原帖由 littlegracehk 於 09-8-26 16:27 發表
pat,
希望晞瑜快 D 康復, 星期六又可見面 ^^
我好同意你所講, 現階段的BB好中意周圍摸,摸完又中意擺入口, 所以要頻密 些幫BB的雙手消毒,我現每次帶BB出街都會帶上消毒濕紙巾,而屋企家私同玩具都會不定時消毒。我個仔上次又好似經歷好似晞瑜類似的情況, 不過就唔係手足口病, 係口腔炎, 那時他剛打完水痘疫苗,之後一個星期都微燒,起初我仲以為係因水痘疫苖引起, 又唔肯食固體, 只肯食奶,直到發覺他牙肉發紅,有晚真係好恐怖,他不停喊,喊到口水都流了出來, 口水裡仲要有血,嚇死我,醫生話他整個口腔都發炎,因過濾性病毒引起的口腔炎。
真係要小心--病從口入 !!!