想生BB 今日: 20|主題: 109090

收藏本版

回覆發帖

返回列表

跳至頁

查看: 9539 | 回覆: 8

想生BB但老公不配合 [複製鏈接]

木日勿

民房

積分: 16

1^#

發表於 23-9-2 17:24 |只看該作者 |倒序瀏覽 |打印

我今年40歲了，比較遲婚，努力了兩年都冇BB。舊年開始想用人工的方法試下，但老公好抗拒。
結果，係我堅持下，佢終於肯去家計會嘅生育指導。
做咗一大輪檢查，發現我有卵巢早衰嘅情況，老公嘅精子亦有問題，所以醫生建議我哋做IVF。
因為年紀大，排唔到公立，唯有睇私症。
又做咗一大輪檢查，結果因為醫生評估過我身體做IVF太危險，老公嘅精子亦唔係差得好緊要，所以叫我哋試做IUI。
我一向好怕打針抽血，但為咗生BB，過程中又打排卵針，又打破卵針，每隔三幾日抽血，我都要克服。
點知去到要老公取精嗰一步，佢竟然唔肯去，又話想試吓自然咁做。
我真係好崩潰，但我冇辦法「捉」佢去取精，唯有打去醫院取消⋯⋯護士聽到都無奈，叫我返去攞黃體期藥，然後話如果唔成功，就休息一個週期再試。
之前嗰啲檢查，除咗要聽有關佢嘅報告之外，老公都冇陪我去，我已經夠失望。
今次，臨門一腳，佢又係咁逃避，都唔知驚啲咩咁，我真我係好傷心。
生BB唔係我一個人嘅事，佢都想要，所以我唔明白，點解佢咁會樣？點解要咁對我？

0 0 0

私人傳訊回覆引用

Yin807

大宅

積分: 3944

2^#

發表於 23-9-2 19:36 |只看該作者

木日勿發表於 23-9-2 17:24
我今年40歲了，比較遲婚，努力了兩年都冇BB。舊年開始想用人工的方法試下，但老公好抗拒。
結果，係我堅持 ...

佢係咪太大壓力，加上你話佢精子有問題所以更逃避，有d 人係出邊地方唔係話出就出到精

可唔可以屋企留完再交去，加上男人本身都好抗拒睇醫生呢方面

不過心平氣和再同佢傾下，你地都想要小朋友，試左兩年其實已經係不育先再靠其他方法，你都經肯付出，同埋要比佢知時間唔等人啊，而家行緊去終點，鼓勵佢勇敢d ,不過真係唔好鬧同怨佢，佢更抗拒

私人傳訊回覆引用

木日勿

民房

積分: 16

3^#

發表於 23-9-2 20:31 |只看該作者

其實我都好大壓力，我都要返工。
前前後後請咗十幾二十個半天做檢查，老細同同事已經不停俾說話我聽。
至於出唔到精，之前做過精液檢查，都冇聽佢講話有問題。而且醫生都話啲精ok先可以做IUI。
算啦，我已經放棄。為咗生BB，搞到份工危危乎，精神緊張，影響夫妻感情，唔值得。
就算後悔，亦都無奈我已經承受唔到一個人努力嘅日子。