吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 借個位呻下

母乳餵哺今日: 0|主題: 85693

收藏本版

回覆發帖

返回列表

跳至頁

查看: 1042 | 回覆: 16

借個位呻下 [複製鏈接]

竹兒

水晶宮

積分: 68335

認識瑞士牛牛第一回畀面勳章親子王國15週年勳章

1^#

發表於 11-5-30 14:40 |只看該作者 |倒序瀏覽 |打印

我個女由10日大時, 健康院話佢重得差, (同出世時一樣冇重過)
要佢食多d, 原本盡量唔補奶粉, 就係俾醫生咁講,
就俾阿女啜完就補奶粉, 幾日後再去磅重時,
當然重返好多啦~

到上星期去健康院, 個半月大, 有4.4kg左右,
雖然姑娘話都仲係平均,
跟到生長線, 但我見人地bb重好多
自從陪月走左, 我比較決心唔再補奶粉,
bb喊會埋身餵, 但阿女好似食極唔夠,
就算食左40-45 mins都可以一鬆口又喊,
就算唔即喊, 都好多時1小時內又喊~
試過換片同抱佢都唔收聲, 好苦惱......

同埋見佢片片冇食奶粉時咁濕, 我有問健康院係咪ok,
佢話可能係bb 大便比較水, 小便會冇咁多~
我有話同補奶粉比較, 片片真係輕左好多, 姑娘又話應該冇問題

我個女而家7星期大, 佢
有時食25-30mims就吐返nipple出嚟. 有時食成個鐘都可以
我有時真係覺得好攰, 好想放棄呀!
我工人一見bb喊就同bb講「係咪餓呀?」
有時等bb瞓左落下街食少少野,
bb喊工人又打俾我, 真係好煩呀!
老公有時見bb係咁喊, 就會叫我補奶粉~
有時我都唔知bb係咪真係餓,'佢好似唔知飽要不停食~

有好多人話feed on demand, 但睇過有本書又話要定時餵
我都好想bb隔3小時食一次, 但真係唔係時時都得囉~

究竟要幾耐先可以定時d呀?? 我而家連出街行遠d都唔敢呀!

點評

SS0512 呢度好多媽咪支持你架，唔好放棄，你都一定克服到！發表於 11-5-31 18:49

0 0 0

私人傳訊回覆引用

jessiechen

子爵府

積分: 10328

2^#

發表於 11-5-30 14:50 |只看該作者

一係你試下泵出嚟餵, 一來知道bb到低吃咗幾多, 二來知道自己奶量, 我自己覺得知道bb吃奶的分量比較容易定時餵,
另外, 呢度好多媽咪都教要多啲比bb啜, 我自己因為一早已經係全泵, 所以開頭會泵得密啲, 等奶量會增加得好啲

點評

barracuda 泵出黎自己睇到安樂D,又可以令懷疑你唔夠奶既人冇聲出,都係辦法呀! 發表於 11-6-2 10:44

私人傳訊回覆引用

szekamama

大宅

積分: 3887

環保接龍勳章

3^#

發表於 11-5-30 15:02 |只看該作者

明白你, 連出街行遠d都唔敢....
餵人奶真係咁辛苦喎.

佢大d , 咁叻d, 力氣好d, 就會食快d 啦.
直路就在前面!
bb大, 氣力好d.咁又叻d, 就易好多.

俾多個心理準備你啦, 如果你返工, 第時要泵奶, 返工一大袋嘢, 放互又要一仆一碌咁拎奶返去, 仲辛苦

點評

jessiechen 身, 捱多幾個月啦發表於 11-6-2 15:28

Mowchingching 好彩帶定泵，即刻借房泵奶發表於 11-5-31 18:45

Mowchingching 我今日去整頭髮，坐了四五個鐘，個心好唔舒服，驚回奶發表於 11-5-31 18:45

私人傳訊回覆引用

Mowchingching

大宅

積分: 1133

4^#

發表於 11-5-30 15:15 |只看該作者

我最初都好沮喪，，同你情況一樣，食成個鐘都好似唔飽，家人又成日話補奶粉啦，你都唔夠奶！我都有補過，心諗當有時俾西餐阿b食，主食係人奶！好彩有一個星期，婆婆去旅行，老公要返工，無人阻止我隔一個鐘就餵，總之一喊就餵，因為我知我唔夠奶，唯有餵密d，好辛苦啊！都試過泵出來，簡直down，後來連泵都唔想泵，因為唔想知；都喊過幾次，亦想放棄，但我就成日上來BK，看見好多媽咪都克服到，我都想試下，我唔貪心，最初只是想餵到滿月，跟住好d，又想餵到兩個月，現在又得，希望餵到返工，下星期就返工啦！我預了奶量會降啦，因本身都唔多，不過有一兩餐都好啦！個心成日諗我好叻啦！好多朋友d bb一日人奶都無飲過（好衰硬係鍾意比較），阿b就三個月，餵得幾耐得幾耐！

