吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 我好辛苦,好唔開心(阿B今日第一日返學)

大仔大女媽媽會今日: 0|主題: 177860

收藏本版

發帖

返回列表

跳至頁

查看: 4532 | 回覆: 54

[2007年] 我好辛苦,好唔開心(阿B今日第一日返學) [複製鏈接]

12 3

B媽-Blue

用戶要求終止服務

積分: 42691

好媽媽勳章

1^#

發表於 09-3-17 22:54 |只看該作者 |倒序瀏覽 |打印

背景:
我係full time mama,老公返夜班,3pm至3am都唔o係屋企,基本上平時係我1個人照顧2個小朋友同做晒全部housework
大仔2歲,細女10個月,大仔比一般小朋友曳好多好多好多

煩惱(1): 之前同阿仔報左N1,話6月面試,我諗住呢幾個月搵工,搵到就俾佢讀,搵唔到就算,況且都未面試,話唔定唔收都唔定, 但2星期前學校打黎話唔駛in,3月尾就可以攪手續9月入學,我怕而家攪掂手續,到時又搵唔到野做就慘,因為冇錢交學費

煩惱(2): 健康院話阿仔唔識講野同分5官,要5月評估係唔係發展有問題,又因為好曳,要睇下有冇過度活躍

煩惱(3): 呢幾日好煩,成日神不X舍,14/3 入廚房個仔跟左入黎都冇意識叫佢出去,結果阿仔俾滾水淥到手仔,2級燒傷,冇左一大塊皮,成1.5吋 X 2.5吋,而家日日都要洗傷口,至少要洗1個月……
O個日之後,我一訓底就諗起阿仔點整親,2點幾先訓到,但就不停發夢,半夜個仔又喊,可以係發惡夢,之後個女又醒,訓多一陣,已經8-9點,又要起身同阿仔去洗傷口,返到屋企又係咁做housework,個心又好怕個仔又整親,完全唔敢再入廚房,因為自己有陰影,好大壓力,到夜晚仔女訓左又做housework, 一訓底又諗起阿仔點整親,一訓又不停發夢……

煩惱(4): 昨日可以提早見醫生評估發展問題,阿仔好唔合作,乜都做唔到,30分鐘不停扭,唔理人,醫生話要轉介去唔知乜專業中心再評估,但走之前,個醫生話呢幾年都未見過咁唔定既小朋友….我問佢阿仔會唔會有過度活躍,佢話佢呢個case,一定有d問題先係咁,應該都有少少(過度活躍)….
我個仔真係百厭都唔係人咁品,個個都話小朋友係咁架喇,但當佢地湊阿仔1個鐘,佢地已經完全改晒口風

呢2日,阿仔就算好百厭都好,我都冇點好惡咁話佢,我叫自己唔好嬲,如果佢真係有病,佢自己都唔想…..可能咁樣對阿仔會好,佢會聽話d,但我自己就屈埋屈埋,冇人明白我,又冇人幫到我,好辛苦

[ 本帖最後由 B媽-Blue 於 09-4-1 13:29 編輯 ]

0 0 0

私人傳訊

pusal

禁止訪問

積分: 1578

2^#

發表於 09-3-17 23:31 |只看該作者

提示: 作者被禁止或刪除內容自動屏蔽

私人傳訊

^_^!

大宅

積分: 4259

好媽媽勳章

3^#

發表於 09-3-18 00:30 |只看該作者

多d上黎呻下....我地可以幫你分擔下,
我都係full time 媽媽,爸爸又係要返通宵,雖然我得一個b,都知道係好辛苦架!!不過唔好俾太大壓力自己啦,阿b整親係意外,唔好放係心到,下次小心d羅,我bb係2個月時,係街差d俾我跌左落地,好在我媽媽係側面幫手抱住,我依家都時時警惕自己,要小心d,
至於發展問題真係要正視呀!!越早診治,幫助越大.....希望阿b無事啦!!

私人傳訊

as_sheep

大宅

積分: 1993

4^#

發表於 09-3-18 08:35 |只看該作者

B媽,
我同你一樣都係全職家庭主婦,老公的工作係24小時on call,除左固定時間每天上班之外,突發事件出現就要返工,經常吾見人架.唯一吾同的就係,我只係照顧律律一個&做晒全屋的家務.

