大仔大女媽媽會

收藏本版
發帖
返回列表
跳至頁

首頁
1

尾頁
   0
kayan1130


男爵府

積分: 8521


1#
發表於 08-5-24 21:27 |只看該作者
我啊B係嚴重既濕疹B,情況時好時壞,每次帶親啊B落街,D人見度都係度嘩嘩聲指指點點...成日都係度問睇左醫生未呀?點解會咁嚴重GA?試過有次係酒樓俾個點心呀姐係咁問,每次經過就問一次,大話話都問左成五次咁多,真係你唔煩我都煩啦... 我知佢係出於好意,但係就真係攪到人好反感囉...
而家c6唔駛返工,佢為左唔俾啊B夜晚瞓覺個時R面,就成晚抱住佢瞓,面第二朝就到我抱佢瞓...不過兩條友仔都係唔夠瞓GA...
BB LEE排唔知係咪熱呀,所以好扭計呀,係開冷氣個時先話無咁扭咋...但係都無理由一日24小時都開住GA嘛...唔嫌電費貴呀,部冷氣都好易跪低啦...
有時個人攰得滯真係好想俾啊B人地湊一日,當係休息下都好丫,但係又唔放心喎,都唔知點好...而且而家啊B有時會噯極佢都係咁喊,攪到人心都煩埋,每當有D咁既時候,我就會好大力咁打啊B個PAT PAT幾下,可能我而家有左個人好燥底啦,LEE個月我已經打過啊B個PAT PAT三次喇...mouth: 不過我啊B有樣野就好衰既,係都要人抱住佢行黎行去,一坐底就即喊,真係俾佢打敗...
個人而家就愈黎愈燥底,我驚10月B女出世個時,隻臭豬豬已經俾我打屎左喇...
各位媽媽,你地話我究竟點好...
私人傳訊

溋溋


水晶宮

積分: 52403

育兒性格勳章 畀面勳章


2#
發表於 08-5-24 22:13 |只看該作者
別想這麼多!其他人點講咪又佢囉!無論個bb幾完美都好都會有人話架啦!去酒樓時果d大嬸如果係咁講你可以發佢脾氣架嘛!得閒咪搵人傾下計囉!而且我bb呢輪都好扭呀!可能出牙仔唔舒服啦!而且抱住訓都唔係辦法，咁樣你情緒好易失控!我的bb由兩個半月開始唔知做乜係要扭我推佢落街訓，果時我幾乎顛咁滯呀，好在而家好少少咋!所以痛苦的日子總會過去的，尤其是你現在還有孕要保持好心情呀!
私人傳訊

HippoStore


大宅

積分: 4084


3#
發表於 08-5-24 23:44 |只看該作者
我pm左個醫生info比你,希望幫到你丫~

原文章由 kayan1130 於 08-5-24 21:27 發表
我啊B係嚴重既濕疹B,情況時好時壞,每次帶親啊B落街,D人見度都係度嘩嘩聲指指點點...成日都係度問睇左醫生未呀?點解會咁嚴重GA?試過有次係酒樓俾個點心呀姐係咁問,每次經過就問一次,大話話都問左成五次咁多,真係你唔 ...
親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。
私人傳訊

penny998


大宅

積分: 2494


4#
發表於 08-5-25 11:06 |只看該作者
唔好咁啦! 湊bb有時就係咁, 我都試過bb半夜喊醒係咁扭, 都打過佢pet pet架, 我都怕佢大d, 我會一野"車"埋去添呀!
我想問你bb出世時, 你有無用"金銀花"同佢沖涼呀! d老人家話要沖足到滿月, 咁樣bb第日d皮膚就會好好多, 無咁易生野生粒粒架! 我囡囡個時有沖架!
如果傑傑無, 第時佢妹妹你就試下啦! 我覺得係work架, 因為早上兩個月, 我自己又係突然身痕, 比我 r 到流血添呀! 痕左成2星期, 茶左藥膏都唔work, 婆婆之後試下煲左一星期金銀花水比我沖涼, 最初都以為唔work架, 因為沖緊個段時間仲係好痕, 不過沖左7日後, 慢慢覺d粒粒謝左, 過多一星期就無痕嘞!
我聽收音機, 苑仔(苑x丹)而家有時無瘋show快活人開咪, 佢都有介紹過"金銀花"水沖涼架!
如果你bb真係好嚴重, 西藥唔work既, 就試下用金銀花沖涼啦! 不過一次唔得架, 起碼沖一星期先有效架, 中草藥係慢d, 但係work囉!