點評

barracuda 加油,你會發現不知不覺又餵耐左,只要堅持就得架啦! 發表於 11-6-2 10:46

jenniecatcat 同我嗰時一樣! 見到泵出來嗰D就灰... 發表於 11-6-2 10:22

SS0512 支持你呀！你都好叻呀！發表於 11-5-31 18:47

gemiling 加油！發表於 11-5-31 16:18

LBPP 加油!! 發表於 11-5-31 16:18

私人傳訊回覆引用

竹兒

水晶宮

積分: 68335

認識瑞士牛牛第一回畀面勳章親子王國15週年勳章

5^#

發表於 11-5-30 15:29 |只看該作者

我都有試過pump, 真係睇見就唔開心, 兩邊加埋多數90-110ml, 頭60ml多數好快就有, 之後嘅奶真係死泵爛泵o架~

老公見到咁就更加覺得阿女係唔夠食囉~ 雖然我個口死話pump係冇埋身食咁多, 但其實個心都好鬼擔心個女唔夠食, 因為佢真係成鬼日都喊, 只有俾佢啜佢先收聲, 有時我都唔知佢係餓定搵我當奶咀呀!

我個心好想俾佢食到6個月, 我返工時佢會係3個月囉~ 我暫時只可以話返工前我會盡力埋身~ 返左工我真係唔知會點, 去公司邊度pump, 點儲奶, 我so far真係一d idea都未有呀!

我都知返工pump奶係好辛苦, 我都唔知捱唔捱到呀!

點評

Mowchingching ９０至１００好多啦！只要bb夠尿就得啦！喊可能是想抱抱發表於 11-5-31 18:39

私人傳訊回覆引用

kakabbq

別墅

積分: 806

6^#

發表於 11-5-31 14:04 |只看該作者

本帖最後由 kakabbq 於 11-5-31 14:04 編輯

如果...又可能..又咁O岩係猛長期,佢係要密密食,仲要食極都唔飽咁架.信自己!比佢啜啜就O岩勒,每個人奶媽都經歷過架.

點評

Mowchingching 但如果猛長期時，我返緊工，唔係成日可以埋身同泵到咁多次，咁未追唔到發表於 11-5-31 18:36

私人傳訊回覆引用

Mowchingching

大宅

積分: 1133

7^#

發表於 11-5-31 18:41 |只看該作者

gemiling，LBPP多謝你們啊！

私人傳訊回覆引用

Mowchingching

大宅

積分: 1133

8^#

發表於 11-5-31 19:01 |只看該作者

SS0512 ，多謝你啊！

私人傳訊回覆引用

肥豬豆豆

大宅

積分: 3232

9^#

發表於 11-5-31 19:05 |只看該作者

回覆:借個位呻下

泵出嚟少過埋身啜，仲要睇你用咩泵，e.g.: freestyle 泵出嚟多過mini。

唔好諗咁多，只要啜得啱位，一定夠奶，要記住冇奶媽唔夠奶，用錯方法同唔夠自信先會搞到自己唔夠奶。去健康院搵餵奶姑娘一定幫到你。

我覺得定時餵或feed on demand要睇BB自己，我個B兩樣都試過，feed on demand佢會扭少啲同食多啲又瞓得耐啲。

加油呀，奶媽路上會不斷遇到困難，我雖然做到全人奶但仍有些問題未解決，我冇俾壓力自己，總之餵到幾耐得幾耐，餵到幾多得幾多。

私人傳訊回覆引用

kakabbq

別墅

積分: 806

10^#

發表於 11-5-31 19:25 |只看該作者

Mowchingching :
猛長期通常3個月前會出現架勒播,唔洗咁擔心,你諗諗..可能已經出現過勒.

