夫婦情感

收藏本版
發帖
返回列表
跳至頁

首頁
12345

尾頁
   0
stephanieching


大宅

積分: 4060


1#
發表於 08-8-21 09:24 |只看該作者
我相信好多女人都期望結婚是有個可以一起分擔和分享的伴, 但我就嫁著一個長唔大的成四十歲的"大少"(不是指有錢果種喎), 結婚後要照顧成頭家和佢, 我有時真是好難頂 ! 如果你老公是以下咁, 你忍唔忍到 !

1) 結婚無攞酒, 但一切註冊/租屋的嘢全部你一手一腳做, 佢只是按時參與出席

2) 婚後買樓生孩子全部自己決定(找屋,手續,找醫院等等) 所有嘢自己處理, 佢只是出席 ! 婚後家事無大小都是自己理, 囡囡讀書, 請工人和其他所有雜項

3) 我放工時間長過佢, 但屋企所有家務佢全部唔做, 未請工人請, 明明早放工早我兩小時, 都要等我趕返來煮飯佢食(當然洗碗也是我洗, 就算大住七個月肚都要照做), 現在請了工人我不用做, 但囡囡做功課讀書從來唔理, 我每日放工九時仲要同囡囡做功課讀書, 咁多年佢放工返來只識坐在 Sofa上看電視每日六七小時, 日日如是, 除食飯沖涼外, 全程不離坐 ! 因為佢咁,我要請工人和請補習姐姐幫輕我 !

4) 屋企八成開支全部我支付, 屋企的嘢全部我出錢買, 早排佢想買部Yogurt機(幾百元), 叫我出錢買, 我唔買佢仲話我Cheap !

仲有好多好多例子 , 仲知佢做家是一家大少, !

呢幾年我己經將自己訓練到女強人一樣, 樣樣都好獨立, 有和沒有佢咁本無分別, 我自己有經濟能力養自己和囡囡, 我有時都唔明點解仲要忍佢的脾氣 ! 是緣昨晚佢無端端話我迫個囡每晚讀書和我唔抵得佢早放工和無好面口對住佢喎, 我真是忍受不住一個每日早三小時放工坐在sofa看電視的人, 都唔同個囡做功課, 等我九時回來同佢做功課仲要被佢"罵"我唔抵的佢早放工, 要我每日做到死仲要連子蓉對住佢笑 ! 我都未話佢佢仲話番我轉頭, 如果是你, 對住佢, 你忍唔忍 !
私人傳訊

AnnLok


大宅

積分: 4138


2#
發表於 08-8-21 10:11 |只看該作者

回覆 #1 stephanieching 的文章

我想問咁你同佢拍拖時佢係咪已經係咁ga la?
私人傳訊

十一月


大宅

積分: 1844


3#
發表於 08-8-21 10:15 |只看該作者
兩個人結婚係諗住一生一世, 如果你仲想在一起, 點解唔將自己想要的向對方講, 要佢做回一個應該的老公和爸爸的責任
私人傳訊

stephanieching


大宅

積分: 4060


4#
發表於 08-8-21 10:50 |只看該作者
未婚前都是咁, 只不過當時只是拍拖, 咁本無咁多嘢要理, 佢以前在家都是大少咁款 !

呢個問題講過無數次, 次次是佢發老脾話我好話佢, 佢的問題是完全唔覺佢有問題, 雖然結咗婚有了囡, 但佢依然是要過佢以前未婚前的生活(在佢阿媽屋企個種大少生活), 每次嘈完未好小小囉(如我個囡細時在我阿媽屋企照顧, 我要自己一個人每個星期帶住個囡同行李從柴灣往返青衣 , 嘈完後未一齊帶囉), 仲知每次都是要嘈一輛 ! 其實我己經好忍佢, 但佢竟然發我脾氣先 !

私人傳訊

哈哈笑


大宅

積分: 3773


5#
發表於 08-8-21 11:07 |只看該作者
又或者調番轉咁講, 會唔會係你以前拍拖太就佢呀?? 我隻c6都係咁上下喎, 屋企野全部都唔做(除咗換燈胆, 因為我唔夠高), 你試下慢慢續小續小比d野佢做, 做做下佢就會做喎, 好似我個c6咁, 依家佢食完飯都會幫手執換, 以前, 采你都傻~~
私人傳訊

哈哈笑


大宅

積分: 3773


6#
發表於 08-8-21 11:09 |只看該作者
又或者調番轉咁講, 會唔會係你以前拍拖太就佢呀?? 我隻c6都係咁上下喎, 屋企野全部都唔做(除咗換燈胆, 因為我唔夠高), 你試下慢慢續小續小比d野佢做, 做做下佢就會做喎, 好似我個c6咁, 依家佢食完飯都會幫手執換, 以前, 采你都傻~~
私人傳訊