你話健康院評估你的大B有問題,我話比你聽律律的姑媽係健康院院長,仲有幾年就退休,我同你講你吾使擔心,健康院係極度吾專業!!!之前健康院話律律有問題要見醫生,我地決定吾見,因為我地覺得律律姑媽係好吾專業,其他的姑娘都吾會係好專業law.律律都係連爸爸媽媽都吾識講,律律姑媽好擔心,自己走去搵佢地的高級醫生,高級醫生話好多小朋友都係咁,吾使擔心.

我話比你聽上星期我發現律律識用英文字排返A-Z,數字1-100,仲有識用英文字母拼出1-12,如果律律智能上有問題,咁點解釋呢?早兩日律律自己拎D英文字母出黎玩,一路玩一路講左d好似ABC....的發音,我叫佢再講,佢又講返一樣的野,重覆叫佢講都係一樣,似乎佢開始學緊講野,但係都係未識叫爸爸媽媽.

上星期日係教會見到陳以誠醫生,陳醫生話兩歲未識講野好小事,好多人都係咁,佢仲話愛因斯坦都係三歲先識講野.

至於你話大B好似過度活躍,或者可能因為小b的出生,因為心理學家係建議家長等小朋友三歲時先生第二胎,小朋友頭三年係對媽媽有情義結,佢被小B搶左媽媽的愛,佢會用好多方法引媽媽注意,即使係用被媽媽鬧的行為,其實都會得到媽媽的注意law.依家我建議你搵社工,將你的感受及屋企情況話比社工知,睇下可吾可以改善到大B的行為.

我要帶律律去playgroup,下午我再同你分享,吾使吾開心,右油,律媽支持你.

原帖由 B媽-Blue 於 09-3-17 22:54 發表
背景:
我係full time mama,老公返夜班,3pm至3am都唔o係屋企,基本上平時係我1個人照顧2個小朋友同做晒全部housework
大仔2歲,細女10個月,大仔比一般小朋友曳好多好多好多

煩惱(1): 之前同阿仔報左N1,話6月面試,我 ...

私人傳訊

CoffeeCake

大宅

積分: 4410

5^#

發表於 09-3-18 09:47 |只看該作者

囝囝傷口OK嗎？應該唔會有疤痕呱？

私人傳訊

marumaru

別墅

積分: 968

6^#

發表於 09-3-18 11:01 |只看該作者

當你感到心灰意冷時,
可以停下,
不用多想,
一切天(如果你有信仰, 就神, 如我沒有信仰, 就天)會安排,
世間上, 其實所有野最後都會無事, 免強又如何呢? 是否好玄呢?

言歸正傳:
煩惱(1): 無錢就不須讀N, 等K1.
讀N不會令小朋友特別聰明, 不讀N亦不會令小朋友蠢. 明未?
為何小朋友要讀N, 只有香港的媽媽會甘做, 因為怕小朋友执輸囉!!!人讀你不讀, 會輸囉!!!你知嗎... 全世界最醒目的學生在那兒?
在芬蘭, 芬蘭的學生是全世界最醒目的學生, 但芬蘭的小朋友到7歲才入學, 每周上課時間不多於12小時.為什麼?
因為真正學習和令小朋友聰明是小朋友自己玩樂建立出來, 不是由他人迫或強灌出來的.
你問任何一位小兒發展心理專家都會告訴你... 小朋友其實不用讀幼稚園, 是可以直接讀小學... 一樣甘聰明.
但現實, 如果沒有人讀幼稚園, 甘他們咪全部倒閉, 又不能呢!!! 所以... 明未?
但我相信你不會信我所講, 因為我對任何人說都沒有人相信.
(聲明: 我都有比我個女入幼稚園, 但我不是讓她學習, 而是讓她玩樂, 因為家裡沒有人和她玩)

煩惱(2): 發展有問題? 有什麼問題呢?
又因為好曳,要睇下有冇過度活躍? 小朋友不曳, 你仲驚啦!!! 過度活躍要過了6歲才測試才準確.

煩惱(3): 太緊張了, relax, 講容易, 我知好難做, 但一定要做, 走出屋外, 大聲將你的心情叫出, 話之他人當你是傻!!!

煩惱(4): 心理醫生都好信? 我夠話佢自己有問題啦... 在那? 自己都答不出. 個個心理醫生見人都話人有問題, 否則他們那裡有生意做呀?

