吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› HELP! 幫2歲囡囡戒片…

自由講場今日: 3745|主題: 1303378

收藏本版

發帖

返回列表

跳至頁

查看: 1042 | 回覆: 17

HELP! 幫2歲囡囡戒片… [複製鏈接]

aleung9512

大宅

積分: 1602

1^#

發表於 11-3-10 16:13 |只看該作者 |倒序瀏覽 |打印

呢個星期一剛剛開始無比阿女著片, 我每隔半小時左右帶她去potty wee wee, 每次係potty到就wee 唔到, 著番褲仔之後幾分鐘內就瀨左, 果日最後都無係potty到wee過.

星期二&三都同阿女返playgroup, 所以成日都係著片.
今早同阿女換底褲仔時, 她話要著片, 我同佢講大個女唔著片, 所以佢肯著褲. 同星期一一樣, 都無係potty wee過, 她急時, 叫我去potty, 但一坐低又wee唔到, 佢自己都話”wee唔到”. 一個早上, 濕左4條褲; 又試過瀨濕左喊起上來.

我諗阿女既問題係唔識自己wee出黎. 我想請問有經驗既媽咪們, 一開始學戒片,通常要幾耐先識得wee出來? 我應該繼續同阿女戒片, 定係停一停呢 (等阿女5個月後讀nursery先戒呢)? 她好似有d怕左potty (因為wee唔出). 如果停左, 咁阿女無機會practise 去wee wee, 會唔會更加難戒到呢?

好矛盾, 又好心痛, 我應該點做好呢?

(p.s. 阿女之前試過坐potty去到2次, 但要坐成15min先得, 我估佢係瀨出來的)

0 0 0

私人傳訊

恩盈

珍珠宮

積分: 38234

2024勳章認識瑞士牛牛第一回好媽媽勳章畀面勳章 BK Milk勳章 hashtag影視迷勳章

2^#

發表於 11-3-10 16:19 |只看該作者

如果妳問我, 2歲都重係嬰兒, 何必迫佢呢, 每個小朋友裡面總有自己嘅生理時鐘, 去到某個階段會識某樣嘢, 總會識架喎, 如果攪到佢怕咗個POTTY, 會更加難攪, 每個小朋友發展唔同, 有D一歲戒到, 有D要7歲添, 總唔會有一個劃一嘅所謂戒片時間, 唔好俾壓力自己同個2歲小朋友啦!

[ 本帖最後由恩盈於 11-3-10 16:20 編輯 ]

私人傳訊

bellabella_oh

大宅

積分: 3171

3^#

發表於 11-3-10 16:24 |只看該作者

原帖由 aleung9512 於 11-3-10 16:13 發表
呢個星期一剛剛開始無比阿女著片, 我每隔半小時左右帶她去potty wee wee, 每次係potty到就wee 唔到, 著番褲仔之後幾分鐘內就瀨左, 果日最後都無係potty到wee過.

星期二&三都同阿女返playgroup, 所以成日都係著片. ...

你有mo 親戚朋友ge bb 用緊potty?

小朋友ge 學習以觀察為主, 朋背 ge 力量好大 ga. 試下比佢睇到人地點用potty, 同用ge 時候有幾開心,可能激發到佢 ga.

私人傳訊

大傻蛋

大宅

積分: 4246

4^#

發表於 11-3-10 16:30 |只看該作者

返學見到同學自己坐廁板..小朋友都會有樣學樣的..同埋學校每隔一段時間會帶她們上廁所的..我大囡都係咁樣介的..開頭2星期..日日賴屎賴尿..日日放學都有袋衫拿回家的洗..2個星期後連夜片都介埋了..不用太擔心..也不用太迫她了..

