潮流時尚今日: 5|主題: 104427

收藏本版

發帖

返回列表

跳至頁

查看: 12480 | 回覆: 53

[時裝] ［提早開年］恆X白X舍洗完MM6皮褸甩晒色 [複製鏈接]

12 3

3貓媽媽

大宅

積分: 2405

1^#

發表於 16-2-7 21:25 |只看該作者 |倒序瀏覽 |打印

本帖最後由 3貓媽媽於 16-7-21 23:19 編輯

藉此機會提醒各靚jm如有幫襯開呢間乾洗公司，要慎重考慮可唔可以將貴重衣物交托俾呢間公司。

12月15日攞件Maison Margiela 皮褸去恆X白X舍洗，放低前已再三問個職員佢哋係咪真係有洗開皮褸，會唔會甩色，職員話冇問題叫我放心（咁緊張問係因為公司樓下間Vogue話唔收，因為識洗皮嘅師傅已經冇做），我亦同佢講清楚件褸冇汚漬，只係領位有陣放咗喺櫃一段時間嘅味，叫佢寫清楚係去味，唔係清洗，佢話0k知道。

1月7日去攞，一打開嚟check就知出事，原本啡灰色（taupe色），洗完有幾個位置甩到變咗灰黃色，我拒絕收貨，個職員(唔係上次嗰個）就話send返上工場問師傅點解咁。我1月8日再打去office, 佢哋話未收到件褸，會跟進同覆我。等極冇人覆，1月25日send email去追，到2月2日（即等咗接近1個月）終於有個鍾小姐打嚟。

鍾小姐話見到有啲位淺咗色，但就話係濕度同溫度影響皮革，係啲皮本身已經有問題，洗咗之後寧啥覺，我聽完真係火都嚟，完全係打橫嚟講，我問佢淨係領位去味點解要洗到甩到一撻撻，佢話張單寫話有發霉漬，我仲火滾，我叫佢睇CCTV睇吓我同職員嘅對答，佢就話冇CCTV, 我話俾佢聽件褸喺連卡佛買咗幾年從來都冇呢個問題，洗完返嚟先有點解唔係佢哋嘅問題，佢話總之就係唔關佢哋事，係啲皮本身有問題，我覺得佢簡直誨辱緊我嘅人格同智慧，但為解決問題，我有問佢有冇辦法可以回復原本顏色，佢話要問日本主管。

2月6日鍾小姐再打嚟，今次話問過top management, 啲皮根本冇問題，天然皮革本來就有深淺色，即完全唔關佢哋事，仲話你件褸都買咗幾年啦，根本件褸就係咁，我問佢咁皮褸係咪只可著一季佢又話唔係（如果佢話係仲好，佢公司應該好快可以執，連皮褸都只可著一季其他嘢都應該好快可以丟，全部唔駛洗），總之乜都做唔到，我好肯定佢年廿八打嚟講啲咁嘅嘢係有心提早開年。

坦白講，我絕對明白一件衣物唔可以著過世，但一件優質嘅皮褸係可以著好多年，熱愛時裝的各位亦會明白當一件喜歡的衣物被破壞而不可能再買回是令人多麼心痛沮喪，再加上聽完間冇良公司前言不對後語，一味話唔關佢哋事，真係冇辦法唔喺度同大家分享呢個極差嘅經驗。

依佢哋嘅邏輯，錯嘅係我：買天然皮革皮褸係我錯，買咗幾年唔捨得丟係我錯，攞去佢度洗更加肯定係我錯。

我真係唔明要佢認前線員工寫單唔清楚，廠房員工唔小心有幾難，一句認錯一句道歉都做唔到真係好悲哀。。。