私人傳訊

man7099


子爵府

積分: 11298


5#
發表於 08-5-25 15:59 |只看該作者
你好勁呀!!!咁都有勇氣同咁快生第二個,
真係要比10個叻你
我個囝出世頭三個月時成日嘔奶,就算飲完二個鐘, 一放落床就嘔奶
所以要抱住瞓
到四個月佢無嘔得咁嚴重時就訓練佢自己瞓
但可能習慣咗, 佢每晚都會醒2-8次, 要比奶咀氹先再瞓
有時仲醒足三粒鐘唔瞓
我哋兩個都要返工, 所以我好攰好忟時都有試過大力拍佢pat pat
拍完自己又過意唔去
做父母就係咁ga啦
最重要係老公支持同分擔
總會有捱過的一天, 加油呀
仲有, 你可以試吓用一隻叫愛麗她的 "沐浴油"
在萬0, 屈人錢都有得賣
雖然個名好"娘", 但是醫生推介
我個囝用咗皮膚好咗好多
努力堅持, 撐住呀!!!
私人傳訊

odong


複式洋房

積分: 337


6#
發表於 08-5-25 21:46 |只看該作者
原文章由 kayan1130 於 08-5-24 21:27 發表
我啊B係嚴重既濕疹B,情況時好時壞,每次帶親啊B落街,D人見度都係度嘩嘩聲指指點點...成日都係度問睇左醫生未呀?點解會咁嚴重GA?試過有次係酒樓俾個點心呀姐係咁問,每次經過就問一次,大話話都問左成五次咁多,真係你唔 ...


唉~「家家有個難搞的B」，個個bb都有d濕滯野ga la~
我好紋憎時都有試過大大力咁pet佢，跟住佢眼仔水汪汪咁望住我，我都有內疚ga~睇左幾個mama講，先知原來係好多人都經歷過......
你同自己講，過渡期黎o者，好快無事ga la~
希望你可以放鬆d啦~
私人傳訊

gigix0114


複式洋房

積分: 101


7#
發表於 08-5-26 01:30 |只看該作者
我3 個B 都有濕疹,都係好耐先退晒,有時冇,有時又有,大女個時都好緊張,但經過咁多次經驗,原來係唔駛咁緊張.....
醫生話如果爸爸媽媽有皮膚敏感&"避"敏感,BB就好大機會出呢D 粒粒,而且好多BB 都有,會退既,但因人而已,有D 成歲都仲有架,最緊要乾淨D 囉,唔好接觸刺激到BB 既物料,
你放心啦,BB 遲D 就會好靚仔架喇...
私人傳訊

yanyanma2007


大宅

積分: 2877

畀面勳章


8#
發表於 08-5-26 10:08 |只看該作者
傑傑媽你唔好甘啦，其實好多媽媽都試過系甘樣啦，其實老實講呀，有邊個甘好呀，湊BB時會無皮氣呀，皮氣更好既人都會有紋憎既時候，自己要識得平行反，尤其你依家大肚，更加要注意。
亞B岩岩出世時真系好難湊，每晚要抱住訓，仲要不停搖，有時搖抱仲要不停喊，都唔知佢想点，我都試過好多次打pat pat，打完之後自己又好後悔甘錫返。所以你一定要撐住，堅持落去……
我亞B出世時沖足一個月名叫“山甘草”既草藥煲水沖涼（系唔比溝凍水），亞媽話沖左呢D BB既皮膚會靚D，無濕疹，亞B沖左之後都試過有小小濕疹（因為我老公系有濕疹好犀利過只），不過亞B都好快好返曬，直到依家皮膚都幾好。
私人傳訊