十一月


大宅

積分: 1844


7#
發表於 08-8-21 11:15 |只看該作者
我無工人, 要自己做家務, 我老公係福建男人, 你可想佢未結婚時, 佢都係一個大少, 我都要返工, 結婚初期, 都係為家務的問題嘈, 咁我會同佢講, 呢個家大家都有份, 家務大家都要分擔, 你要做大少, 唔該你請個工人返來, 而家仔都出左世, 家務同照顧B都係大家一齊負責。我大肚O個時, 有日我嗌C6抺地, 佢唔理我, 我咪自己拎盆水出廳係到抺, 場面都幾嚇人, 大住個肚隨時跌, C6好驚, 即刻拎走地拖
私人傳訊

stephanieching


大宅

積分: 4060


8#
發表於 08-8-21 11:51 |只看該作者
無用, 我每次同佢講, 佢就大大聲話番我轉頭, 每次都是呢句 " 成日話我無做, 我有做", 佢有做意思是你做足24小時, 佢做5分鐘 !
私人傳訊

B.GIRL


男爵府

積分: 5082


9#
發表於 08-8-21 11:53 |只看該作者
可唔可以同你老公傾下....大家都要分擔家庭工作,因為我覺得你好多埋怨,大家傾下會唔會好D..mouth:
私人傳訊

kellyly


侯爵府

積分: 24623

好媽媽勳章 畀面勳章


10#
發表於 08-8-21 12:06 |只看該作者
樓主我同你一樣呀,但我未結婚前我係唔知(未試過一齊住過).
到結左婚就死la.
初時我同佢嘈亦同佢講呀99話咩都要一齊做,咁咪好dd lor,做下.
之後就咩都唔做la.
到我有左無做野開始仲死呀
我話我出番黎做野請工人,佢唔比.
之後我又要做番晒(為呀b)
到早2個月佢放大假我就咩都唔做
之後佢頂唔住就開始幫下手
私人傳訊

stephanieching


大宅

積分: 4060


11#
發表於 08-8-21 13:12 |只看該作者
其實佢什麼都唔做唔幫己經麻木哂, 我自己事無大小自己做哂, 自己解決, 就算要人幫忙我都是找其他人 (如阿媽帶囡看醫生之類,叫佢幫又話你呢樣個樣), 我從來無期望或叫佢幫我什麼, 不過最嬲是佢要罵返我轉頭, 佢期望我放工做到死, 返屋企仲要和個囡一齊陪佢看電視, 對著佢笑哂口, 屋企經濟囡囡學業家頭細務我要揹哂之餘, 仲要好好招呼佢 ! 其實我好想同佢離婚, 咁本頭家有沒有佢都沒分別, 我仲要照顧埋佢 !
私人傳訊

beagledog


大宅

積分: 3828


12#
發表於 08-8-21 13:34 |只看該作者
咁你依家睇清楚都仲可以挽救返你自己d尊嚴and錢囉, 點做唔使教啦.

呢d男人唔珍惜你, 叫佢返阿媽度飲奶囉.

大部份港男變成咁, 真係嫁唔過.
之前有個post又係話個老公5-6年唔做野靠老婆養, 香港依家女人叻過男人係事實.
私人傳訊

十一月


大宅

積分: 1844


13#
發表於 08-8-21 14:39 |只看該作者

回覆 #1 beagledog 的文章

me 2, 同意佢講法, 如果分開會覺得開心D, 咪分開。
私人傳訊

查小恩


別墅

積分: 708


14#
發表於 08-8-21 15:21 |只看該作者
我C6仲死~我返工返到差唔多生~係屋企做家務做到生仔個日~生完一返到屋企~即刻要做家務~大家都係要返工~但上至家務下至煮飯全是我~有時都好心淡~

[ 本文章最後由 查小恩 於 08-8-21 15:24 編輯 ]
私人傳訊

superluk


洋房

積分: 264


15#
發表於 08-8-21 15:43 |只看該作者
係啦....點解佢地可以咁冇責任心.
返工返得遲過我.放工又放得早過我. 一星期總有一日唔使返=返4日工. 都唔幫手做下家務.
有3張餐椅, 每1張幫我放件野上去. 1張放西裝褸, 1張放西衭, 1張掛Tie....想點呀...賣衫呀?!
叫左19幾萬次放返入房...都係咁...
成日好似個大少攤係sofa...唔係就打機...
拖地, 洗衫..咩都係我做晒.我都唔想做...
咩唔係要分工合作咖咩...咩唔係你照顧我咖咩...點解我變左工人???
私人傳訊

pigpig1971


大宅

積分: 2060


16#
發表於 08-8-21 16:21 |只看該作者
我同你同一命運, 我不敢上BK分享, 我怕比人笑, 結婚後仲慘過做女的時候, 但老公是自己揾, 不能向父母講, 為有有苦自己知.