私人傳訊

aleung9512

大宅

積分: 1602

5^#

發表於 11-3-10 18:11 |只看該作者

我都好同意每個小朋友既生理時鐘都唔同, 可能我早左同佢開始 (不過我見佢好唔鍾意著片, 所以諗住試下戒唔戒到)

原帖由恩盈於 11-3-10 16:19 發表
如果妳問我, 2歲都重係嬰兒, 何必迫佢呢, 每個小朋友裡面總有自己嘅生理時鐘, 去到某個階段會識某樣嘢, 總會識架喎, 如果攪到佢怕咗個POTTY, 會更加難攪, 每個小朋友發展唔同, 有D一歲戒到, 有D要7歲添, 總唔會有一 ...

私人傳訊

aleung9512

大宅

積分: 1602

6^#

發表於 11-3-10 18:15 |只看該作者

我有比阿女睇下同齡小朋友坐potty, 她亦好明白wee wee & poo poo係potty到, 不過她仲未習慣點樣係potty到all. 我會好好咁encourage她, 真係要比d時間佢適應下先得~

原帖由 bellabella_oh 於 11-3-10 16:24 發表

你有mo 親戚朋友ge bb 用緊potty?

小朋友ge 學習以觀察為主, 朋背 ge 力量好大 ga. 試下比佢睇到人地點用potty, 同用ge 時候有幾開心,可能激發到佢 ga.

私人傳訊

kiki.kiki

珍珠宮

積分: 49031

醒目開學勳章環保接龍勳章

7^#

發表於 11-3-10 18:18 |只看該作者

我B 27個月啦, 唔肯除片...9月讀K1, 一定要戒咗片, 都唔知趕唔趕得切

私人傳訊

aleung9512

大宅

積分: 1602

8^#

發表於 11-3-10 18:19 |只看該作者

係呀, 我會試多幾日, 如果唔得, 可能等入nursery先戒..

原帖由 大傻蛋 於 11-3-10 16:30 發表
返學見到同學自己坐廁板..小朋友都會有樣學樣的..同埋學校每隔一段時間會帶她們上廁所的..我大囡都係咁樣介的..開頭2星期..日日賴屎賴尿..日日放學都有袋衫拿回家的洗..2個星期後連夜片都介埋了..不用太擔心..也不用 ...

私人傳訊

pigpig

琥珀宮

積分: 152003

秋日勳章炎夏勳章遊學勳章春季勳章趣教勳章冬日勳章畀面勳章環保接龍勳章大廚勳章親子達人勳章 wyeth冷知識勳章叻叻勳章有「營」勳章

9^#

發表於 11-3-10 20:02 |只看該作者

唔可以迫佢，但可以試下買BB廁所板，放上大人廁所果隻，可能會好D，仲有，你自己每次小便時，都俾佢睇住，然後，你去完，又到BB去，佢地好鐘意模彷，都好有用ga。
我細女差不多14個月，最近都已經可以戒片，我無俾佢坐過potty，一開始，我俾佢睇我點去廁所，跟住俾佢坐BB廁板，初初佢只係坐上去，無小便，跟住又拎廁紙佢扮抹，跟住我每45分鐘就帶佢去廁所一次，慢慢，佢真係全日都無濕片，當然有時會失手，但佢如果自己突然想去，會企去廁所門口，然後做除片動作，最近仲識扮“噓噓”聲，好攪ga...
你試下留意囡囡既小動作，有時佢地想去小便前，會有小動作，如果你掌握得到，可能會事半功陪。

My Two Princess

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

10^#

發表於 11-3-10 20:39 |只看該作者

原帖由 aleung9512 於 11-3-10 16:13 發表
(p.s. 阿女之前試過坐potty去到2次, 但要坐成15min先得, 我估佢係瀨出來的)

唔好理佢係咪瀨, 佢響痰罐度痾到, 都照讚佢啦.

俾幾日時間係唔夠, 加埋你第一個post, 你個女似乎只係開始戒片1個禮拜多d? 根本唔夠時間. 你話試多幾日, 咁同唔試冇分別咋喎, 咁不如唔好搞咁多, 等佢讀N班至戒... 我個仔2歲9個月戒片, 戒日片都要2個禮拜, 3個禮拜後戒夜片, 去廁所唔駛我跟埋去, 佢可能係遲戒片所以唔駛搞咁耐就戒到.

