吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 很沮喪, 請指教

少年成長今日: 1|主題: 15865

收藏本版

發帖

返回列表

跳至頁

查看: 961 | 回覆: 10

很沮喪, 請指教 [複製鏈接]

家希媽媽

別墅

積分: 523

1^#

發表於 11-3-17 17:18 |只看該作者 |倒序瀏覽 |打印

我仔5歲, 有一個性格問題經常令我感到好沮喪, 唔知應該點處理. 故事太長, 希望大家見諒

今早起身, 因為眼訓所以有d忟憎, 發左少少脾氣, 咁我就好平靜咁講"您發脾氣, 所以我唔陪您食早餐, 到您食完之後再叫我", 跟住佢就喊住講"媽咪對唔住, 您原諒我啦, 我下次唔敢喇, 您陪我食早餐啦"

但我其實了解佢性格, 如果我真係心軟去陪佢, 到下次佢一樣係會咁發脾氣, 所以我再次好平靜咁講多一次"乖乖地去食早餐, 食完叫我", 好喇~佢開始發脾氣"好, 我食完早餐您都唔會陪我架啦, 您唔好陪我喇", 跟住走出廳, 但食左少少又開始"對唔住, 下次唔敢......", 之後又再發脾氣, 成個過程重複又重複, 佢個情況直情用癲左嚟形容

佢最大問題, 亦係管教佢最難, 就係佢情緒大起大落, 知道自己做錯, 又道歉, 又發脾氣, 之後又道歉, 又發脾氣....

其實我知道我一出去陪佢, 成件事就會解決, 但我唔想佢成日都用呢個方式, 我今日全日都好平靜咁同佢解釋, 我一d脾氣都無發過, 我只係想解釋俾佢聽點解我要咁做, 但佢只集中一點"我唔陪佢"

我係咁太執著太堅持? 但佢真係有呢個問題, 我應該點去解決~? 希望大家可以幫幫我~thanks!!

0 0 0

私人傳訊

sasa@uk

珍珠宮

積分: 44668

2^#

發表於 11-3-17 18:53 |只看該作者

或者試下，叫佢講sorry，你就同佢一齊食早餐。唔好一開始就講罰。

私人傳訊

家希媽媽

別墅

積分: 523

3^#

發表於 11-3-17 22:59 |只看該作者

回覆 2# sasa@uk 的文章

好多謝妳嘅意見呀~~

其實佢由大概3歲開始, 就有呢種唔識點控制自己情緒, 愈大愈變本加厲, 當然我了解有時大人都唔識, 何況係一個5歲人仔, 我只係想佢慢慢去明白, 咩係啱咩係錯, 賞罰分明, 之前我都試過要佢講聲sorry就得(其實根本係小事一件), 但慢慢我發覺佢講sorry太易, 但情況好似無改善過.....

我真係唔識點去取個平衡點~

私人傳訊

sasa@uk

珍珠宮

積分: 44668

4^#

發表於 11-3-17 23:32 |只看該作者

或者咁，佢發脾氣時就叫佢去冷靜，未冷靜就唔好同你講野。

我個仔依家發脾四，佢就自己係房喊飽佢，然後就同我講：我喊完喇。

唔使罰的，因為人有情緒，要發脾氣ok,但係唔好影響人。

私人傳訊

家希媽媽

別墅

積分: 523

5^#

發表於 11-3-18 00:18 |只看該作者

回覆 4# sasa@uk 的文章

其實我都有用過呢招, 佢每次都話"我冷靜左喇", 但其實佢仲未冷靜, 咁我可以點處理?

私人傳訊

sasa@uk

珍珠宮

積分: 44668

6^#

發表於 11-3-18 06:17 |只看該作者

咁係平時佢無哭鬧時解釋媽咪冷靜既標準，例如:要收晒聲唔喊，唔大聲同媽咪講野。and 用d公仔模擬下

私人傳訊

YanYee0208

禁止訪問

積分: 331

7^#

發表於 11-3-18 09:50 |只看該作者

提示: 作者被禁止或刪除內容自動屏蔽

私人傳訊

焯嵐媽咪

禁止訪問

積分: 4068

好媽媽勳章

8^#

發表於 11-3-18 12:41 |只看該作者

提示: 作者被禁止或刪除內容自動屏蔽

私人傳訊

CCYPP

別墅

積分: 975

9^#

發表於 11-3-18 13:38 |只看該作者

家希媽媽:

聽到你個故事, 令我想起我個大女(佢今年6歲), 因為佢都係一個情緒好易波動既小朋友...而佢又好似你阿仔咁, 其實佢發完脾氣, 佢係知道激親媽媽, 所以佢會好似你阿仔咁好主動道歉, 我以前都試過同佢講"你成日都道歉, 道歉左你要改先得架, 如果唔係道歉來做咩喎..." 當然, 果時係自己好激氣, 講左都知對件事無幫助, 而且可能仲傷害左佢, 或者佢根本收唔到我想講個訊息, 反而可能會以為, 呀..媽媽係唔係唔仲意我道歉呢... 大家都明白, 細路仔既思想係好直接架嘛..

