吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 四姐的惡夢... 有D長篇,請耐心看 ^_^"

論盡家傭今日: 3|主題: 133734

收藏本版

發帖

返回列表

跳至頁

查看: 1697 | 回覆: 13

四姐的惡夢... 有D長篇,請耐心看 ^_^" [複製鏈接]

tsznok

侯爵府

積分: 21494

好媽媽勳章

1^#

發表於 08-9-21 10:32 |只看該作者 |倒序瀏覽 |打印

尋日係四姐嘅 HOLIDAY... (我呢個四姐係新到既海外BUN,之前未出過城打工)

一早，佢就喊住口走嚟同我講...

四：太太，我想問上次用你電話打番屋企幾多錢？貴唔貴？( 三星期前佢一到步，我試過用手提打 001 俾佢打番老家報平安。)

我：都幾貴傢，你有事要打番屋企咩？一陣你放假出去買張 CALLING CARD，勁平勁抵打啦！幾十蚊一張有排講。

四：( 開始喊 ) 我尋晚發左個惡夢，夢見我老公死左呀... 我好擔心佢。

我：吓？發夢咋喎！唔使上心啦！

四：唔係傢，夢會有真有假。

我係呢個時候諗，佢講咁多都係想我借電話俾佢，但上次借俾佢報平安時，佢好似唔使本咁勁講，今次我真係唔太想借，再講佢都放假可以出去買 CALLING CARD，所以我再講...

我：唔好咁迷信啦，一陣係咪出去買 CALLING CARD 囉，7-11 好似有電話借...

四：知道知道...

到十點鬆啲佢就出左家門話要去打電話。唔知點解，佢一咁樣同我講，我就有種 " 佢一定係有啲嘢 " 嘅感覺，個心想，唔通佢想用某啲嘢搏同情？舖路解約？直至六點半佢番到嚟，咁我就問佢...

我：點呀你老公冇事嘛？

四：有事呀...

我： ( 心想真係咁邪？唔係掛？) 佢真係死左？

四：( 又想喊 ) 唔係呀太太，不過佢撞左三輪車 ( 佢老公係菲律賓係一個三輪車伕 )，而家隻腳斷左要休養兩個月，太太你話我應該點做好呀？

由於以往聽得太多太多工人鍾意用死人塌樓、扮晒屋企有事好慘咁去同僱主借錢，甚至想無條件解約，所以我一聽到就係心入面提自己今次要小心啲同佢對話。

我：呢個問題要取決於你，如果你想番去見見老公的話，要盡早講我知。

四：我可以番去睇佢呀？( 兩眼發光 ) 我可以一個月後再番嚟嘛？

我：唔好意思，我都同情你嘅情況，但你有你難處，我都有我難處，如果你今日決定走，咁合約方面似乎要結束喇，因為我冇可能等你咁耐。 ( 心想，到時你唔番嚟我咪食蕉？！)

四：哦... 我仲有好多 loan 係銀行，我過嚟要還錢傢，一個月還三千，要還五個月，而家老公仲欠 $35,000 醫療費用，太太你話我點算呢？

我：( 一聽到呢度就覺得佢係想借錢，係咪我諗得衰左呢？) 咁你可以叫親戚朋友借傢嘛。

四：yes mom... ( 跟住佢又好似完全冇事咁，連個樣都輕鬆晒。)

我：不如我俾一晚時間你考慮啦，如果你要番去嘅，就坦白同我講，如果你決定留住度做嘅，就表現得好啲，我唔想你因為掛住個老公而終日神不守舍。

最後我再三叮囑佢唔好走去搵財仔，否則大家又係一拍兩散。

大家睇完覺得點？我呢個太太係咪好衰呢？定係大家都覺得佢有古怪想搵啲借口去 R 錢？有樣野仲奇怪，我問佢你老公幾時整傷，佢都企左係度要諗，咁我問佢：『 Today？Yesterday？ Or last Friday？』佢就好似有啲是旦咁答我：『 Last Friday at 3pm.』突然間又 detail 到好似新聞報導咁，初時佢講完我都冇乜為意，但事後再諗，都唔合理嘅！如果上星期五已經整到，接住星期六放假，佢一定會打電話番屋企，又點會攪到今個星期六，要等到發埋夢先『知道』個老公出事呢？

大家點睇？

0 0 0

§ 為左食得好又健康啲，靚太橫行廚房中… §

私人傳訊

cathngai

伯爵府

積分: 15299

2^#

發表於 08-9-21 10:52 |只看該作者

個人見解,佢似做劇,不要信佢,佢應該已借下財務, 請小心,最好安排下若她突然要走,家中事務如何處理.

