自由講場今日: 3421|主題: 1303484

收藏本版

發帖

返回列表

跳至頁

樓主: BBLOVEMAMA

你地家中有無"港孩" [複製鏈接]

1 23

何媽媽

大宅

積分: 2270

41^#

發表於 10-7-24 06:34 |只看該作者

家吓我屋企都有一個，因為我家姐帶埋個五歲個女嚟左英國探我哋，真係完全感受到港童嘅威力！

去SIGHTSEEING行兩步都話累，要帶車仔推佢。行樓梯一定要拖住，唔係就腳振過貓王。一出外我家姐即刻幫佢著褸，幫佢帶帽，佢淨係坐係到唔駛旭。去公園玩係人釘人，好似跌吓都唔得。去邊度都要問吓佢想唔想去。。。一打個乞嗤又話佢咩敏感，每朝餵佢唔同藥，話係防敏感喎。問佢食唔食花生又話佢敏感，但食花生漿麵包又無事，其實係驚佢食花生啃親。。救命呀！！

我自己都有兩個小朋友，一個六歲同九歲，咩都係自己嚟，口渴就自己去斟水，番學自己著校服，起身自己執床，呢度全部細路都係咁大，三，四歲已經開始訓練，去公園都係自己玩，啲家長唔會人釘人㗎，當然都會睇住啦。呢到啲家長都係好錫細路，不過唔會縱，同埋會比啲空間佢哋發展。

不過港童真係講野好叻，仲好老績，老練到我有啲驚，不過我家姐仲好自豪，老實講，我一啲都唔識欣賞，點叻講野都無用，咩都要人服侍，抹咀都要講：唔該紙巾！但點解唔自己去拎呢？啲紙巾就係佢面前！

相比吓，我兩個細路好似野孩子，佢表妹係公主！

對唔住，長遍大論，呻完！

私人傳訊

dj.hkhk

男爵府

積分: 7563

好媽媽勳章醒目開學勳章

42^#

發表於 10-7-24 07:24 |只看該作者

我兩個女一個3歲半一個歲半，乜都要自己嚟。
大女7個月我已經俾匙羹仔佢自己食，BK呢度都好多媽咪話我攪錯。佢又唔肯用bib食到天一半地一半，我堅持俾佢自己食呀：食完執囉（唔係淨係我執，我係要佢執！當然佢唔會執得哂，執唔完我會幫佢----我要佢知道媽媽係"幫"佢，整污糟咗主要係自己要整番乾淨），結果番N班老師話佢午餐時係唯一一個自己擺餐具自己食自己執碗嘅；我聽到不知幾滿足。

細女我諗住無咁好精力同佢執手尾，餵佢罷啦乾淨D，但結果都餵得唔耐，足1歲睇見家姐自己嚟佢都唔俾我餵，要自己食。

現階段出街食或同朋友食係會幾樣衰㗎，食到烏糟辣撻咁，但好快進步咗就你同小朋友都會好開心囉。

我覺得大部份"港孩"出現來自大人受不了這個學的階段太亂太"樣衰"。大人如肯放手俾佢哋學，其實小朋友可以學得好快的。

THE CORDS ARE NEVER REALLY CUT.