carolliu


大宅

積分: 1705


9#
發表於 08-5-26 16:42 |只看該作者
傑傑媽~~家有濕疹b真係好煩同埋會多好多野做, 我兩個都係濕疹b嚟, 仲要街外人見到以為自己唔識同唔搞就真係好鬼傷心, 阿仔果時我又係自己湊, 有時湊到真係想殺鬼咗佢~~
不過慢慢嚟啦, 佢地bb期真係好短架咋, 忍忍下就過架啦....你而家又大著肚唔好咁忟啦...

關於濕疹...我阿女都係嚴重濕疹, 真係搞到頭都大, 成日出水出血, 之前仲要縛住佢對手嚟訓等佢冇得"R"冇得摔(一摔就成頭血水架啦)到而家成7個月都係要戴手套 , bb又唔舒服又痕又忟憎就一定成日喊~~
但一定要睇醫生, 搽類固醇都要, 你諗下, 你避咗唔搽但bb就不停發炎, 又痕就仲衰過唔搽..總之跟足醫生指示就ok. 另外唔小得就係不停同佢搽補濕cream等佢冇咁惡化.

沖涼就日日都用金銀花 (再留起一d嚟得閒就同佢抹下面仔)~~ 大囝果時就加土銀花, (但阿女唔用得土銀花會更加紅), 阿囡就加白匊花...就真係有d幫助...
如果出水出血勁果時就用 "六一散 + 甘草粉"(係藥房有架, 好平)
一日up佢幾次好快收水....

另外屋企所有毛公仔都要收起, 我同阿囡張床肉仲用d膠袋封實哂至舖床單, 總之令佢有機會敏感都減都最低 (盡量啦, 邊得嚟跟到咁足丫, 總之盡咗自己能力就算架啦)

唉~~真正嘅濕疹係長期戰嚟~~
放鬆d, 慢慢嚟~~唔好太迫自己law

私人傳訊

vienchan


禁止訪問

積分: 8260


10#
發表於 08-5-27 11:31 |只看該作者
提示: 作者被禁止或刪除 內容自動屏蔽
私人傳訊

EricaSin


別墅

積分: 642


11#
發表於 08-5-27 11:56 |只看該作者
bb有濕疹, 就真係幾慘ga, 唔只bb辛苦, 就連屋企人都辛苦ga
我姪仔都係有嚴重濕疹, 真係好犀利, 成日訓覺就''R'', ''R''到損曬, 又訓得唔好, 皮膚又損, 又痛, 訓得唔好, 變左唔吸收, 又瘦....但都無辦法, 唯有再比D心機, 同埋試多D唔同既辦法.
我有幾個建議比你, 你可以參考下, 因為我姪仔都試過依D辦法, 係真係好左好多.

1) 唔用毛毛物品
2) 所有床單, 被套, 每四日洗一次, 用60度熱水浸下先
3) 所有衫褲襪都要每日更換, 都係同樣用60度熱水浸下先
4) 沖涼可以用片糖煲水沖涼, 又或者用金銀花沖, 不過我覺得片糖效果好似好D, 潤D, 如果唔用片糖沖涼, 可以用愛麗她沐浴油, 但係我都係覺得片糖好d, 天然d, 無化學野ma
5) 沖完涼一定要全身楂CREAM, 沖完涼楂豬油膏, 然後中午 & 夜晚就楂 aqueous cream, 因為身體太乾, 所以佢地會痕, 所以一定要楂得密d. 保持皮膚濕潤
6) 太熱 or 太乾燥都會令濕疹變得更嚴重
7) 我姪仔有睇開西醫 及中醫, 兩個都好好既, 中醫就話如果bb兩歲前比佢睇, 濕疹可以好番既機會有9成, 但係太遲睇, 就只可以令佢無咁嚴重, 但我姪仔around 5歲先睇佢, 所以只係無咁嚴重, 不過有人會驚咁細個bb可唔可以睇中醫, 你可以自己考慮一下, 如果有需要, 我可以比電話及地址比你
8) 另外我姪仔o係屯門睇開一個西醫, 佢係開一d無類固醇既藥膏同一d特別既沖涼液比我姪仔用, 支沖涼液街無得賣, 但係真係覺得好左好多, 當然都係有藥食la, 不過你都可以考慮一下
9) 唔好食含豐富蛋白質既食物, 例如雞蛋, 燕窩, 海鮮等等

