吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 7日B餵人奶餵到BB又乾又黃到入院

母乳餵哺今日: 0|主題: 85693

收藏本版

回覆發帖

返回列表

跳至頁

查看: 1259 | 回覆: 14

7日B餵人奶餵到BB又乾又黃到入院 [複製鏈接]

weddingitems

大宅

積分: 4800

1^#

發表於 15-1-27 22:47 |只看該作者 |倒序瀏覽 |打印

我順產完兩個鐘後即刻埋身餵，跟住2個鐘後又諗住去餵，但去到BB房前我突然暈同嘔，結果姑娘叫我唔好餵住。如是者兩個鐘後我又去餵，每次每邊啜15分鐘，冇補奶粉。到第二日姑娘話阿B有啲乾，24小時都冇濕片，咁佢哋就等我埋身後餵少少奶，我都做到2個鐘埋身一次。但冇幾耐話佢黃要照燈，照咗一日OK就出院。第二日去健康院，醫生話佢黃到24x，要入急症。。。我哋同佢去睇私家，抽血黃到335，照咗兩日燈，體重跌咗8%。其間我喺屋企每兩個半鐘每邊泵15分鐘，加埋先得20ml。
而家返到屋企，佢唔肯埋身，啜3分鐘就唔啜，淨係訓，想補奶粉都唔啜奶瓶，又唔夠濕片，都唔知點好。。。
好似餵人奶害咗佢咁。。。而家好無助

0 0 0

私人傳訊回覆引用

Sfleung0721

禁止訪問

積分: 3525

2^#

發表於 15-1-27 23:40 |只看該作者

回覆：weddingitems 的帖子

提示: 作者被禁止或刪除內容自動屏蔽

私人傳訊回覆引用

yoddo

大宅

積分: 3900

3^#

發表於 15-1-28 00:45 |只看該作者

本帖最後由 yoddo 於 15-1-28 00:54 編輯

weddingitems 發表於 15-1-27 22:47
我順產完兩個鐘後即刻埋身餵，跟住2個鐘後又諗住去餵，但去到BB房前我突然暈同嘔，結果姑娘叫我唔好餵住。 ...

樓上回覆講得岩，無力食奶，用針筒喂啦。唔好啜啦。當然，喂幾野就要掃風，如果唔係好易全數嘔曬。
我個bb就係食人奶，我係醫院開頭有叫護士補奶粉，但成日喂完返黎都嘔突，要我再埋身喂。

跟著照燈照左兩日。佢返黎我身邊都係情願選擇埋身都唔鐘意奶粉。

食人奶係會黃。我個bb黃足兩個月，但只要唔超標就可以繼續喂。
我都因為bb黃，照過燈，兩個月後要入院驗肝功能。但只要肝功能無事，就唔使太擔心。其實姑娘都有講，肝功能，每個初生bb都未發育健全，需要一段時間，所以黃仔，係超過一個指數需要特別留意。其他出得院唔使照燈嘅只係黃嘅指數比較低。唔須要因為黃就停人奶。其實補奶粉，都唔一定會影響喂母乳。如果bb太黃，喂奶粉係會快d退黃。只要你係喂奶粉嘅期間，仍然泵奶，仲有人奶，你可以隨時喂返人奶。唔使刻意一定要全人奶，等時間慢慢過去，你同bb會夾到可以全人奶，或者唔使全人奶都無所謂。

私人傳訊回覆引用

ejb

大宅

積分: 2213

4^#

發表於 15-1-28 02:26 |只看該作者

回覆：7日B餵人奶餵到BB又乾又黃到入院

我都面對差唔多既問題。見到阿b因為自己既堅持全人奶搞成咁,,,好心痛。所以最後我決定埋身加補奶粉。希望佢退黃先,,有力先可以keep 住埋身。今個星期5覆診,希望退黃啦！
你都要加油 !!!

私人傳訊回覆引用

kt55

大宅

積分: 2205

5^#

發表於 15-1-28 02:57 |只看該作者

回覆：7日B餵人奶餵到BB又乾又黃到入院

我bb現在個幾月大。
一個多月前我都同你一樣，為bb黃疸+餵人奶問題而壓力超大。我當時未上奶，bb又唔夠濕片又黃又唔夠食勁喊。我仲記得我半夜餵完佢都勁喊，然後推去育嬰房問姑娘點算，個姑娘叫我擺低去訓覺休息，我就問姑娘，我bb食唔飽喊到咁要佢喊個幾鐘到下餐？我間房在育嬰房隔離，成晚一聽到有bb喊就覺得係自己個仔因為自己唔夠奶令佢受苦，我都喊埋一份。
然後有個好岩傾，好有經驗同好肯教我野嘅護士長黎同我講聲話補一餐奶粉先啦好唔好，我信佢決定就補左。到過多一兩日我開始上奶bb就食得愈來愈好。
現在係全人奶，但黃都未完全退晒，醫生話正常我就無理了。
樓上jm都講晒了，bb黃會成日訓，唯有盡你所能去整醒佢，掃風/換片/唔好食奶時著太多衫都有幫助，加油！

