今次事件好令人傷心, facebook有位人兄畀人話佢無良, 因為佢話團友唔識自救, 其實我地身處安全又受保護環境太耐, 遇到呢d情況真係會變得好脆弱好無助!
所以我尋日反思左好耐, 其實遇到呢件事, 下面所講方法係咪有用呢, 大家又有冇其他提議? 好想有個好方法大家都記住, 以後出門, 大吉利是遇著呢d事件, 都可以自保!
如果係恐怖襲擊, 我相信我地都無法抵擋, 因為要求既野係無可能滿足到! 但係如果只係為錢, 或者一d政治問題, 我地應該嘗試自己同對方談判, 因為我地有一個被信任, 能夠保護我地既特區政府!
當然一開始我地唔應該輕舉妄動, 但係當我地覺得對方釋出善意, 而當地政府一再拖延, 我相信我地應該嘗試瞭解對方要求, 然後向對方解釋佢可以用通訊設備, 嘗試直接同香港政府/聯合國聯絡, 最起碼, 有國際組識知道歹徒訴求, 唔係任得對方政府作故仔! 我相信, 如果係為錢或者一d政治因素, 香港甚至中國方面介入協助, 佢地為左保護外地國民, 一定會諗方法救我地, 對方政府亦未必敢輕舉妄動! 如果聯絡到聯合國, 由佢地保証佢安全同介入調查事件並接走歹徒, 釋放人質, 起碼可以保障人質生命安全! 事後佢地同歹徒點傾就係佢地既事啦!
不過, 呢個方法諗完我已經諗到佢有乜壞處, 就係如果中國或香港介入成功處理件事, 以後想要錢或者想政治庇護都會搵香港團埋手! 姑勿論點都好, 去落後地方旅遊都係做多手準備, 帶齊香港各機構聯絡號碼, 自救可能比特腫/特蠢部隊救有用得多!!!
講野唔好笑又唔識講爛gag
上forum只為吹水唔好同我認真
發表於 
返回列表
