自由講場

收藏本版
發帖
返回列表
跳至頁

首頁
1

尾頁
   0
lingobb


大宅

積分: 2132


1#
發表於 10-1-29 09:38 |只看該作者
各位父母注意, 香港已經有人拐帶兒童
由 kai chung LO
於 2010-01-21 (Thu) 09:28pm
發表

當同小朋友出街一定用眼”釘”住佢!!!

今日聽到一件事令我覺得原來香港都會咁可怕!我朋友的同事前2個月同佢個女係沙田宜家家私入面行街 ,當佢個女同其他小朋友一起玩緊時可能個媽咪唔太注意, 轉眼間發現唔見左個女於是即刻搵宜家家私的經理幫忙好彩個經理聰明即刻叫人關哂所有閘唔比人出入 , 搵左好耐發現個小女孩係女洗手間但係當時個小朋友係呆左 (相信係已經比人呃左食迷藥)仲要比人剪短左頭髮而且仲要換左第2套衫 , 好彩趕到搵個小女孩咋如果唔係一定係比人捉去大陸賣或者做乞衣啦 !但你地有冇諗點解個經理會咁聰明即刻關閘 ? 我諗應該係唔只發生一次啦 ! 所以大家小心唔係大陸先會發生d咁o既事o架 !所以所有父母要小心啦 !

呢一個係我親身經歷 , 上星期我個仔都差d 比人拐走
上星期2010-1-15 下午5時 , 我帶住個仔 (3歲 精靈可愛 ) 行經荔景邨仰景樓個遊樂場 , 好多小朋友係度玩 ,(有新移民小朋友)我個仔扭計要玩 ,我咪比佢玩陣 ,佢係咁同其他哥哥姐姐玩 ,我初時都有跟貼 , 其後我坐左係櫈上 , 其間朋友电話打來 ,正當我講電話時 ,我見有個約 6歲左右似新移民個細路 ,推住我仔背脊 ,帶左我仔入兒童中心內玩 , 我立即跟住行及望實 , 我在門外傾完电話立即入去貼身跟實個仔 , 我都望住果個6歲左右似新移民個細路做乜帶我個仔去第二度 .

玩左一陣我帶返個仔出外邊 , 個仔扭計仲要玩 ,我再比佢玩陣 ,起初個仔都係遊樂場設施上玩 , 玩玩下 ,我個仔手上有個波 , 佢話係哥哥比佢玩 ,我無為意 ,跟住又坐埋一邊睇住個仔玩 , 我見個仔幾個約5--7歲嘅哥哥玩 追逐遊戲 , 起初佢地跑嘅範圍不大 , 跑下跑下跑左去一個較遠嘅大花槽圍住長型大花槽跑( 每個圈都有一段約30米直路) 個仔會消失在我的視線內 , 我嘅視線一直有 盯 住我個仔 ,

到跑完第 4個時 , 我都一直望住花槽尾 , 我相信佢地應該會好似之前咁轉返出來花槽前面再兜圈跑 , 點知今次就係唔轉出來 , 佢地引領住我個仔直跑左入兩座大厦交界處 ,又再次在我視線內消失 , 我以為佢地會跑番出來 , 点知一諗 , 該處可以進入大厦 , 又可以去到大厦後面空地 , 該空地再分左右很大 , 可以通去很多地方 , 有且又未見佢地出來 , 我立即醒覺 , 高速跑到大厦入口唔見哂佢地 , 但聽好似樓梯有小朋友聲音 , 再跑去大厦後面空地 左右望都唔見個仔 , 心裡即時有d 急 , 即刻跑回大厦入口問保安員 , 剛剛有無約4-5名 3--6歲小朋友進入大厦 , 保安員答無 ,但分析 保安員無理由要呃我 , 我立即跑去大厦後面空地 , 向右望係公園休憇地方 , 淨得老人家無小童 , 我立即決定左轉再穿過大廈地下車路通道 , 後面係一條長車路及有個 car part ,泊左好多車 , 我再跑前一段 , 我見到我個仔被一個小童引領住 , 在我前面120 米馬路旁行人路一直向前走 , 我即刻大聲喝住我個仔叫停佢 , 我個仔擰轉頭望一望我 ,再繼續追住個約6歲大小童向前走 , 我立即高速跑過去捉實我個仔 ,我見前面個小童 約6歲 , 新移民 Look , 手上拿住一個波 , 我即時諗起我睇過 星期二檔案 2009-12-1 講拐童 , d 手法一樣 , 都係先用玩具同你個仔玩 , 攞到佢個心 , 就拿住件玩具引佢走 , 我當時好嬲 , 想打個佢幾巴 , 雖然我唔夠証據証明佢有意圖拐帶我個仔 , 但佢居心可測 , 我亦相信個佢真係有心拐帶 , 佢父母一定在附近監视住 .
個靚仔用件玩具先同我仔玩 , 再引佢跑離現場 ,足足跑左成200米 ,仲轉多幾個彎 , 等你去到分叉路口 唔知轉邊一邊找 , 增加你尋找時間及難度 .
今次執番個仔真係好彩 , 睇少眼都無左啦 .比人拐左番大陸 .

***名位為人父母者 , 如帶小朋友到公眾場所 及 公園 , 請好好睇緊自己小孩 , 當d 拐童者知道你緊貼住你孩子 , 而視線又無離開 , 他們就知道沒有機會可以下手 .
綜合拐童共通點 :
1) 可能出動小孩 , 新移民或大陸仔機會較大 (因土生香港人做唔出咁仆街嘅事)
2) 小孩可能約5-7歲 , 巳懂得配合父母吩咐行事
3) 5--7歲小孩 主動跟你 2--3歲孩子玩 , 就一定要小心
( 可疑之處 : 一般5--7歲小孩巳懂事 , 不喜歡跟 2--3歲孩子玩 , 因為佢地覺得2-3 歲乜都唔識 ,点一齊玩 . )
4) 有機會利動玩具
或 一齊玩追逐遊戲 ,可以更易引領你孩子跟佢地跑去更遠的地方


以上係朋友SEND比我,好恐怖,有冇MAMA分享吓!