私人傳訊回覆引用

kalulu20

別墅

積分: 733

6^#

發表於 15-1-28 04:30 |只看該作者

回覆：7日B餵人奶餵到BB又乾又黃到入院

其實人奶係好，奶粉都唔係毒藥，補下奶粉可以幫到bb又幫到你。。追全人奶可以慢慢黎，只係7日人仔，啜又未學得識，可能有奶唔識飲，又或者真係唔夠奶，好多可能性，唔好咁大壓力，bb食得飽退黃，同埋你自己休息都好緊要

我生完堅持全人奶，b黃要照燈，去左醫院10日，最後都係補奶粉。。滿月已經全人奶，諗番轉頭bb啱啱出世真係唔識啜，又周圍擰，要夾硬噤佢個頭啜，啜1陣又瞓，又攰又擔心。。大d就會好d... 加油。。

私人傳訊回覆引用

man_325

大宅

積分: 1188

7^#

發表於 15-1-28 06:54 |只看該作者

回覆：7日B餵人奶餵到BB又乾又黃到入院

我個時bb又係黃掛住訓，啜5分鐘就停，個胸啜完都唔鬆，都好擔心，不過相信母乳，所以密密餵，後來濕片唔夠就泵出來，bb要時間適應又樽又埋身
你屋企有無人幫你呀？你自己都盡量休息，加油，你會做得比我更好

私人傳訊回覆引用

weddingitems

大宅

積分: 4800

8^#

發表於 15-1-28 08:14 |只看該作者

多謝大家嘅回覆。我而家餵30(淨係餵一邊)就俾老公補奶粉，跟住我就泵下啦，因為BB hea住同訓住啜，啜完冇鬆胸。
想問大家點樣過渡？堅持咁樣就可以？

私人傳訊回覆引用

weddingitems

大宅

積分: 4800

9^#

發表於 15-1-28 08:21 |只看該作者

另外邊度有得買針筒？

私人傳訊回覆引用

matse

大宅

積分: 1042

10^#

發表於 15-1-28 08:49 |只看該作者

回覆：weddingitems 的帖子

其實每個bb都會經過黃疸&唔識啜嘅個階段。唔洗咁擔心，只要妳比佢密密飲黃疸一定退&一定識啜。我個b雖然唔洗照燈但我都差不多隔日要去母嬰院check黃，check咗兩個星期先達標，但體重就麻麻地。我個b一個鐘飲一次，二個鐘飲一次，佢想飲我就比佢飲，最後滿月去母嬰磅重時體重都達標啦！唔好灰心呀！努力加油！

私人傳訊回覆引用

matse

大宅

積分: 1042

11^#

發表於 15-1-28 08:51 |只看該作者

回覆：weddingitems 的帖子

針筒係藥房或買健康及醫療用品店有得買

私人傳訊回覆引用

兜兜要轉轉

大宅

積分: 1536

12^#

發表於 15-1-28 10:27 |只看該作者

本帖最後由兜兜要轉轉於 15-1-28 10:27 編輯

po主你唔好擔心，唔好覺得自己害阿b，唔好影響心情影響產奶，我初初都同你一樣，阿仔要入醫院照燈，體重跌14%，我當時仲驚，因爲阿仔埋身食幾多我唔知，但奶樽喂，半小時1小時都係得10ml,20ml，完全唔明點解，但我泵出來又肯定夠，之後先發現阿仔唔識食奶樽，個奶嘴係條脷下低

你用匙羹或者針筒喂，慢慢有返力就埋多d，多埋多奶，有需有供架！
我仔兩嵗啦，仲有兩餐比到佢，你加油努力啊，唔好放棄同自責

私人傳訊回覆引用

ddbb0099

男爵府

積分: 8477

13^#

發表於 15-1-28 13:24 |只看該作者

回覆：weddingitems 的帖子

我B領幾日人奶，但BB一路啜一路喊。過2日check 到好黃要入院，我唔入，回家泵奶，夠一餐用樽餵，其他補粉。2日後check 已退黃，其後做全泵媽，around bb 2mths 又try俾bb 埋身，原來大個仔咗啜已經識同唔喊唔反抗，現半泵半埋身。唔好太在意全人奶先。依家應盡快解決BBd黃先，黃會成日瞓，瞓又唔願食，好難好。唔好返你又擔心