我姪仔睇中醫成效都好好, 但係需要調理既時間要長d, 所以又貴d, 睇西醫成效就快d, 同埋平d, 但係就無得調理, 因為濕疹其實係由體內發出, 所以都要調理好身體先可以完全更治, 不過你bb咁辛苦, 我建議你用快既方法先, 等佢舒服d, 再慢慢調理,

濕疹係長期鬥爭你要加油呀, 有需要, pm 我, 問我攞地址.
私人傳訊

kayan1130


男爵府

積分: 8521


12#
發表於 08-6-7 04:54 |只看該作者
多謝各位支持同關心先,不過我都係好驚啊B會俾我同c6打死呀,事關佢都頂唔順,話就黎精神"奔"潰喇...:;pppp:

carol~我想問你,你而家仲有無綁住你個女瞓ga?我個B綁黎都無用,佢識得自己就位放返隻手上面到係咁r....真係唔知話佢叻好定話佢醒過頭好,超無奈...我個b唔受得類固醇呀,一搽塊面仲衰...唔搽返而ok喎~佢個身呀,手手腳腳呀,已經好返哂喇~最靚係個背脊,又白又滑,我同我c6都話,如果啊B塊面可以好似個背脊咁就好喇~佢而家係爭塊面囉,簡直重災區呀...最好個時都係話塊面比較乾同有D紅咋...出水無比佢捽過塊面都唔會既,個心口仔係有時扭計扭得勁或者太熱先會紅囉,不過好快都散GA喇....

有時我都想同啊B落下街行下,等佢無咁悶GA,而且佢又好鬼鍾意落街GA,知有街出呢,就算喊緊都會唔喊GA~但係有陣時放佢落BB車,行行下佢就會搵BB車個兩條帶左捽右捽,左磨石磨,攪到塊面又出哂水,唔俾佢捽個時,佢就勁扭計,係度狂喊,仲要尖叫個隻喊,耳膜都俾佢震穿呀真係...D人就個個望哂過黎而為咩事,都唔知會唔會而為我係度虐兒呀... 攪到我而家無哂心機帶佢落街,無咩事都唔會想落... 唉~有時係街到見到人地D BB塊面又白又滑咁既樣,真係好鬼羨慕GA,心諗如果我啊B塊面都可以好似佢地個B咁就好喇...

想問下濕疹B媽認為邊隻保濕cream係好ga?我而家係幫佢搽橄欖油囉,但係都好似麻麻地,但係又無頭緒,唔敢亂買塙佢搽喎...都唔知點好...
私人傳訊

Smilesun


男爵府

積分: 5769


13#
發表於 08-6-7 10:01 |只看該作者
橄欖油．．．唔係咁好呀．．．

你可以試Aqueous cream或豬油膏．．
最好都係同佢睇專科

之前樂樂都嚴重架，我帶佢去仁安睇專科，佢開的藥膏係佢自己調架．．．分兩隻，一隻俾嚴重的搽，另一種就搽少少組果ｄ．．．好快就好番啦．．．而家間唔中都有出，就搽輕微果隻，好快又靚仔番．．．兩種藥膏都用好耐，到而家都未用到一半．．
我的大寶貝喜悅晴朗　　我的小寶貝光明喜樂
我的編織作品溫暖牌　　
私人傳訊

kayan1130


男爵府

積分: 8521


14#
發表於 08-6-12 21:45 |只看該作者
私人傳訊

BabaTed


禁止訪問

積分: 1916


15#
發表於 08-6-13 15:46 |只看該作者
提示: 作者被禁止或刪除 內容自動屏蔽
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見