少年成長今日: 3|主題: 15861

收藏本版

發帖

返回列表

跳至頁

查看: 900 | 回覆: 4

求救！升小一後完全變 [複製鏈接]

家希媽媽

別墅

積分: 523

1^#

發表於 12-9-14 23:03 |只看該作者 |倒序瀏覽 |打印

各位家長請指點我，我已經無晒辦法
小朋友6歲，剛上小一！返學10日，今個星期，已經發生兩三件事而被人投訴，因為排隊同同學玩而整到其他同學！昨日就收到佢撕爛同學本書其中一頁，又整爛人地借俾佢嘅鉛筆，針對呢兩件事，我又心平氣和地同佢傾，叫佢解釋！佢同我講嘅版本係，係同學先整巢佢本書，所以佢先撕爛佢一頁！在於呢件事，有報復心理已經唔好，所以教番佢唔可以咁，整爛人枝筆嘅版本係佢同學枝鉛筆芯已經鬆鬆地，佢寫字又大力，所以就整斷！
好喇！今日班主任打俾我，經佢調查過，我個仔係講大話！係佢唔鍾意人話佢佢就撕爛人地本書，而同學再整巢佢本書;枝筆就係佢專登整斷！班主任仲同我強調佢好鍾意講大話！天啊，我唔會話佢無試過講大話，但只係一次半次，而事後我也有強烈同佢講唔可以講大話！而佢在幼稚園時嘅表現唔係咁，我完全無諗過一上小學10日就變到咁！我聽到之後真係喊到傻左！

各位家長，可以教我點指導佢唔好再錯？唔知點解，我覺得佢係情緒方面引發佢嘅啲行為！我每天都有問佢開唔開心，佢真係報好不報曳，成日話開心，令我真係以為佢慢慢適應到小學生活