大仔大女媽媽會今日: 0|主題: 177860

收藏本版

發帖

返回列表

跳至頁

查看: 5225 | 回覆: 3

[2010年] 前晚胃抽筋慘痛經歷分享... [複製鏈接]

kongwt

別墅

積分: 760

1^#

發表於 10-3-25 15:16 |只看該作者 |倒序瀏覽 |打印

而家33週, 前晚忽然勁胃痛, 跟住開始胃抽筋, 又暈又標晒汗, 勁辛苦, 終於忍唔住走咗去最近屋企嘅威爾斯睇急症, 點知去到登記處已經有通告話現在輪候時間為10小時, 勁誇張, 佢地見我大住個肚, 已經將我分級為緊急, 但最後都等咗兩個幾鐘, 等等吓又好神奇地個胃唔痛, 本來一心諗住走, 但又覺得sit咗100元登記費唔抵....跟住見到醫生佢就叫我上床聽bb心跳, 跟住就同我講要入院, 我地當時你眼望我眼, 心諗入院?係咪聽錯?唔洗咁誇張啩? 最後搞到零晨1點幾入院, 咁唯有叫老公返去瞓先!

跟住就要量血壓, 探熱, 綁胎心機一路check住bb心跳, 其實我去醫院睇急症, 一心只係諗住等佢地開d胃藥俾我即時止痛, 真係冇諗過原來孕婦要即時入院咁大陣仗, 好慘呀, 政府醫院又只係得下午5:30-7:30探病時間, 臨急臨忙入院, 咩日用品都冇, 又冇得沖涼, 唯有叫老公喺走廊見面交d嘢俾我, 我就好煩地不停叫姑娘幾時出得院, 佢地循例咁答唔知嫁, 等醫生巡咗房先, 等吓等吓, 到尋日下午1點幾再問姑娘, 佢話醫生去咗北區, 今日冇咁快返, 起碼要5點至返到嚟巡房, 唔係啩, 最終尋日下午6點半至走得, 仲慘過返工! 一返到屋企第一時間由頭沖到落腳, 又冇覺好瞓 (因為隔離左右d孕婦都用緊胎心機, bb心跳好似環迴立體聲咁, 根本瞓唔到覺), 又勁肚餓, 總之呢個經驗真係既難忘又慘痛, 老公話好似俾人禁固咗個老婆咁!

今日同個朋友講開, 原來佢都有同樣經歷, 佢幾年前陀個女7個月時忽然間唔知係胃定個肚痛, 去咗睇急症, 不過佢好彩d, 醫院(佢喺將軍澳冇咁多人)見佢大肚完全唔洗等, 即刻可以入院, 佢話醫院一定要咁做, 因為萬一俾你走咗個胎有咩事就賴佢地, 佢地唔會亂咁開藥, 免得揹鍋....

0 0 0

私人傳訊

cskclare

男爵府

積分: 6086

2^#

發表於 10-3-25 16:06 |只看該作者

我都試過一次胃痛, 又係半夜去睇急症 (瑪嘉烈), 去到個職員話我因為係大肚 (around 2x 週) 就唔使响急症等, 直接落產房比姑娘/e 生睇咩事, 去到產房, 姑娘都幫我做初步既checking, 然後要我入院觀察, 响產房留左幾粒鐘, 仲會有e 生即時幫你check 子宮等等..... 嗰次我又係冇諗住要入院架, 不過e 院嗰邊可能覺得大肚婆check 清潔安全d 咁囉 -__-"