[ 本帖最後由 marumaru 於 09-3-18 11:05 編輯 ]

私人傳訊

waitingbaby2006

大宅

積分: 4718

7^#

發表於 09-3-18 12:10 |只看該作者

係呀,你要放鬆d,唔好諗咁多,大b讀書你唔好去攪手續住,等你真係揾到工,到時再揾學校都唔遲,佢地不用in,我估收生率不足,所以in都不用就比你仔讀,所以我估,你遲d先報讀都得,如你不是去d名校,應該冇問題.
你聽下律媽講,放鬆d揾個義工幫手,
我又諗,會唔會因為大b多體力,所以你要帶佢去多d公園,等佢用多d,咁在家未冇咁活躍囉.
有咩唔開心上黎同我地講多d,咁就唔會屈住屈住,其實我地完全明白你,不過每個家庭都有不同問題,我地一定會支持你.放心.
星期日,你都去生日會,玩得開心d啦……

hello

私人傳訊

doraemonkate

大宅

積分: 3789

8^#

發表於 09-3-18 12:26 |只看該作者

b媽, 個晚同你講完電話, 好明白你所講個種煩同埋唔開心, 亦都知道亞b真係好頑皮, 俾咗醫生評估先啦, 唯有再見步行步, 呢段時間唔開心實有, 你係佢媽咪, 你更要堅強面對呀! 叫自己盡量relax! 如果唔係你唔夠瞓, 仲要1個睇2個, 真係會精神錯亂....
亞b好彩仲係細, 同埋你察覺得早, 我估都會容易醫得好, 你要加油, 唔開心要傾訴, 就打俾我啦!
來緊party, 好好enjoy吓啦!

私人傳訊

喵媽

大宅

積分: 4352

9^#

發表於 09-3-18 12:53 |只看該作者

B媽,我自己湊過亞仔兩個月, 都知道係超辛苦, 你仲要一個湊兩個!
今次滾傷係意外, 幾小心既人都會有意外發生, 唔好怪自己, 幸好係傷勢並唔嚴重, 希望亞B自己亦因為今次呢件事會識得入廚房時小心啲!
至於過度活躍方面, 要做埋最終評估先知, 希望亞B唔係啦! 或者只係佢真係精力太旺盛而又冇地方比佢發洩?
唔好比咁大壓力自己呀, 你要照顧兩個小朋友, 要保重身體呀!

私人傳訊

as_sheep

大宅

積分: 1993

10^#

發表於 09-3-18 13:37 |只看該作者

我返到屋企喇~

一路出門口,我一路諗起你,真係好擔心你呢.

原來你會去party,到時如果你吾介意的話,搵律爸傾下,佢會幫到你.

至於無$交學費,你知吾知有一間幼兒園係書薄費吾使$,校服都吾使$架.你可以考慮....呢間係保良局,律爸安排好多經濟困難的case入讀保良局.其實如果你搵社工幫手,除非係無學位,否則係有優先權架.

至於我話健康院吾專業,我吾係空口講白話,律律的姑媽原本係學童保健做,因為政府好興一樣野....就係吾會比員工係同一崗位做太耐,律律姑媽原本希望係學童保健度做到退休,就係因為佢做得太耐,舊年年尾被調去健康院做中心主任,而且依家成日要返學,學返一d關於健康院工作的技巧,要讀熟所有單張,又考試.佢話每日返到中心,好大壓力,因為佢自己吾識成個健康院的運作,但又要教下屬做野,都吾知點教.

另一方面,健康院的測試,其實應該係臨床心理學家的工作,吾係護士或者兒科醫生.我意思係.....評估一個小朋友的智力,過度活躍或者自閉症,吾應該係醫護人員,佢地的訓練吾係做呢樣野,應該係臨床心理學家做評估.但香港好奇怪,要先由護士作評估,然後再見醫生,然後去見高級醫生,再見臨床心理學家.好多時護士會為免有錯,成日同d家長講,話到d 小朋友好有問題,然後就推比醫生,醫生又推比高級醫生,高級醫生又推比臨床心理學家,但最終個小朋友可能無野,真係比佢玩死.當然亦有d個案真係小朋友有問喇~.

另外分享多少少.....律律歲半的時候,健康院話佢智力可能有問題,因為佢吾識指野,又話佢吾識指住眼耳口鼻位置(依家佢都吾識指),又話佢吾識講野,健康院要我地見醫生,我同律爸吾採佢,作為父母,小朋友有無問題自己係好清楚law.