私人傳訊回覆引用

竹兒

水晶宮

積分: 68335

認識瑞士牛牛第一回畀面勳章親子王國15週年勳章

11^#

發表於 11-6-1 21:49 |只看該作者

本帖最後由竹兒於 11-6-1 21:56 編輯

回覆肥豬豆豆的帖子

我用過mini, 唔得, 真係好少
之後買左avent手泵, 好左好多, 最多120ml, 一般都係90ml, 其實我用freestyle都係咁上下, 只係時間上快d, around 15-20 mins就ok, avent就起碼要30mins先有囉~ 同埋用freestyle唔駛手痛頸痛

我都有搵過健康院姑娘呀! 佢話冇問題, 只係有時bb個口張得唔夠大囉~

而家bb已經食到150ml (奶粉的話), pump就多數得90ml, 都唔夠食

人奶片片多數要兩餐加埋先叫重d囉~ 大便so far日日都有, 但好似今日咁so far只係得一次, 平時at least有四次~

我都成日同自己講冇人會唔夠奶, 如果個個都話唔夠奶, 以前好多人都餓死左, 哈哈!! 不過自己都總有好灰嘅時候

同埋而家又煩緊唔知點儲奶囉~ 遲下返工都唔知點算

私人傳訊回覆引用

nono9hk

洋房

積分: 100

12^#

發表於 11-6-1 22:53 |只看該作者

我bb依家半個月, 我全人奶全埋身無補過奶粉, 只要佢想食我就會比佢食, 有時個幾鐘一次, 如果佢訓得好, 可以兩,三個鐘先醒要食, 我一直都同自己講自己係夠奶比佢,但奶奶每次只要見到佢個嘴打開伸俐仔, 佢就會話阿b肚餓,就會話我唔夠奶比阿b食.真係好打擊我, 我唔介意成日喂阿b, 但聽到奶奶咁講反而另到我好唔開心.
有時我比阿b佢食就只係啜幾下就唔啜訓左, 一抱起佢就吐奶,我唔知佢係未食得太多, 只要輕輕抱起佢就嘔奶,近呢兩日佢嘔奶的次數多左好多,令到我好擔心....

私人傳訊回覆引用

肥豬豆豆

大宅

積分: 3232

13^#

發表於 11-6-2 00:34 |只看該作者

回覆 nono9hk 的帖子

我個B之前都成日嘔奶, 試過食幾多嘔幾多. 我買過B-Free防風奶樽, 試過掃風掃耐啲多啲次數都唔得, 食肥仔水去風水, 又走去睇醫生...咩都冇用, 到咗三個幾月先至嘔少咗.

私人傳訊回覆引用

szekamama

大宅

積分: 3887

環保接龍勳章

14^#

發表於 11-6-2 09:50 |只看該作者

回覆竹兒的帖子

唔駛咁擔心啦,我開始時都係半安一安咁儲奶咋. 少少都唔好浪費, 泵下泵下真係會多奶ga.

私人傳訊回覆引用

jenniecatcat

水晶宮

積分: 56409

15^#

發表於 11-6-2 10:38 |只看該作者

竹兒發表於 11-5-30 14:40
我個女由10日大時, 健康院話佢重得差, (同出世時一樣冇重過)
要佢食多d, 原本盡量唔補奶粉, 就係俾醫生咁講 ...

個半月大, 好多時1小時內又喊>>我覺得係猛長期, 一日要餵16餐!!!

工人一見bb喊就同bb講「係咪餓呀?」>>唔好理佢, 問佢你餵過人奶咩? 我個工人餵過人奶, 佢係從來冇講過呢D野!

有好多人話feed on demand, 但睇過有本書又話要定時餵
我都好想bb隔3小時食一次, 但真係唔係時時都得囉~>>>>>太細個啦, 未做到定時架, 我嗰時情況都係差不多, 亞B要去到3個月先叫做定時D. 加油呀, 佢會自己慢慢定時架.

反工儲奶>> 唔好想咁多先啦, 到時先萛啦, 亞B大D又唔同架啦, 仲有, 好多窮媽反工都係泵一日食一日架, 係好驚架, 鬼叫我地窮...不過可能你泵下泵下變富媽呢?!

我的最愛: 老公, 仔仔, 同來緊既女女, 老豆

私人傳訊回覆引用

barracuda

大宅

積分: 1565

16^#

發表於 11-6-2 10:56 |只看該作者

回覆 nono9hk 的帖子

我阿 B 3 個月時嘔到可以飲120ML, 嘔番 70 ML 以上, 無得避要補奶粉, 醫生睇過晒都冇乜用, 後尾有個醫生直頭叫我餵少 D 人奶, 餵一隻特別俾嘔奶B食既奶粉 (隻奶粉係杰身D). 我連果隻奶粉都買埋架啦, 但始終唔想用, 諗住下星期先開始用啦, 飲完奶就叫姐姐抱住阿 B 唔俾佢訓低住, 拖下拖下, 阿 B 到左 6 個月就開始好好多. 而家我連罐奶粉都捐埋俾食物銀行啦!