原文章由 tsznok 於 08-9-21 10:32 發表
尋日係四姐嘅 HOLIDAY... (我呢個四姐係新到既海外BUN,之前未出過城打工)

一早，佢就喊住口走嚟同我講...

四：太太，我想問上次用你電話打番屋企幾多錢？貴唔貴？( 三星期前佢一到步，我試過用手提打 001 俾佢打番老家報平安 ...

私人傳訊

CYK

大宅

積分: 4240

3^#

發表於 08-9-21 12:11 |只看該作者

agree...搵定第2個工人穩陣D...

我第一個工人(印)都係來來去去這些借口,如仔女要交學費(欠左成年),老公車禍入院,仔女病左入院,親人過身,間屋被颱風吹爛左...等等,另佢又勁捨得花錢買零食,電話+電話咭(一週買$100+),衣服,手飾,化妝品(在來了1-2個月後),最後,連agent錢都唔還,偷錢,扮病唔做家務...

原文章由 cathngai 於 08-9-21 10:52 發表
個人見解,佢似做劇,不要信佢,佢應該已借下財務, 請小心,最好安排下若她突然要走,家中事務如何處理.

私人傳訊

小李子

男爵府

積分: 6904

4^#

發表於 08-9-21 12:47 |只看該作者

你個工人都好好戲 o下 wor!

不過劇情好多犯駁位

lor! 唔駛理佢講咩, 總之借錢免問:;pppp: , 拿拿聲搵過個 la, 佢有排玩野!

私人傳訊

evamama

男爵府

積分: 6225

5^#

發表於 08-9-21 12:52 |只看該作者

d姐姐招數離不開個幾隻, 問題根本都係錢作怪, 我個人覺得呢個姐姐初黎步到就用呢d招數, 唔簡單, 肯定唔係第一次咁同mom講, 可能之後陸續有黎, 小心!

私人傳訊

2heiBBmama

公爵府

積分: 27067

好媽媽勳章親子達人勳章 BK Milk勳章

6^#

發表於 08-9-21 14:38 |只看該作者

做咗3個星期就玩野, 小心D喇.....

神未曾應許天色常藍;但衪曾應許生活有力!

私人傳訊

春卷

侯爵府

積分: 24273

醒目開學勳章

7^#

發表於 08-9-21 14:51 |只看該作者

其實唔應該問佢,佢d家事私事財政關我地咩事,咪俾機會佢入位,我依家醒咗,好少再關心bun-bun心事,費事煩,你愈關心佢愈有機會向你埋手

私人傳訊

tsznok

侯爵府

積分: 21494

好媽媽勳章

8^#

發表於 08-9-21 15:46 |只看該作者

唉...你估我唔想換個好工人咩...呢大半年間,我就快俾D姐姐攪到人都癲!

今年1月,同用開個BUN姐RENEW CONTRACT後,佢不停玩野,最後傷到我D小朋友,我頂佢唔住係5月時抬錢送瘟神!

隔幾日新印印到,點知...佢原來係聾啞仲要又污糟又懶,仲差D令我二仔碌落樓梯,留唔到佢係度,用左3日就炒..

之後我自己頂左3個月冇工人既生活...

到9月頭,呢個新BUN BUN到喇,見佢好似幾乖幾純又肯做,所以佢蠢D同埋英文好差我都算,留佢係度,點知而家又攪單咁既野!

我已經半年內換左3次工人,真係心力交瘁!!!自知我呢度要湊3個小朋友+我係STAY HOME MUM,D工人都唔LIKE打我工傢喇,一心諗住搵個肯做就算,自己都冇乜要求,之但係而家...唉....

我而家只係諗到2樣野:
1, 成件事根本就係佢老作想搏我同情借錢俾佢
2, 可能真有其事,同埋佢上星期放假時可能已經搵財仔借左錢都唔定!雖然我住村,大吉真係D財仔攪到上門都入唔到我家正門,但我一屋都係細路,真係唔擔心就假囉!

想知我條太太路有幾悲,有時間睇呢度啦... http://hk.myblog.yahoo.com/mysweeteggplant/index?l=f&id=12

仲有呀,我想順帶講下,大家千萬唔好幫襯呀某AGENT!邊間?自己入去睇...

[ 本文章最後由 tsznok 於 08-9-21 15:48 編輯 ]

§ 為左食得好又健康啲，靚太橫行廚房中… §

私人傳訊