未婚時, 十指不沾陽春水; 婚後要洗廁所,打理家務.
做女時, 飯來張口, 飯後有水果(包削皮); 婚後, 放工要買鎹煮飯,飯後要洗碗.
未婚時, 只要比少少家用亞媽; 婚後得少少家用, 要貼出成份人工,冇晒私已錢
未婚時, 只有男友睇我面色; 婚後, 要睇男家所有人面色.
未婚時, 我是大頭蝦,不理世事; 婚後,事冇大小,是你的職責, 不容有失.
未婚時, 我永遠是小女孩, 但婚後要做人地亞媽(要做埋99的職責)



原文章由 stephanieching 於 08-8-21 09:24 發表
我相信好多女人都期望結婚是有個可以一起分擔和分享的伴, 但我就嫁著一個長唔大的成四十歲的"大少"(不是指有錢果種喎), 結婚後要照顧成頭家和佢, 我有時真是好難頂 ! 如果你老公是以下咁, 你忍唔忍到 !

1) 結婚無 ...
私人傳訊

siufung


子爵府

積分: 13005


17#
發表於 08-8-22 10:37 |只看該作者
我屋企0既都係大少....
不過好少少0既係, 做晒所有野佢會感激, 佢好識賣口乖, 成日都唔該前唔該後。
不過都係自己衰, 縱慣左佢, 佢自細乜都唔使做, 屋企阿媽照顧周到。但係佢都去過加拿大5年讀書, 都獨立過, 應該都識做家務果0的。
偏偏唔知佢好彩定我唔好彩, 我係妹仔格, 中一二已幫麻麻買送煮飯。自細屋企分配好, 今日家姐掠衫, 我煮飯, 細佬洗碗... 聽日再分配過.... 所以由細到大都做慣, 變左服侍人唔覺得乜.....
但係同左佢一齊, 見佢真係乜都要我, 食食下飯趺左粒落地, 會指住叫你同佢執mouth: 大佬我都爬緊飯0架!! 粒飯0係你腳邊你唔執, 要我放低碗飯兜個大圈同你執, 正妲己!!
佢又係食完坐0係度乜都唔理, 我就直落煮完就食, 食完就洗, 洗完又呢樣果樣, 就係得食飯果半個鐘有得坐下。
成日阿Q精神同自己講, 能者多勞.... 但係真係幾辛苦下。於是有0的野我開始唔會咁貼身服侍, 例如佢點我去做0的佢好易做到0既野, 好似去熄燈果0的, 我會叫佢自己做。慢慢訓練下佢, 而家佢改善左少少, 會去洗衫(放0的衫落洗衣機咁大把), 會掠衫等....
都仲係做得好少, 不過我個心就"gir"左好多.... 而且佢有一樣好, 就係對我從不吝嗇, 見我身子唔好會自己去買補品比我食... 見我骨痛會用按摩油同我搽....
我就覺得, 佢只係天生比較懶同唔中意做家務, 而我又做得叻佢咁多, 當豪比佢啦.....
有次鬧交鬧到好甘, 佢居然叫我不如番阿媽度住下, 好!! 你開到聲, 間屋係你0既, 我最多執野走, 點知走之前佢戰戰競競問呢0的乜放0係邊, 果0的乜又係邊, 我話間屋係你0既, 你自己慢慢巢。佢先話, 你都係唔好走啦...(哀求, 好可憐咁), 我先笑左出黎.... 佢就攬實我唔放。
我話, 你要我留就留走就走, 佢就話間屋轉我名, 以後鬧交有人要走的話, 就係我去趕佢走... 我啖氣先落番.....
不過如果唔係佢對我都唔錯, 我真係啋佢都傻
私人傳訊

火石


禁止訪問

積分: 19394


18#
發表於 08-8-22 10:40 |只看該作者
提示: 作者被禁止或刪除 內容自動屏蔽
私人傳訊

火石


禁止訪問

積分: 19394


19#
發表於 08-8-22 10:45 |只看該作者
提示: 作者被禁止或刪除 內容自動屏蔽
私人傳訊

小manman


翡翠宮

積分: 81491


20#
發表於 08-8-22 12:59 |只看該作者
(唔好意思,我以下的說話可能唔啱你地聽)

睇哂你地講的野,我覺得你地d老公係好過份,但你地有無諗下其實係你地自己有份寵壞佢,佢地結婚前係屋企的大少,咁我地未結婚時都係屋企的大小姐~~~

我結婚係想有老公照顧,而唔係我要去照顧佢,如果結左婚的生活仲衰過未結婚,咁我做乜要攞苦黎辛呢???

你地老公呢d咁的行為,我係完全接受唔到,如果係我根本睬佢地都傻,你地做慣哂,佢地梗係依賴哂你地,講真一句,係人都想懶係人都唔想做,咁既然有人肯做,咁佢地當然識嘆喇!!!

我未結婚前已經同我honey講明,你唔好依賴我做哂d家務,大家都要返工,個家大家都有份,要做就大家一齊做,你唔做時我都唔會做~~~

有時d野係逼出黎,對男人係唔可以輕易讓步,你做慣哂佢地根本已經覺得你做係應份,依架先黎嘈,佢地就會覺得不嬲都好地地,係你地自己攞黎嘈,所以我認為一開始就唔可以做開個頭,男人係唔寵壞得~~~
私人傳訊


首頁
12345

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見