 2 3 45

積分: 8548

81^#

發表於 20-11-24 15:14 |只看該作者

其實你老婆話搬走，你哋已經成全左佢啦，而家仲話要個99過去你地屋企湊仔，得一想二，我覺得有D自私囉！
樓主你一係開頭辛苦D自己日日湊出湊入你呀媽度先，如果你同你老婆感情好，應該會心痛你，幫你分擔下掛？
又或者好命D，你呀媽睇唔過眼，過嚟幫你手，但大前提先順左湊D果個條氣先！你呀媽開聲好地地，你迫佢，分分鐘唔幫你湊，你仲大鑊！同老婆傾下情況啦！

點評

Charsss

發表於 20-12-8 18:04

私人傳訊

shelliemaymayma

大宅

積分: 2525

82^#

發表於 20-11-26 19:22 |只看該作者

唉，講真計唔掂數請工人同搬出去住，當初點解要生呢？如果你媽唔肯走黎走去都只有你地接送，都只有呢個方法，無論你老婆願意與否

私人傳訊

manman_1110

複式洋房

積分: 338

83^#

發表於 20-11-27 03:38 |只看該作者

Edwardcase 發表於 20-11-22 11:53
因為樓下同自已裝修關係，由bb出世我地就搬黎同父母一齊住. 一住就住左差不多一年. 小嘈就唔太多，因為大家 ...

勸你唔好再生！兩公婆都有工返都請唔到工人揍仔！有吖嫲幫手都搞到咁麻煩！
Bb 都一歲，可以去搵有託兒服務嘅幼兒院，去搵下社工，唔好再難為嫲嫲啦！
你仲要話有情緒問題，社工一定樂意幫你

私人傳訊

Wongbuddy

子爵府

積分: 11097

84^#

發表於 20-11-28 01:09 |只看該作者

回覆 Edwardcase 的帖子

當你老婆話你媽只顧自己舒服時你有咩感受? 咁樣話一個老人家我地局外人聽落都覺得好涼薄! 疫情下仲要個老人家早出晚歸? 唔係好合理! 而且真係唔係個個老人家都願意湊b架有啲講到明唔好指意佢地湊你媽肯湊已經好好
我個年代咸豐年前我剛出世時爸媽都要返工爸每朝將我帶比嫲湊夜晚接返我但過左一段時間我爸都覺得太頻撲佢就將我平日放喺呀嫲度 weekend先湊我回家到我大個左我真係唔願返自己屋企成日掛住呀嫲到4，5歲就開始請工人我直頭冇得去嫲度住啦

其實所有野都一步一步試下啦你咪先感覺下自己早晚接送b頂唔頂得順先啦因為你話要成日OT 真係太攰既咪隔晚先湊呀b回家

題外話我地呀媽年代冇咁多產後抑鬱情況佢地同99關係都唔見得係好但呀媽知自己係靠緊99湊b 咪又係要做順得人囉邊有得咁多要求同意見吖

點評

Charsss

發表於 20-12-8 18:04

私人傳訊

Yee_ng

男爵府

積分: 6303

85^#

發表於 20-11-28 08:48 |只看該作者

回覆樓主:

市道唔好，有工返為持到已經唔易，樓主壓力都唔少，有時女人要嘅未必係答案，係想你氹下，你老婆係知難揾完美答案，你咪聽佢呻，買下野氹下佢，BB細請工人都未必放心，到BB大d再睇點安排大家都可以舒服d,硬嘅唔得咪用軟，話都係自己衰要辛苦99老婆

私人傳訊

你估我唔到

男爵府

積分: 6973

牛年勳章 2018復活節勳章開心吸收勳章

86^#

發表於 20-11-28 11:34 |只看該作者

有冇可能樓主你放租而家層樓, 然後租近你媽媽 (因我見你話如果日夜接送BB去你媽度, 係要坐車, 咁我估都唔係住得近)。
你本身係咪都要供樓, 放租的租金收入可以用黎幫補你租間近你媽的屋...可以租細D租舊D住住先 (反正都係短暫住, 你本身有層樓), 咁樣無論係呀媽日日過黎, 定你日日湊BB去, 都係walking distance, 大家都舒服D先...又可以有自己空間...唔知咁樣可唔可行...

點評

Charsss

發表於 20-12-8 18:03

私人傳訊

金宵大廈

大宅

積分: 1645

87^#

發表於 20-11-29 00:16 |只看該作者

本帖最後由金宵大廈於 20-11-29 00:17 編輯

Sorry 樓主，其實我又唔覺得你老婆好過份。我身邊都真係有啲working mum係有奶奶上門湊孫, 而且都真係坐幾個地鐵站專登過嚟。

咁當然個working mum同老爺奶奶關係好好，而且佢老爺奶奶都思想通透，好明白而家係幫緊自己個仔，佢過嚟幫手其實係幫緊自己個仔同照顧緊自己個內孫，唔會覺得自己黎做係益咗個新抱。

或者你試吓同老婆傾吓，叫埋外母個幫手一齊湊，一個早更係你出門口之前到，過到嚟餵下奶換下片⋯⋯另外一個食妟時間之後過嚟，嚟之前順便幫手買少少餸。兩個交更之後，早更嗰個就可以閃人、湊BB幾個鐘頭應該唔算辛苦；夜晚嗰個仲可以同仔女一齊食晚飯。

點評

Charsss

發表於 20-12-8 18:02

私人傳訊

金宵大廈

大宅

積分: 1645

88^#

發表於 20-11-29 00:43 |只看該作者

回覆 @Ting@ 的帖子

如果真係要講邊個做錯，還不如講個新手爸爸當年點解要中出啦。
佢老婆有產後抑鬱都忍咗佢地男家成年啦，屋企經濟唔好都有出去搵工做。其實佢老婆都係想一家一主，我唔覺得佢要求好高。

依家煩嘅係個B點樣先唔使俾錢嘅情況下有人湊。其實樓主可以考慮返育嬰院喇？係...一個月都要五六千啦，不過我頭先爬文見過你見過社工，可能以你屋企嘅情況可以申請到啲減免呢。唔知樓五有冇試過呢個方法呢？

私人傳訊