個個細路仔都唔同, 好多人話教小朋友去廁所唔好鬧, 講真我有鬧... 初初我個仔都係唔出聲就開大, 有時見佢靜靜地匿埋咁玩, 原來就係開大. 初初我會慢慢講, 又提佢去屎急果陣要叫我帶佢去廁所. 之後佢仲係咁樣, 咁我就鬧, 再仲係咁賴左我會打佢patpat, 同佢用花灑沖patpat 時將個花灑較到水柱咁射去佢腳邊咁嚇佢. 間中佢響痰罐到痾到, 咁我會勁誇張咁讚佢, 又俾佢用多少少梘液洗手, 有時佢痾完咪俾塊餅俾佢食. 咁好快佢就會俾signal 話要開大.

小便方面都係差唔多咁教. 有時我咪同佢一齊去廁所, 叫佢數1-2-3 之後我就痾, 叫佢聽住, 佢就以為係玩, 到而家佢去廁所都叫我聽住...

夜晚叫佢睇住我老公去小便. 個仔痾得出時會大聲叫"有呀! 有呀!", 咁之後我咪學佢, 總之佢痾到出我又咁好似發現新大陸咁大叫, 總之鬧就要認真, 讚就要超誇張.
或者你都試下用讚佢既方法咁去幫佢戒片, 唔好理佢坐幾耐potty, 總之痾得出, 有俾singal 既咪讚佢, 或者俾佢一個貼紙, 儲到5個有餅仔食.

私人傳訊

chrislpy

男爵府

積分: 9185

畀面勳章陪月勳章

11^#

發表於 11-3-10 21:47 |只看該作者

等天氣無咁涼先再開始過啦,佢仲係好細,佢身體都未READY,而且對女仔嚟講,2歲就要戒片實在太早,你自己都辛苦啦,可必呢,等到返左學,再慢慢戒啦

私人傳訊

aleung9512

大宅

積分: 1602

12^#

發表於 11-3-11 00:41 |只看該作者

你囡囡好叻wor!

14個月唔駛著片.
我都買左bb廁板, 今日比佢坐上去, 唔夠3sec要用番potty. 我係諗住遲d先再用bb廁板.
咁你囡囡一開始戒片, 係咪都好快all到wee wee? 我個女呢2日都無係potty all到wee wee, 全部瀨係底底. 她係自己話比我知要去potty, but一坐低就話無得all, 著番褲一陣就瀨係底底. 見到阿女好急想係potty　all wee　時但ａｌｌ唔到，　真係ｏ係度想係咪應該延遲戒片？我都好唔開心

原帖由 pigpig 於 11-3-10 20:02 發表
唔可以迫佢，但可以試下買BB廁所板，放上大人廁所果隻，可能會好D，仲有，你自己每次小便時，都俾佢睇住，然後，你去完，又到BB去，佢地好鐘意模彷，都好有用ga。
我細女差不多14個月，最近都已經可以戒片，我無俾佢坐過potty，一開始，我俾佢睇我 ...

私人傳訊

aleung9512

大宅

積分: 1602

13^#

發表於 11-3-11 01:03 |只看該作者

Bosch,

你囝囝３星期戒到夜片都好叻呀

，我聽Ｄ朋友講都要戒好耐先得。

我都會好誇張咁讚阿女，好似今日她終於唔想唔想既情況下係potty去到poo poo，初初阿女係度喊（唔知點解？阿女好驚），我即刻好開心拍晒手掌，阿女見到又即刻拍起手來，她都好開心）

我再同佢講下次all poo poo再同媽咪講, 好又好快咁應承我, 我都好希望阿女可以keep住.

咁又係, 試幾日, 未必有成效. 見黎緊d天氣都暖番, 唔會咁易凍親.

原帖由 bosch 於 11-3-10 20:39 發表

唔好理佢係咪瀨, 佢響痰罐度痾到, 都照讚佢啦.