其實小朋友吾指野吾代表佢吾識,你問佢眼耳口鼻的位置,亦吾代表佢吾識,你叫佢張開口,佢識張開架,咁....即係話佢知道口的位置喇~但係我地同健康院姑娘講,佢地話咁係吾算數,真係比佢地激死.

放鬆d,即管聽醫生講,去左做評估先,大B可能無野架.另一方面又搵下社工幫手,講比佢聽大B的情況,等社工做一個判斷,睇下大b係吾係只係行為出左問題先喇,如果係同我之前講一樣,係因為小B出生的影響,咁就好容易解決,社工會教你方法去幫大B糾正呢d頑皮的行為.

為你祈禱,願那創造宇宙萬物的獨一真神祝福你!

[ 本帖最後由 as_sheep 於 09-3-18 15:06 編輯 ]

私人傳訊

as_sheep

大宅

積分: 1993

11^#

發表於 09-3-18 15:37 |只看該作者

B-Blue媽,

岩岩律爸打電話返黎,我將你的事話比佢聽(希望你吾好介意).

律爸話.....佢100%絕對認為評估小朋友過度活躍係臨床心理學家的工作,健康院係無呢個能力做呢個評估.佢叫你留意下....大B玩玩具的時候,玩同一個玩具有無超過十五分鐘?因為過度活躍的小朋友的專注力較低.佢仲話呢個係衡量的其中一個準則.

律爸又話,小朋友頑皮,吾係衡量過度活躍的準則喎,過度活躍的小朋友係無時停,每樣野的專注力吾能夠超過十五分鐘.

另外,律爸問你住邊區,如有需要,佢可以話比你聽你住附近邊度有社工幫到你.

[ 本帖最後由 as_sheep 於 09-3-18 15:40 編輯 ]

私人傳訊

sammilcm

大宅

積分: 2333

12^#

發表於 09-3-18 15:59 |只看該作者

１）　你唔好唸咁多啦, 個個小朋友嘅發展都唔同. 好似嘉嘉咁, 佢未夠一歲已經識叫爸爸, 媽媽, 姨姨, 婆婆…佢現在講嘢不知幾利害, 好多嘢都識講, 重係一句句呀.
佢又知爸爸叫我係老婆, 佢叫我就要叫媽媽…. 五官的中英文, 佢一早已經識晒啦. 重可以講到1-10, ＯＮＥ-ＴＥＮ &Ａ－Ｚ，　但係佢都到現在都未識分ABCD, 123 & color啦.　　所以個個小朋友成長過程都唔會一樣．

２）　至於讀唔讀“ｎ”,　我覺得又冇咩所謂,　我都冇打算比呀女讀“ｎ”，　我問過ｄ幼稚園ＭＩＳＳ, 佢地都覺得讀唔讀“ｎ”都冇咩所謂, 最緊要係父母比多Ｄ時間同教導下佢,　咁重好過返學.

３）
仔仔整親已經係事實了,　你再怪自己都冇用, 現在只好唔好再比同樣事情發生就好了,　不耍再胡思亂想啦.

有咩事就上來傾下啦, 咁會好Ｄ的. 我地會支持你嫁.

原帖由 B媽-Blue 於 09-3-17 22:54 發表
背景:
我係full time mama,老公返夜班,3pm至3am都唔o係屋企,基本上平時係我1個人照顧2個小朋友同做晒全部housework
大仔2歲,細女10個月,大仔比一般小朋友曳好多好多好多

煩惱(1): 之前同阿仔報左N1,話6月面試,我 ...

私人傳訊

kerkermui

伯爵府

積分: 18610

醒目開學勳章 BK Milk勳章

13^#

發表於 09-3-18 17:07 |只看該作者

原帖由 marumaru 於 09-3-18 11:01 發表
煩惱(1): 無錢就不須讀N, 等K1.
讀N不會令小朋友特別聰明, 不讀N亦不會令小朋友蠢. 明未?
為何小朋友要讀N, 只有香港的媽媽會甘做, 因為怕小朋友执輸囉!!!人讀你不讀, 會輸囉!!!你知嗎... 全世界最醒目的學生在那兒?
在芬蘭, 芬蘭的學生是全世界最醒目的學生, 但芬蘭的小朋友到7歲才入學, 每周上課時間不多於12小時.為什麼?
因為真正學習和令小朋友聰明是小朋友自己玩樂建立出來, 不是由他人迫或強灌出來的.
你問任何一位小兒發展心理專家都會告訴你... 小朋友其實不用讀幼稚園, 是可以直接讀小學... 一樣甘聰明.
但現實, 如果沒有人讀幼稚園, 甘他們咪全部倒閉, 又不能呢!!! 所以... 明未?
但我相信你不會信我所講, 因為我對任何人說都沒有人相信.
(聲明: 我都有比我個女入幼稚園, 但我不是讓她學習, 而是讓她玩樂, 因為家裡沒有人和她玩)