其實你強調你係好平靜咁同佢講, 真係好好呀! 因為細路仔發脾氣, 大家最易激動, 就算唔係激動, 都會情緒有D上升..我又見到你強調你唔係短視, 係長遠咁為個小朋友好, 因為短視既話, 你早就已經去左陪佢, 唔使要面對佢可能"情緒失控"既狀態, 咁咪又好多時要家長收尾...

我有個小小既建議... 其實呢樣都係我自己做緊既...
其實點解個小朋友一早會發脾氣? (當然, 唔係一定有原因, 大人都係, 有時都唔知忟咩既都會) 係因為眼訓好辛苦? 係因為唔想起身? 係因為起身凍冰冰唔舒服? 係因為..... 可能有好多個原因...

人係好希望同需要人地明白自己..大人係, 其實小朋友都係, 好似其他家長講,發脾氣其實係一種情緒既宣洩, 小朋友仍未學識用一個好既方法, 唔影響人既方法去表達自己既唔好感覺, 好多時就直接用發脾氣, 我相信你都見到阿仔係有恢意, 否則佢唔會主動道歉, 但道左歉佢又唔識點樣處理自己既情緒, 所以又再發過...

你試下見到佢發脾氣果時(其實係果一刻, 佢咩解釋都唔會聽得入耳), 你問下佢"你係唔係好眼訓呀?" / "凍冰冰起身好辛苦下可?" / "媽媽都知你仲想訓耐D架啦.."之類啦... 目的係希望小朋友既情緒先平伏下來...用既方法就係等佢知道媽媽明白你既感受...我個仔(三歲), 通常講一兩次, 若講中, 佢會話"係..", 一兩次就可以令佢平伏D...以我個女為例, 有時我講頭果幾次, 佢都仲係度忟緊架, 我地要知道可能佢發緊脾氣, 果刻仍未係狀態聽到我地既說話, 我就會將上述類似既說話以唔同既方式講多幾次, 慢慢, 佢就會開始平伏下來...

等到佢平伏左... 我會等佢自己平靜一陣先, 咁係你既情況, 佢真係平伏左D(唔好期望佢會即刻笑番, 變得好開心喎, 只要佢係發脾氣少左, 就叫好架啦..), 就可以同佢講, "媽媽好開心見到你自己可以平伏落黎呀, 宜家媽媽同你一齊食早餐啦..." 咁食既途中或之後, 氣氛好既時間, 先再好似有一位家長講... 同佢講番佢發脾氣你既感受佢知(小朋友都需要知道自己做既事對他人既影響嘛), 之後又可以講... 點解以前佢發脾氣你會叫佢平靜左先同佢食, 話佢知其實媽媽都好想同你一齊食早餐既, 不過發脾氣係唔會攞到野架之類啦....

至於幫小朋友學習用一個唔會影響其他人, 又可以宣洩自己情緒既事, 就真係平時要慢慢教,(而唔係等佢發緊脾氣果刻去教) 可能可以借D書佢睇下呀... 你身教示範下呀..因為要學習處理自己既情緒對大人都唔易, 所以自小俾機會佢學習(人一定唔係時時都咁開心, 咁順景架嘛)處理自己既正面同負面情緒就好緊要啦....

我好長氣呀... 因為我都係過來人, 希望幫到你少少啦...

加油加油!!

原帖由 家希媽媽 於 11-3-17 17:18 發表
我仔5歲, 有一個性格問題經常令我感到好沮喪, 唔知應該點處理. 故事太長, 希望大家見諒

今早起身, 因為眼訓所以有d忟憎, 發左少少脾氣, 咁我就好平靜咁講"您發脾氣, 所以我唔陪您食早餐, 到您食完之後再叫我", 跟住 ...

有興趣看更多正向親子管教自家實習經驗? 一起為和諧親子關係而努力!
http://hk.myblog.yahoo.com/[email protected]/

私人傳訊

家希媽媽

別墅

積分: 523

10^#

發表於 11-3-18 16:35 |只看該作者

好多謝各位媽媽嘅見意呀!

其實當下我真係好想發脾氣鬧佢, 但我亦都知道如果自己都發脾氣, 成件事就更難解決, 二來自己都處理唔到情緒, 又點教佢呢! 所以就成日提住自己"冷靜冷靜"!

我見好多媽咪都教我俾佢渲洩俾佢發脾氣, 可能我太過著意要佢控制情緒(因為我太怕佢習慣左少少事就發脾氣).......

我會努力嘗試下, 好多謝各位靚媽咪指教

私人傳訊

YanYee0208