俾幾日時間係唔夠, 加埋你第一個post, 你個女似乎只係開始戒片1個禮拜多d? 根本唔夠時間. 你話試多幾日, 咁同唔試冇分別咋喎, 咁不如 ...

私人傳訊

aleung9512

大宅

積分: 1602

14^#

發表於 11-3-11 01:36 |只看該作者

多謝咁多位媽咪既意見! 我會係阿女好開心既心情下同佢戒片

私人傳訊

creamybaby

公爵府

積分: 28693

15^#

發表於 11-3-11 01:46 |只看該作者

其實唔駛刻意戒，當佢地身體既功能成熟既時候，就可以自動波。

我個女雖然著片著到3歲，好多人都問點解唔同佢地戒，我只係觀察佢尿尿既時鐘，比佢試下冇著片，感受下急尿，佢當然尿左享地下（預料中事），跟住話比佢聽，下次如果想尿尿，可以用potty，教左一兩次，佢就學識用，而且日夜片係同一日戒甩。，阿仔就早d ready 兩歲半又係日夜片一齊攪掂，之後夜晚都唔會尿床。

我見過有一個媽咪，佢好緊張戒片，結果佢個女成4 ,5 歲，仲掌握唔到急尿既感覺，兩三滴就要話要去廁所，因為佢阿媽享細d既時候，成日提佢用potty！攪到佢亂晒籠！

其實，佢地既智力係不停咁發展，如果將注意力放在戒片度，可能會阻慢了其他更重要既發展。

[ 本帖最後由 creamybaby 於 11-3-11 01:51 編輯 ]

私人傳訊

雪~bb

侯爵府

積分: 23618

2011至尊種植勳章畀面勳章

16^#

發表於 11-3-11 01:51 |只看該作者

我係等bb識表示要wee wee先開始戒
當佢識同我講時就教佢要起potty度柯
3日就完全明白
當然有時會急到瀨左
初頭係要定時提佢

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

17^#

發表於 11-3-11 11:59 |只看該作者

原帖由 aleung9512 於 11-3-11 01:03 發表
Bosch,

你囝囝３星期戒到夜片都好叻呀，我聽Ｄ朋友講都要戒好耐先得。

我都會好誇張咁讚阿女，好似今日她終於唔想唔想既情況下係potty去到poo poo，初初阿女係度喊（唔知點解？阿女好驚），我即刻好開心拍晒手掌，阿女見到又 ...

唔好咁講, 佢好早識去坐痰罐, 但佢歲半之後至識行, 識行之後就唔肯再坐痰罐, 我唔敢迫佢, 諗住到佢識俾singal 至教, 點知到我生埋細b 佢都唔俾singal, 咁我至下決心要同佢戒片. 佢 3歲至戒片, 算遲起步, 理應係戒得快少少, 同埋始終個個小朋友都唔同, 我諗我係好彩.

你個女開始有成績啦, 俾多d 時間同機會俾佢, 相信佢都會好快學識去廁所.

你可以等天氣暖d再幫佢, 隔幾日再黎都冇乜所謂. 不過我覺得天氣凍都可以繼續, 唔駛怕冷親佢, 香港凍極有限, 我住外國, 呢度超凍, 個廁所響大門口既玄關位又冇暖氣, 唔閂門會有凍風吹入去(因為門口有信箱口), 果個水喉又冇熱水, 室內20度室外-3度, 我諗個廁所冇5度, 洗5秒手後手指都僵...

我個仔果陣去坐廁板, 一坐都嗌好凍好凍, 我心都實埋, 我大可以帶佢上一樓既廁所 (又暖又有熱水洗手), 但我認為佢而家唔去適應環境, 出到街或者人地屋企d 廁所都一樣係凍, 仲可能係凍風吹入去... 呢度個個人都係咁樣長大, 我唔多願意但都要佢繼續.... 坐廁板/potty 5秒乜都暖番晒, 只要個廁所冇大風吹入, 唔駛太擔心會冷親小朋友.

ps: 之前個post 上面既

係我個仔做既好事.... 佢一吼我去望下細b, 就乘虛而入咁搞機.