又一城果間只可以餵人奶, 餵奶粉/ 換片唔用得0架, 同埋好嚴, 只可以媽咪同bb 入去, 其他人唔入得 (即使入面無人), 但因為管得嚴又要人黎開門至入得, 次次用完馬上有人清理, 所以環境超乾淨企理舒服, 十級好!
新元朗中心果間幾頹, 坐摺掎, 好細, 有少少嗅 (可能通風不太好), 但勝在無人管, 爸爸一齊入去都得, 又唔使 key. 同埋佢聲稱如有需要可向詢問處拿尿片, 不過我未試過。
屯門市廣場元綠旁有間bb 房, 都無人管, (0的人等位食野等到累會入去坐下...), 用拉簾形式隔開一格格餵奶, 有兩張床換片用. 但因為可以容納四五個「家庭」, 同埋0的爸爸又可以入埋去, 所以餵人奶就無0甘方便, 感覺好多人響度0甘...
原文章由 BB618 於 07-7-23 16:22 發表
自從上次係開放式育嬰室餵奶既經驗
我宜家行商場會以有乾淨既育嬰室為主
各位媽咪可唔可以分享下各個商場既育嬰室情況,
等大家人奶媽shopping時可以選擇
唔駛到時要係惡劣環境下餵奶
謝謝
商場.... ...
@ 如果有錢有社會地位先至會被人喜愛,呢個世界就太可悲了 @