時政擂台今日: 15|主題: 60089

收藏本版

發帖

返回列表

跳至頁

查看: 263 | 回覆: 1

有冇有一個政府部門係監察法官嘅判決? [複製鏈接]

賽姬

子爵府

積分: 11083

1^#

發表於 11-11-11 11:59 |只看該作者 |倒序瀏覽 |打印

其實我想知到底有冇一個咁嘅部門, 如果市民有疑問或者不滿法官判決, 除咗上訴仲有冇其他方法? 好似之前Amina 襲警案咁, 就因為法官嘅判決太輕, 令市民不滿, 引起民憤, 最後由律政師要對此案提出覆核. 咁如果律政師唔提出嘅, 我哋市民又可以點做?

我有個朋友因為前夫係出面有女人所以離婚, 咁係攪離婚嘅過程中, 係打財產個部份時, 因為要提交晒所有嘅財產資料出嚟, 由個法官去判點分配, 咁我嘅朋友佢就由佢同前夫分開之兩年嘅財務資料一一程上, D大數一出一入都好清楚, 但係, 相反嘅係佢前夫條數, 好多數出咗嘅都解釋唔到, 特別係一條幾十萬嘅數, 我朋友未搬出佢屋企時, 睇過佢嘅銀行Statement Balance, 所以好清楚佢嘅財政狀況, 不過, 當打官司時, 佢嘅 Statement
只係剩返幾萬蚊, 原來佢係我朋友搬出去後, 係銀行Draw 走咗幾十萬, 而戶口長期只係keep 住幾萬蚊往來, 而我朋友都有就E 點透過律師向法官提出, 要求佢解釋D錢去咗邊? 佢最後都係無解釋到, 但係, 當個官判決時, 係要我朋友比返錢佢前夫, 而個法官就無理到佢前夫Draw 走嘅錢, 佢可以袋袋平安, 個刻真係覺得好唔公平. 其他嘅朋友就話E位當事人咁蠢, 點解係打官司前唔Draw 走D錢, 但係大家又點會諗到個官會咁判. 我朋友都有問到律師唔滿意個官判決可唔可以投訴, 律師話唔得, 只可以提出上訴, 又要再攞錢出嚟打, 仲唔係一定win, 我個朋友覺得打官司D錢好似燒銀紙咁, 好浪費, 所以最後都無上訴. 但係, 大家就覺得好唔公平.