我信~ 不過HK嘅情況好唔同
呢度人口密度高, 公園遊樂場都唔夠, 屋企又細~ 好多媽媽又要返工, 無人陪小朋友, 教小朋友~ 所以nursery 唔係返學, 係托兒所! 如果你連KG都唔俾佢返, 就對於浪費咗小朋友學嘢最快最輕鬆嘅0-6歲!

私人傳訊

kerkermui

伯爵府

積分: 18610

醒目開學勳章 BK Milk勳章

14^#

發表於 09-3-18 18:21 |只看該作者

B媽~
睇吓社工幫唔幫到你啦~ 我覺得, 如果你感到精神壓力, 就要搵人睇吓可以點幫你~ 特別係有特別需要嘅小朋友! (雖然~ 大B唔係一定有問題, 不過佢搞到你頭都大埋就係問題!)

加油呀!

私人傳訊

Sum107

禁止發言

積分: 3176

15^#

發表於 09-3-18 19:17 |只看該作者

提示: 作者被禁止或刪除內容自動屏蔽

私人傳訊

ulam

別墅

積分: 769

16^#

發表於 09-3-18 20:56 |只看該作者

B媽,

我都好明白你的感受, 因為我亮亮都好活潑, 細佬希希又細(差不多4個月大), 我要返工而工作又忙, 好彩平日有姐姐+99幫我, 但一到星期日兩個大人(我+亮爸)睇兩個小朋友我都覺好辛苦! 可況你要一個睇兩個!

我覺得N1唔係一定要返, 十年八年前都唔興返N1既, 只是宜家好多家長想小朋友早D學群體生活, 同埋小朋友返左學, 大人就得閒D ,先俾佢地返N1!

大仔雖然整親, 我都好明白你可能覺得好內疚, 不過唔好俾太大壓力自己! 可唔可以搵人傾下, 舒發下內心感受會舒服D!

小朋友咁細個係未能準確測試佢係未過度活躍既, 佢可能只是對周圍事物太好奇!

加油啊! B媽!

私人傳訊

豬婆

大宅

積分: 1948

17^#

發表於 09-3-18 21:58 |只看該作者

B媽 :
唔好唔開心啦 , 你真係好叻架啦 ! 一個人揍住兩件重可以做埋家務 , 我小B依加先7個星期 , 我都明白睇兩個真係好好好辛苦 , 顧得大又顧唔得細 , 我自問真係無咁既本事 , 就算有工人姐姐幫手我都覺得唔係好掂 , 所以你唔好怪自己.......開心D啦 !!!!

私人傳訊

arkid

大宅

積分: 1705

18^#

發表於 09-3-19 00:18 |只看該作者

B媽 :

其實你係一個好偉大同好幸福既媽咪。有一對仔女，先生又有工做。單憑呢兩點，已經好過好多人既啦。你要好好珍惜呀。

我都好同意其實小朋友係3歲前既表現3都唔可以100%作準。我C6 3歲前係唔識行，個個以為佢對腳有咩事.... 結果3 歲後既某一日，佢突然又走又跑....

所以你唔好太擔心，大B而家呢個樣唔等如佢日後都會係咁。

我覺得你可能太累了，不如你同你先生請一日假，一齊去離島玩一日，住一晚輕鬆下啦。

私人傳訊

as_sheep

大宅

積分: 1993

19^#

發表於 09-3-19 09:27 |只看該作者

B 媽,
琴晚再同律爸傾左,如果你屋企經濟有困難,無$教學費,其實可以向學生資助辦事處申請減免學費架.但係自行申請的話就只可以申請到半日的資助,如果要申請全日的資助,就要搵社工推薦,幫你申請.咁樣大B就可以讀N班law.

如果你真係決定吾比大B讀N班,我知道保良局有暫托服務,如果無記錯$16兩個鐘,早排我諗住比律律暫托係果度,等佢學講野,因為吾識講野的小朋友入學後會快d識講野架.我要搵一搵個網址先,睇下係吾咪呢個價先,最重要係點樣先可以得到呢個service.

私人傳訊

as_sheep