美容扮靚今日: 7|主題: 136715

收藏本版

發帖

返回列表

跳至頁

查看: 1085 | 回覆: 10

我又分享做咗穴位埋線後的感覺 (加咗相, 可能令閣下情緒不) [複製鏈接]

bubblegummy

子爵府

積分: 13970

1^#

發表於 11-8-24 19:40 |只看該作者 |倒序瀏覽 |打印

本帖最後由 bubblegummy 於 11-8-25 10:37 編輯

(以下紅色字的係後加部份)

首先講下自己先：163cm高，約51kg，中等身形。想做穴位埋線係因為生咗兩個小朋友之後，肚腩大又鬆，同肥咗係大腿同上手臂，做運動打拳都無咩用，所以就試下呢個方法，睇下可唔可以等啲肉實返些

今日去咗荃灣嗰間做，入到去得我一個，所以好快有得見王醫師（女），經佢望聞問切加把脈後，就入咗診治室，除褲（不用除衫 & panty）。佢同姑娘好快入咗來，姑娘同我消毒要施針的部位，而王醫師就準備工具入線。支針睇落有啲似醫院＂種豆＂用的針咁。我問佢＂一陣會點做呀？＂嗰陣，佢已經針咗一針落我肚到，再答我＂唔知點描述俾你知好。＂

咁我就答佢＂睇完你做就知喇。＂如是者係咁俾佢＂插、抽、補線＂咗一輪，就完成了。當然，姑娘仔係佢插完一針後，就即時幫我消毒加貼膠布，而事後就話我知要點做 (如隔幾多個鐘先好沖涼, 唔好食生冷野等)，都幾細心。

埋完線後就再問佢頭先的診斷，佢話我個人熱加血氣虛，不過我無拎藥，因為想下次買療程時先用。

整個過程我一其埋咗 43 針, 分佈係肚腩 (15針), 上手臂 (10針), 大腿 & pat pat (18針), 王醫師話我唔算埋得多針, 只係個肚真係比較多肉。

事後感後補

事後感:
1. 入到去間診所俾我的感覺係光猛乾淨, 感覺良好, 而且唔hardsell (比如我唔要藥佢地都無問題, 又唔會 lur 人開 course), 亦真係因你個人的體格而施針。

2. 診症時醫師不大多說話, 係會問你有咩唔妥 (比如經期正常嘛, 有無咩頭暈身慶等), 由於我個人本身好少病, 所以都無咩野問佢, 如果你們係想順道調理身子的, 可先諗定自己有咩唔妥, 等佢可以配適合你的藥俾你服用。

3. 拮針時的感覺: 唔太痛 (係無麻醉的), 真係好似係醫院種豆咁嘅感覺, 不過你係絕對feel到支針係插得幾深, 同埋一插咗針你就會感到 "啾" 咗一下 (醫師將針頭推落埋條線入你身體)。不過係快的 (我睇 + 埋線只係用左 30分鐘就走得), 而埋針其間佢都係少說話多做事, 不過都有同我傾下計。

4. 身體感覺: 做完個刻有某啲針孔比較痛同踵咗少少, 但大致上都係淵淵痛, 好似你好耐無做運動突然狂做兩個鐘運動咁嘅感覺。今日 (第二日) 就覺得係肌肉酸痛咁嘅感覺, 要好慢咁坐同起啦。

總括來說, 我應該會係兩星期後再去, 同埋醫師都講過唔好expect埋一次就見效, 我期望係埋多兩次可以收工。