少年成長今日: 0|主題: 15858

收藏本版

發帖

返回列表

跳至頁

查看: 9705 | 回覆: 4

行山記 [複製鏈接]

csir3290

子爵府

積分: 10998

1^#

發表於 20-12-27 11:19 |只看該作者 |倒序瀏覽 |打印

阿仔阿女停課咗都成幾個禮拜，連學開嘅羽毛球有冇得打，除咗間中星期六學完嘢同佢哋出去食個飯之外，一佢哋兩個都好少出街日日都喺屋企，雖然佢兩姊弟感情好好留喺屋企都仲好多嘢玩，但係日日都係屋企好似冇乜運動，所以早兩日特登收早啲，返咗屋企然之後同佢兩個出去行下山。但係老婆未收得工所以就我一個帶住佢兩個去咗行山。目的地係獅子山，開頭都有啲擔心佢兩個行唔到，因為行都上頂嗰段，有一段路要手腳並用咁爬啲石先至到，但係行下行下原來佢兩個都行得曬，真係唔可以睇小佢哋。

其實段路開頭都算好行，就算我一個帶住佢兩個都冇問題亦都唔太辛苦，整段路程最辛苦嘅就係由過咗中間回歸紀念亭之後到上山頂嗰段先算比較辛苦。對我哋大人嚟講冇乜問題，但係對兩個小朋友嚟講因為好多地方都要手腳並用，又要爬石所以係有啲辛苦。但我哋三個沿路有傾有講唔覺唔覺就爬到上山頂。上到山頂望到咁靚嘅風景，佢哋兩個都話雖然爬得有啲辛苦但係都值得。佢兩個仲不停咁影相，由於下晝接近日落仲影咗好多好靚嘅日落相添。

之前講最後嗰段路都有好多石要爬所以佢兩個係有啲辛苦，但係我最開心嘅係見到家姐會自動自覺停低幫細佬會扶住細佬隻手去爬呢啲石。唔知家姐係咪學咗我呢！又係榜樣嘅問題，因為我哋成家人一齊去行山嘅時候好多時都互相幫助尤其是我經常都會拖住老婆同埋幫佢兩個，今次老婆唔喺度家姐就好似做咗我嗰份咁幫細佬擒上擒落扶住佢。當然見到咁嘅情況亦都要讚佢兩個，好欣賞佢兩個能夠互相幫助互相扶持。

我自己就好珍惜呢啲能夠同細路仔一齊相處嘅時間，因為呢啲係好難得嘅親子相處時間，細路仔亦都係呢啲時間入面學習大人點樣處事同埋待人。今次行山連家姐自己都話雖然過程中有啲辛苦，但係原來想到山頂見到咁靚嘅景色付出嘅努力都係值得，呢一次行山嘅經歷亦都成為我哋三個其中一次重要嘅回憶。