[ 本帖最後由 lingobb 於 10-1-29 09:41 編輯 ]
私人傳訊

CFaHB


大宅

積分: 2019

好媽媽勳章


2#
發表於 10-1-29 09:46 |只看該作者
雖然好多人都話呢單係流既 ~

但我都會在任何地方加強小心 ,
大家都見過d無手無腳無耳爛面 ... 或童妓 .....
有d咩事, 我會顛 ........
私人傳訊

gion


侯爵府

積分: 20735

好媽媽勳章 睛靈勳章


3#
發表於 10-1-29 09:48 |只看該作者
你知唔知，有人話比我聽，宜X已經否認左呢個傳聞，D人仲係咁挖出黎再傳，人地可以查到你IP告你誹謗，就算你話篇野係人地寄比你而你只係fwd出去，都一樣賴野。小心小心。
私人傳訊

kc_01k


翡翠宮

積分: 87644

好媽媽勳章 醒目開學勳章


4#
發表於 10-1-29 09:48 |只看該作者
又黎...........

私人傳訊

cherry_hang


男爵府

積分: 5219

醒目開學勳章 畀面勳章 環保接龍勳章 BK Milk勳章


5#
發表於 10-1-29 09:49 |只看該作者
私人傳訊

小虎88


大宅

積分: 3330

好媽媽勳章 醒目開學勳章


6#
發表於 10-1-29 09:52 |只看該作者
每日都有人post出黎，睇到厭啦！
私人傳訊

lyhv


侯爵府

積分: 22220

好媽媽勳章 醒目開學勳章 畀面勳章 環保接龍勳章


7#
發表於 10-1-29 09:54 |只看該作者
又多個"哥倫布"!
私人傳訊

小草


版主

積分: 55722

好媽媽勳章 醒目開學勳章 畀面勳章 版主 大廚勳章 BK猜猜猜慶中秋 15週年勳章 親子王國15週年勳章 親子王國15週年勳章


8#
發表於 10-1-29 09:57 |只看該作者
<轉貼自大臣的主題>
http://forum.baby-kingdom.com/thread-2857732-1-1.html




宜家傢俬澄清聲明


各位會員:

剛收到宜家傢俬來信, 表示本站內有會員發表對該公司不實之傳言, 我們查證後已將有關之Topic抽起, 以下是該公司之澄清內容:

---------------------------------------------------

宜家傢俬謹此澄清有關近日網上惡意流傳有小孩懷疑於宜家傢俬沙田分店被拐帶及後尋回之事件，現澄清從未發生該項事宜。


宜家傢俬作為一間以顧客為先及負責任的企業，致力爲客戶提供最優質的服務及產品，店舖安全更是宜家傢俬最關注的事項之一。如有任何查詢，請致電宜家傢俬客戶服務部3125 0888。
私人傳訊

deandut


大宅

積分: 1227


9#
發表於 10-1-29 11:47 |只看該作者
原帖由 gion 於 10-1-29 09:48 發表
你知唔知，有人話比我聽，宜X已經否認左呢個傳聞，D人仲係咁挖出黎再傳，人地可以查到你IP告你誹謗，就算你話篇野係人地寄比你而你只係fwd出去，都一樣賴野。小心小心。 ...


傳唔傳聞係其次，幾時都要睇實細路。
私人傳訊

Darth


大宅

積分: 2519

好媽媽勳章 醒目開學勳章


10#
發表於 10-1-29 11:50 |只看該作者
BK 遲早比 IKEA 告

日日一個新 POST.......
私人傳訊

ellawyc


公爵府

積分: 26643

好媽媽勳章


11#
發表於 10-1-29 11:52 |只看該作者
唉....梗係流架啦

佢會拎個細路去邊, 做乜? (人做乜野都有動機)

有人會話 : 梗係綁返大陸做乞兒

但, 點過關?

又有人會話 : 屈蛇丫

唔好玩啦~ 大飛走個人仔上去, 同走轉走私貨, 邊樣收得多d? 邊樣回報高d?

唔好咁盲目, 有email就信, 仲要廣發天下. 你有幾可收到係由當事人發出架? 收到你又會verify嗎? 唔會丫嘛, 咁咪比d無聊人玩咗你囉~

不過有個好處, 起碼d媽咪會睇實d自己個細路.

我懷疑"創造"呢類網路謠言的人, 係好憎d阿媽成日自己掛住傾計, 仔都唔理.~
私人傳訊

edea


王國長老

積分: 119066

王國長老


12#
發表於 10-1-29 11:52 |只看該作者
各位會員:

收到宜家傢俬來信, 表示本站內有會員發表對該公司不實之傳言, 我們查證後已將有關之Topic抽起, 以下是該公司之澄清內容:
---------------------------------------------------
宜家傢俬謹此澄清有關近日網上惡意流傳有小孩懷疑於宜家傢俬沙田分店被拐帶及後尋回之事件，現澄清從未發生該項事宜。


宜家傢俬作為一間以顧客為先及負責任的企業，致力爲客戶提供最優質的服務及產品，店舖安全更是宜家傢俬最關注的事項之一。如有任何查詢，請致電宜家傢俬客戶服務部3125 0888。

親子王國
我唔係經常上BK, 想搵我嘅朋友請email: [email protected]
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見